بسم الله والصلاة والسلام على اشرف الانبياء والمرسلين

موضوعي يمكن مو غريب بس إن شاء الله انه مفيد بطريقه او باخرى

اول شي انا ابي اسالكم سؤال يمكن ما يخطر في بالكم

ايش اللي يسبب الجفاء بين الزوجين؟؟

انا اقول لكم ايش



يعني لما احدى الزوجين يبعد شوي عن الاخر تكون ردة فعل الاخر الصد ايضا
ليييييييييش؟؟

ليش ما يحاول الاخر كردة فعل بانه يتقرب بطريقه حلوه ولبقه
مو عشان واحد بعد شوي يقوم الثاني يبعد اكثر


او لما يعطي احد الزوجين شي (مادي او معنوي) ليش لازم ننتظر من الطرف الاخر الرد بالمثل

ليش ما نفكر نعطي عشان نسعد الشخص اللي نحبه مو عشان يردها لنا

صدقوني لو كل طرف اعطى الثاني ---> حنان _ حب _ عطف <--- بالاضافه يعني للاشياء المادية من هدايا واشياء اخرى بدون ما انه ينتظر شي
يعني يكون هدفه بس الارضاء
بتكون إن شاء الله حياتهم اكثر استقرارا وحبا

يالله طبقو هذا في حياتكم

مثلا كل ما دخلت يا الزوج لبيتك عط زوجتك مثلا بوسه احضنها او أي شي حلو
يعني حتى لو هي ما سوت كذا انت سو من نفسك

صدقني لو سويت كذا دايما بيزيد الحب بينكم حتى هي بتتعلق فيك اكثر
يعني لو جيت يوم وما سويت كذا هي بتقول -> عسا ما شر وش فيك او تسوي لك هي نفس الشي بحركه لا اراديه
ونفس الكلام ينطبق علزوجه
حاولي دايما يكون البيت يفتح النفس وشكلك بعد مرتب وحلو واهم شي نظيف
وسوي كذا بس عشانك تحبينها
ومو اذا تهاوشتو يعني خلاص تهملين بيتك عشانك مو راضيه عليه
لاااااااا لا تزيدين الطين بله
يعني خلو الحب دايما هو الهدف الرئيسي لكل شي تسوونه

وان شاء الله بكذا ما راح يكون بينكم جفا بعون الله تعالى

ابغى اسمع رايكم في الموضوع وابيكم تطبقون هذا في حياتكم وعلموني بالنتايج


اللي يحب يعطي عشانه يحب مو عشان ياخذ

اختكم >> درعاويه