هذي طريقة الأشار

وهو عباره عن مخلل هندي بس مرررره لذيذ

المقادير


الخضار حسب الرغبه( كوسه-بزاليا-فاصوليا-جزر-قرنبيط-فلفل حار-بطاطس)

الي ما تحبيه من هذي الخضار لاتسويه على كيفك بس البزاليا والقرنبيط والبطاطس لازم تسلق قليل جدآ قبل ما تحطيها

طيب الحين بعطيكم الطريقه

خذي ثوم مطحون حوالي ملعقة كبيره مال الطبخ

ضعي زيت زيتون مع زيت العافيه مع بعض بكميات متساويه في طاوه ( ما أدري أيش تسمونها هذي حقت القلي الكبيره

ضعي الثوم فيها حتى يبدأيغلي بس ما يحمر وعلى طول حطي الخضار

أبدأي بالكوسه تقليبتين ثم ضعي الجزر تقليبتين ثم ضعي الفاصوليا وقلبي ثم ضعي البهارات

وهي ( حبه سوده-شمر وكمون مطحون -وكركم -ولاتحطي ملح

قلبي شوي ثم ضعي الخضار الي سلقتيها مثل القرنبيط والبزاليا والبطاطس

والفلفل الحار حسب الرغبه إذا تحبي الحار ضيفيه

ثم أتركيه على النار مدة ثلث ساعه مع التقليب المستمر حتى تلاحظي أن الخضار مثل الكوسه بدأت تنقطع معاطي

بس ما تذوب لا بس تلين شوي يعني مدة ثلث ساعه كافيه

ثم أطفئ النار وأتركيه يبرد

ثم أضيفي ( الأنبا) هذا عباره عن مخلل ثمرة المنجا ويوجد في السوبر ماركت في قاروره زجاج لونه أصفر ومالح

ضعي منه حسب كمية الخضار الي أنتي مسويته

يعني قاروره كبيره واحده كافيه ولذالك لانضع ملح لأن هذي الأنبا مالحه تفي بالغرض

ثم ضعيه في قاروره من الزجاج وأحرصي على أن يكون سطح القاروره دائما مغطى بالزيت منعآ للخراب

ويوضع في الثلاجه وبالعافيه

الاشراف / تم تعديل العنوان


مستكة_مستكة