السلام عليكم .

انا مشكلتي وباختصار زوج خائن (طبعا اهو يقول لا انا موب خاين لاني اكلمهم عن طريق الماسنجر بس) يضرب ويسب ويقول انا مريضة واحب المشاكل واي حاجة اسويها بعد كم يوم يعايرني فيها وانتي ليش سويتي كذا انتي المفروض قلتي كذا وكذا ويحاسبني على اي شئ اسوية وانا ممنوع احاسبة على شئ.مثلا ارسل رسالة وما اكلمة لا المفروض كلمتيني ليش ترسلين ولو سويت كذا قال العكس ...........اتهمني باشياء كثيرة وطردني من البيت انا واولادي لكني ما اطلع احبس نفسي بغرفة مع عيالي لحد ما يهدا .......ما اعرف كيف اتصرف معاه ما ابغى اتطلق حرام البنات ايش ذنبهم احس اني مش انسان محطمة نفسين وجسدين الله يخليكم عطوني حل .............

لما اتذكر الكلام اللي كان يقوله لغيري احس بالم فضيع وضيقة انا زوجتة ليش ما يعاملني مثلهم انا ام بناتة ليش يفضلهم علي هو يبيني انسى اوكية انسى لكن لا تزيدها علي اذا صارت مشكلة طقيتني وطردتني كيف انسى..........

استغفر الله .. اش هالزوج..
عورتي قلبي حبيبتي..
لازم في طريقة تغيرين من تصرفاته..
دخلي له من مداخل يحبها وتفرحه..

وانتي اشلون سمحتي له يضربك أول مرة؟؟
شوفيه نعود على أقل شي يضرب...

الله يهديه..
وإذا هو مايعطيك كلام حلو..
أنتي أغرقيه بالكلام المعسول..
والغزل والحب والأحضان..
لما يشوفج عوضتيه عن اللي يكلمهم..
راح يتركهم لأنه بيشوفهم تافهات..

بس عندي سؤال:
لما يطردك من بيتك عمرك حاولتي تروحين بيت هلك؟؟
يمكن هو لأنه متأكد إنك ماراح تطلعين من البيت يعيدها ويكررها في كل مشكلة..
لكن إذا عمرك مارحتي بيت هلك زعلانة..
فيمكن هالمرة إذا رحتي زعلانة راح يحس بفداحة غلطته ويندم..
وبعدك عنه يخليه يشوف أخطاءه ويفتقدك ويشوف هو اشكثر بحاجة لك..


الله يهديه ويهدي جميع أزواجنا..

الله يفرج كربتك اختي اصبرى فالله مع الصابرين وحاولى تهدئينه وتكسبينه مهما يكن فهو زوجك وابو اولادك

__________________

والله عورتي قلبي
حبيبتي لازم تعملين حد في حياتك
كيف تسمحين له اولا بضربك لا تسكتين عن حقك دافعي عن نفسك ادا عندك اخوتك خلي واحد فيهم يدخل يصلح فالصلح تم التهديد

لا حول ولا قوة إلا بالله

الله يعينك يا رب ع ها البلوة

عزيزتي ما في مشكلة بدوون حل

حاولي تغيرين اسلوبك معاه

حاولي تتعاملين معاه بطريقة اخرى

حاولي إنك ما تزيدين المشاكل وتعقديها بصراخ أو بكي أو ملامة

الحرمة الذكية هي اللي تسكت وتفكر بهدوء بدون ما زوجها يعرف شو تخطط

عزيزتي الله أودع فينا الحيلة والكيد فحاولي إنك تتناسين اللي سواه فيكي ( من الطرد وغيره ) وعاملي معاملة غير ..

أو شوفي هو شو يحب بالضبط وابدي من هنا واخذيه بشويش مثل ما يقولون

صدقيني الرجل اللي كذا ماراح يعتدل في يوم وليلة ..المرة لازم تتحايل وتكيد علشان ترجع زوجها لصوابه

الله يعينك يااااار ب

__________________
الظلال تمد ايديها لنا !
هل يا ترى تكون ارفق علينا من الضوء؟

الله يفرج همك ويشرح صدرك ويهدي زوجك ويسعدك معه آمييييييييين

اشكركم جميعا على ردودكم .........انا عمري ما اشتكيت لاحد عن عمايلة فيني واذا طردني من البيت ما اطلع .

الاعتذار لا يمكن مش موجود بقاموسة عمرة ما اعتذر لي على كلمة قالها او ضرب لا يقول ليش اعتذر افعالي تدل على الندم ...لما اسافر ما يتصل فيني ابدا انا لازم اكلمة اهوا لا ومع كذا فاتورتة تجي ب800 و900 .....فسروا لي ايش معناه هذا ........................

انا لما انضرب او يقولي كلام وسخ ما ازعل قدامة اكتم بنفسي واخدمة ولا اتركة لحالة ابدا ما اسوي مثل اي وحدة تتركة وتدخل الغرفة وما تهتم فية لا بس ما اتكلم معاه ابدا حقوقة ووجباتة اقوم فيها وغير كذا لا

ولا تحسبوني ما اسوي اة اللي كل زوجة تسوية لزوجها موفرة له كل شئ ما عمرة طلبني وقلت لا وعمرة ما شافني الا باحسن لبس ومهتمة ببيتي ونظافتي وببناتي والحمد لله عمرة ما اشتكى من الناحية هذي ما ادري ايش اسوي معاه

حياتي احسها جحيم انا اغلي من جوا وهو يقول الامر عادي وانتي تعطينه اكبر من حجمة .............

الرجل علشان يحس انه مرغوب فيه من نساء كثيرات عليه اقامه الكثير من العلاقات خارج نطاق الزوجية ليرضي غروره و هذه مشكلة الكثير من الزوجات ،،،، و هو لا يعتبر هذا عيب او حرام لانه رجل مسموح له القيام بأي شئ بلا مبررات او اسباب و على الزوجة تقبل الوضع بلا اعتراض و لكن اختي لا تسكتي عليكي الاعتراض دائما حتى يقلع عن هذه العادة حسسيه بالرفض و انك سوف تتخذي موقف و لو تطور الموضوع ادخلي احد كبار العائلة في الموضوع و خيريه بين استمرار حياتكم و مغامراته و ان شاء الله بيختارك انت و بناتك

__________________

اذا ضاقت بك الدروب فعليك بعلام الغيوب

يارب يكون في عونك واللهّ يااختي كثير متزوجات زيك000 ولاحول ولاقوة الاباللهّ 0000 يارب يهدية000

وانت كلمي احد من اهلة يعز علية زي امة مثلا000 لاكن اذا حسيت انة يمكن يتغير لو احد غيرك نصحة000

لاني اخاف عليك يكبر الموضوع 0000 وبعدين الي يسوية حرام وهوانسان متزوج 000 ذكرية باللهّ واذا

لم يرتدع000 اعلمي ان اللهّ لايضيع اجر من احسن العمل000