انا اول مرة اكتب موضوع فى المنتدى فحبيت ابدا باكلة روعة وانا باموت فيها واكيد كتير زى هى الكشرى المصرى و
لو فى حديعرف طريقة تانية ياريت يقولها

اولا:بتجيبى نوعين من المكرونة العادية الصغيرة والاسباجتى كيس اونص على حسب العددلكن اعتقد ان نص من كل نوع يكفى

2:عشان توفرى من وقتك اسلقى النوعين فى قدر واحدمعا

3:اطبخى الرز مع الشعريةفى قدر تانى

4:هاتى عدس بجبة(عدس بنى)واغسلية جيداحوالى كوبيتين على حسبوبعد كدة صفية وغطية بالماية جيدا مع قطرة ملح
واتركية حتى يسوى

ملحوظة خدى بالك وانتى بتحطى الملح فى المكرونة والرزبالشعرية قليلية على قد ماتقدرى واعملى حساب ان الصلصة كمان حيكون بها ملح

5:طريقة عمل الصلصة

هاتى اربع فصوص توم وافرميهم وحمريهم فى الزيت معلقتين زيت صغيرين صفريهم،ثم ضيفى عليهم

حوالى اربع حبات طماطم معصورة(عصيرطماطم) ،وضيفى قليل من الملح وفلفل وبهارات (كمون وقرفة)وسيبيها تتسبك شوى بس ماتخلى الصلصة تقيلة ممكن تزوديها بالماء كلما احتاجت وممكن تضيفى معلقة صغيرة معجون طماطم للون فقط

6:هاتى بصلتين وقطعيهم حلقات وحمريهم فى الزيت شوىواتركيهم للاخر

7:اخيرا حطى طبقة من المكرونة النوعين وبعدين طبقة خفيفة من العدس البنى،ثم طبقة من الرزبالشعرية ،ثم اسكبى الصلصة عليهم ورشى باقى العدس واخيرا انثرى البصل المحمرعلى الوش
ويمكن اضافة الحمص المستوى علية للتزيين
اما اللى بيحب يحط دقة فهاتى /فصين توم ودقيهم وحطيهم علة كوب خل مع كمون واخلطيهم جيد بس صدقونى بالطريقة دى ماتحتاج الدقة

انا عالرفة انها طويلة بس واللة سهلة ....ولذييييييييييذةجدا

وسامحونى عالاطالة جربوها وقلولى