باقي شهر على زواجي
السلام عليكم و رحمة الله و بركاته
ما ابي اطول عليكم و بقول لكم مشكلتي مع خطيبي ( زوجي عقد قران ) ..
انا مالجة من شهرين تقريبا و مشكلتي انه خلال هل المدة ما حسيت باهتمام زوجي لي على العكس انا دايما الي اسأل عنه و اهتم فيه حتى لو ما هو سأل دايم مشغول في حياته عني يا ويا ربعه .. يا في شعله .. يا عند اهله و انا وين من كل هذا ما ادري ..
خلال هل الشهرين ما زارني الا ثلاث مرات و جاب لي بس هدية وحدة و كانت امه الي شارتنها لي لانها كانت معه
اليوم قلت اجرب معاه اسلوب ثاني و اكون قليلة معاه في كلام الحب و اكون شوي رسمية معاه لانه ما كلمني من يومين تقريبا .... و لما سألأني قالي شو فيج قلت له انت ادري بلي فيني المهم اصر علي انه يعرف ليه انا متغيره عليه
قلت له صارلي يومين ما كلمتك و انت و لا سائل فيني مع العلم اني اطرش لك مسجات و لا حتى تعبرني و لا ترد علي
تتوقعوا شو قالي ؟؟
قالي شو يعني ؟؟ شو المشكلة اذا ما كلمتج عااادي
قلت له اذا عادي عندك مو عادي عندي
قالي خلاص هذا اخر اتصال من بينا و سكتت انا و سكت هو و بعدين قفلنا
ارجوكم ساعدوني كيف اتعامل معاه كيف افهمه انه هذي احلى فترة للمتزوجين كيف افهمه اني ابي اتعرف عليه و على طباعه قبل العرس ؟؟؟؟؟؟؟؟؟
20-05-2006, 03:17 PM
ضوابط المشاركة
العرض الشجري