سلامي لهذا المنتدى الاكثر من رائع
بالرغم من وجودي فتره ليست بقصيره الا ان هذي اول مشاركه لي بالمنتدى ... حبيت انقل لكم طريقتي بالحفاظ على بشرتي ناعمه كبشرة الاطفال الطريقه سهله جدا و انا اسويها كل اسبوع و اب امانه ما عندي مشاكل منها

قبل اي شيء ادهن جسمي كله و اهوا ناشف اب صابون الحمام المغربي ( ينباع عند العطارين مع الليفه الخاصه للحمام المغربي) و اجلس فيه قد ما اقدر و الجسم جاف طبعا ... بعدين ابلل الجسم بالماء و اقوم بالفرك مع الليفه الخاصه و بعدين ادهن جسمي كله ما عدا الوجه بالعجينه المكتوبه ادناه :

ثلاث ملاعق هرده ( طحينه مع زيت السمسم )
ثلاث ملاعق ماي ورد
ثلاث ملاعق مقشر بشره (يفضل من الصيدليه او على الاقل ما يكون فيه عطور او كيماويات او من البودي شوب نوع زيتون لانه الافضل)
عصير ليمونه واحده

تخلط جميع المقادير مع بعض الا ان يصبح عجينه .... و اقوم بالمسح و التدليك البسيط من دون ليفه (مع اليد )الا ان احس ان العجينه بدات تنشف و بعدين اغسل جسمي بالماء من دون صابون على شان استفيد من الزيوت و العجينه

و راح تشوفين الفرق اب بشرتج بعد فتره بسيطه جدا انا مداومه عليها ... بعد الحمام ارش جسمي اب ماء الورد و اتعطر بالبخور و دهن العود و الخمريه و كل وحده و ذوقها .. و حمام الهنا يا حلوات

اتمنى اكون افدتكم
اختكم بني