بسم الله الرحمن الرحيم

كثير من البنات يحلمون باليوم اللي تجهز نفسها للدخول لبيت الزوجية ،، طلعات سوق ،، ودلع وطلبات مستجابه ، ، بس للأسف هذا الحلم والواقع شي ثاني انا امر الأن فيه

تجهيزات الزواج وآآآآآآآآه من الضغوط والنفسية السيئه الى الاسوء

اخواتي ، لا اعرف ما ذا اقول هل انا كما يقولون دلوعه او غير فاهمه الواقع على حقيقته ، او ابالغ

انا بديت من تقريبا شهر استعد وابدا الحجوزات عشان زواجي بالصيف ، بس على ما يبدوو اني مررره متأخره

ماتصورون انا اعيش باي دوامه ، بصراحه لا احد يضحك علي مثل خطيبي مو مقدر ان الترسس اللي انا فيه لآني
ماني قادره ادبر القطاقه والصاله والمصوره بيوم واحد ، ، ؟؟؟

تخيلووو ما فيه ولا طقاقه:14: :14: فاضية لي باليوم اللي فاضيه فيه الصاله والمصوره اللي ابيها مو فاضيه بنفس اليوم

زحمه زحمه زحمه غير طبيعيه

وما ني قادره ابدأ بشي ثاني وانا لسه ما حطيت اساس لحفلة الزواج ، وفيه كثير من المناقشات المطوله بين اهلي

واهل زوجي ،(وتعددت الأراء والهـــم واحد)، ماني قادره ارضي احد ولا ارضي حتى نفسي ، انا ابي شي وامي تبي شي
لا وامي تزعل اذا ما نفذت لها رغباتها في حفل زواجي ،،

واخت خطيبي تبي شي و خطيبي مع اخته في كل شي ،، وخواتي يعترضون ، وصحباتي يعلقون وينتقدون ، ،،

محد مقدر نفسيتي ، والله هالفتره يا دوب أنام افكر كيف ارضي جميع الاطراف ، تنازلت عن الصاله اللي ابيها

عشان امي ما تبيها ، واصريت على حناية معينه ، وامي زعلت عشان ما اسمع كلامها تبي حنايه ثانيه

وربي انا في حاله يرثى لها ،،
وفوق هذا كله عش الزوجية للحين ما خلص ومطلوب مني اختار واقرر الاصباغ والديكور وربي ماني رايقه وش بختار مدري ...
خواتي العضوات فيه كثير منكن مرت بهالتجربه ، بصراحه ما ودي منكم الا بكلام يرحيني شوي واحد ودي يكون معاي يشاركني ولو بكلمه ، لآني ومن الان تعبانه فهذا من اولها كيف آخرها وربي خايفه واحس اني باشيب قبل يوم عرسي ...
تخيلوو لدرجه اني فكرت اكنسل الحفل كله ...

ساعدوني نفسيا عشان اقدر استوعب اللي يصير لي وأعرف اتعامل معاه ...

وتسلمووو

لا اله الا الله محمد رسول الله

فقط وكلي أمرك لله واتفقي مع زوجك على رأي واحد ولا تهتمي لآراء البقية فالزواج زواجك أنت وليس أحد آخر أما والدتك فحاولي إقناعها بما تريدين وفقك الله وجعل ليلتك ليلة العمر التي لا تنسى ورزقك وزوجك الذرية الصالحة التي تقر بها عيناكما ولا حرمكما السعادة آمين ، ولا تنسيني من دعواتك أن يسهل الله لي أمري