السلام عليكم ورحمة الله وبركاته
اخواني واخواتي اريد رايكم بهذا الموضوع
في يوم من الايام رجع زوجي من الدوام منزعج وسالني انتي متى اخر مره كلمتي فلانه (صديقتي)من ايام المدرسه وحتى الحين ولله الحمد دامت صداقتنا حتى لما خلصنا المدرسه ولي تزوجنا ولي حد الحين المهم انه قلت له امس كلمتها رد علي وقال انه هاذي مابيج تمشين ويها خير شر ولا ابيج تكلمينها واذا اتصلت لج لا تشيلينه او سدي الخط بويهه استفسرت عن السبب فقال لي انتي تدرين ان هي تكلم شباب انه استغربت وقلت له لا ،قال لي عيل انه اقول لج احين ، قلت له يمكن انت غلطان هاذي صديقتي وانه اعرفها وهي عاقله ما تسوي جذي ،قال لي مو هي اسمها (كذا كذا كذا ) قلت له اي قال لي مو عندها ولد اسمه كذا قلت له اي المهم قال اسم خواتها واسم ابوها وانه تاكدت ان هي قال لي انها تكلم واحد معاه بالشغل وان حتى اللي كانت تكلمه لما سكر الخط من عندها قعد يشهر فيها يقول حق ربعه هاذي فلانه بنت فلان ، انه ما الوم زوجي لين قال لي تركيها عنج لان اكيد يخاف علي وعلى سمعتي ،بس الصراحه هاذي صديقتي من سنين وانه ما اقدر اخليها باهالسهوله انه للحين اكلمها بس اني ما اروح بيتهم بس بيني وبينها تلفونات وودي اقول حق ريلي اني للحين اكلمها بس اخاف من ردة فعله مع العلم انه شديد في مثل هالمواضيع ياليت تشورون علي ما ادري شاسوي

انصحكِ بأن تطيعي زوجك الذي هو أهم من صديقتك .

عدم الاستعجال بالحكم

ممكن تتحسسي من هذا الشيء قبل ما تقاطعيها يمكن تكون مظلومه

ولا تخبري زوجك وحسسي زوجكي انك قاطعتيها

طبعا زوجي اهم من صديقتي والمشكله اني سالتها وردت علي انها صحيح تكلم شباب وريلي عباله اني قاطعتها وانه ما قاطعتها بس علاقتي ويها صارت مجرد تلفون وبس هي ما تزورني ولا انه ازورها

اختي الكريمة 0000
اطيعي زوجك 000 فان ألحت صديقتك لمعرفة سبب المقاطعة فاخبريها بما سمعتيه عنها 000

( ولا تقولي زوجي قال ولا صديق زوجي في الشغل ) قولي سمعت من الناس وارفضي ذكر اي اسم 000

واعطيها فرصة تدافع عن نفسها 000ان كانت مظلومة 000 أو تتعظ ان كان فيها مايقال 000

لتعلم ان الرجل الذي وثقت به قد فضحها 000 وانصحيها بالعودة الى الله 000 ولا تكلميها الا بإذن زوجك 000

بما انها اعترفت لكِ بذلك
فعليك واجب النصح لها
فان لم تستجب واستمرت في ضلالها
فاطيعي زوجكِ وادعي لها بالهداية

يعني اعترفت بذنبها ، انصحيها ان تتقي الله ، واقطعي علاقتك حتى من مجرد التيليفون .

اختي الكريمة 0000

تخيلي لو انها اثناء حديثها مع احد الشباب قالت له صديقتي فلانه 000 سيتبادر الى ذهنه تلقائياً أنك مثلها 000

انتبهي لسمعتك اختي وابتعدي عنها 000

طيب أنت تقولي زوجك أهم ... إذا لماذا أنت مصرة على صداقتها بالرغم من كل ما قالته لك ...

اتقي الله في نفسك فالصاحب ساحب ...
واتقي الله في زوجك الذي أعطاك الثقة وأنت الآن (( اعتذر عن هذه الكلمة ولكنني اعتقد بأنك تخوني هذه الثقة ))

اسأل الله لك ولها الهداية ....

__________________

اختي الكريمه صعبه انج تقطعين علاقه عمرها 13 سنه انتي تقولين لي جذي لانج يمكن ما مريتي باهالموقف واللي يده بالماي غير اللي يده بالنار