عمري 23 سنة ..
بقي كم شهر و أكمل سنتين زواج مع زوجي ..
و عندي منه بنت .. و الحين حامل ..

مشكلتي مشكلة كل زوجة ..
اكتشفت بداية زواجي أنه زوجي يكلم بنات .. و يدور على صور بنات بالنت .. علشان يتعرف عليهن ..
غير أنه ربعه شلة سوء .. الله يبعد شرهم عنه ..

حاولت أحتويه بكل ما أقدر عليه ..
أشبعه .. جنسيا .. عاطفيا .. من كل النواحي ..

.....................
و مسجات ..
و رسايل ..
و ليالي .
و ملابس ...
و دلع ..
و حب ..

عمري مارفعت صوتي عليه ..
و عمري ما خليته ينام و هو زعلان علي ..
و حبني حب .. لدرجة أنه يهذي باسمي و هو نايم .. و يقول كلااام من أحبج و أموت فيج .. و ماينام إلا بحضني .. و لا ليلة مرت نام بعيد عني إلا إذا متزاعلين ..

يعني أنا واااااااااااثقة مليون بالمية أنه يحبني ..

بس ..
بعده ..
إذا خليته على النت شويه .. و رجعت للكمبيوتر .. خاصة و اني محطية برنامج تجسس ..
ألقاه يدخل شات و يوزع أرقامه ..

من كم يوم ..
لقيت بتيلفونه .. مسج وسايط ..
فتحته .. لقيت صور وحده عارية من نفس بلدنا ..
انجنيت .. حسيت بدووووخة ..
حفظت الرقم ..
و دقيت عليه .. طلع رجل .. يعني واحد من ربعه مطرش له الصورة ..
و أناااا بمووووت من القهر ..

شو أسوي وياه ..
ماعرف
أرجع أكلمه عادي ... أعامله عادي .. و لا أزعل عليه و أعصب ..
أحس ثقتي فيه تدمرت ..


ساعدوني بالنصيحة الله يجزيكم ألف خير ..

عزبزتى يرجى منك كتابة الموضوعات باللغة الفصحى قدر الامكان