السلام عليكم ورحمة الله وبركاته
اخواتي العزيزات انا عندي مشاكل كتير مره في الدوره الشهريه اول شي كميه الدم الله يعزكم قليله جدا جدا تكاد تكون معدومه من اليوم الرابع الى السابع وكمان يصاحبها الام مو طبيعيه المهم لجأت الى الاعشاب وبشرب قرفه عشان تنزل لانها دايما تتأخر وكمان ميرميه وخزامى عشان تخف الامها والميرميه استخدمها دايما لانها مهدئه وتخفف الوزن
المهم كل ما اتصفح النت اجد اثار جانبيه للميرميه مره تسبب انقباض المبايض ومره تسبب اكتئاب ومره خطيره للبنات وممكن تسبب عقم ومره ومره ومره
فهل احد عنده معلومه مؤكده في دا الموضوع وياريت لو احد يعرف موقف لطبيب شعبي او موقع طب بديل عشان اتمكن من اني اسال طبيب مختص

وبعدين عندي سؤال تاني قرات مواضيع كتيره عن تخفيف الوزن والتخلص من الكرش واغلبها كانت تمنع اكل الارز والعيش الحب ولكن انا اعرف انه العيش الحب مفيد جدا وانا دائما احاول اكله لانه مليان الياف ومفيد لانه انا ضعيفه جدا
فارجوكم افيدووووني ولكم مني جزيل الشكر

حبيبتي وقت الدورة الشهرية نصيحتي ابعدي عن الأكل الدسم والمشروبات الغازية وارتاحي ..

اذا تبغيها تنزل اشربي القرفة ... ووقتها ماتجي اشربي بابونج لانه يخفف الالم شوية ...

انا عن نفسي مافي الام دورة لاني امارس الرياضة وقبل لا امارسها كانت الآمها شديدة جدا

كلي شوكولاته وقت الدورة وعيش حب مفيد والخضروات والفواكه ولاتمشي وانتي حافية

واذا تبغي تنحفي ابعدي بس عن الخبز الابيض والفرايز وغيره ... واشربي الشمر ..

انا مثلك دورتي قليلة ومدتها 5 او 4 ايام فقط وغير منتظمة .. المرمية ماتسوي شئ ان شاء الله وخليكي على الشمر

تسلمي كبريائي ياعسوووله بس ايش نوع الرياضه اللي تمارسيها وكم يوم في الاسبوع

حلو انك طرحتي الموضوع يا جوجو لاني اسمع اشياء كثيره عن الدوره وخرابيطهابس اللي استغربه اني قبل الدوره احيانا مو دايم احس بجوع فضيع قد ما اكل ويخطر ببالي اكلات غريبه انا انقهر لاني اكون امشي على حميه واخربها بالايام اللي قبلها
كبريائي اهنيك على ثقافتك الصحيه الرائعه ما شاء الله تبارك الله
حملت ملفك الرائع عن تنقيص الوزن اتمنى اني اعرف نظامك الخاص بالتفصيل لاني نفسي انزل وزني مثلك اتمنى اصل الى 50 او 47

~jojo~ .. كنت امارسها يوميا لمدة ساعه ولكن لما بدات الدراسة صرت بس خميس وجمعه عشان وقتي كله للجامعه



سمانجد .. الله يسعدك ربي فرحتيني بكلامك
ياعمري اي شي انزله احفظيه ماعندي مانع لانه انا ما انقل شئ الا قليل كله انا اللي كاتبته وياقلبي نظامي الخاص صاااارم جدا .. ويمكن تتعبي لو اتبعتيه لاني تعبت كثير بس اتحملت ... اذا تحبي تعرفي نظامي اول والحيين ماعندي مانع

الحلبة يااخواتي مفيدة في الدورة تزيد الطمث وتسهلها
ربنا يعطيكم الصحة والعافية

الحلبة تزيييييييييييييييييد الوزن وريحتها وعععععععع ماتعجبني

كبريائي انا مستعده للصرامه((ههههههه))
لاني والحمد لله كان وزني 70 والان 63والحمد لله مستعد للقديم والحديث
حاولت اتابع الكميائي بس خفت منه كثير
واللي قلت فيك شويه وتستاهلين اكثر لاني بجد معجبة فيك ماشاء الله عليك

اول مررررررة سويت فيها رجيم في حياتي ...

كنت اكل توست ومربى ... او ... لبن وتمر ... او سلطة مع نص دجاج مسلوق وزبادي ...
مع رايضة لمدة 3 سااااااااااااااااااااااااااعاااااااااااااااااااااا ت >>>> اول مرة اعترف لاني اخاف على نفسي قولوا ماشاء الله ..
وتصدقين تعبت تعب مو طبيعي ... وبعدين بدات اكل معكرونة رجيم وبسكوت رجيم وعصاير رجيم عشان تعبت مع الدراسة .... لما نحفت ووصلت الى 60 ...مريت بفترة شراهة مو طبيعية وزدت 4 كيلو ورجعت نزلت وزني ثاني الى 60 وثااااابت .. وبدات انتبه للاكل

الان اكل كلللللللللل ماتتخيلي .. ولكن كله اكل رجييييييييييم ..
اروح السوبرماركت قسم الرجييم واعبي العربية من كل مالذ وطاب للرجيم واكل بس عيش حب ..
وما انكر تجي فترات اشتهي الفرايز والشبس . والكيتكات اعشقه عشق مو طبيعي لكن كنت احاول اكلهم في الصباح بدري عشان احرقهم ... مع الوقت ..
طبعا اكيييد كنت اسوي رياضة .. عشان بنشد الوزن ...
البنات كانوا مسوييين مسابقة عرفيتها ؟ حقت دحوومي ؟ انا كنت بابدا رجيم لبن وتمر لكن بطلت لاني قلت اني نحفت كثير ليه اتعب نفسي ... فصرت اكل ولكن كله للرجييييييييييييييم .. وانا بعد الاكل ب3 او 4 ساعات عشان النوم بعد الاكل يسبب كرش ويزيد الوزن
وطبعا لاننسى الشاي الاخضر والشمر ووصفات الرجيم ...


اذا اتذكرت شي ثاني ان شاء الله افيدك ... ...


اه اتذكرت انا الى الان لا اشرب اي مشروب غازي حتى لو كان دايت عشان كذابين وماشرب قهوة او نسكافيه ابدا حتى لو حقت رجيييم لانها تسبب السيلولايت ...

اللي يحب يعرف وزني ... انا وزني كان 81 والان 60 وان شاء الله استمر الى 47 او 50 وطولي 153

تحياتي للجميع

ماشاء الله تبارك الله .. حبيبتي سما شكلي بابطل اتكلم عن تجربتي لانه الكل بدا يعلق وانتي عارفة الناس ماتصلي على النبي ومستعدة اموت ومارجع مثل اول .

تدرين اول ما قريت انك تحبين الكت كات صرخت لاني والله احبه حب جنوني
لا خليكي فخورة بنفسك واقري على نفسك المعوذات صحيح الناس ما تعطي خير
بس تصدقين تفاجئت ان القهوه والدايت من المشروبات الغازيه تسبب السليولايت
انا وزني كان 75 والان 63 وطولي 163
واذا رحتي السوبر ماركت لا تمشين من الجهه اللي فيها الحلويات هذه طريقتي انا
الله يوفقك والله يعطيكي لحد ما يرضيك واشكرك على تعاونك معي وراح اتبع نظامك الصارم واقولك على التطورات ان شاء الله