االسلام عليكم
انا يابنات ضايق صدري مرة تخيلوا يا ناس بنات ورجال انا قررت اسوي عرس وانا فرحت امي وبنتها الوحيدة وصارت لنا ظروف وتوفى احد من الاهل القريبين وخلاص انلغى العرس
انا مهمومة مو معقولة اطلع من بيتنا بهدوء وسكوت امي مافرحت فيني وهذا بعد ماشريت فستان العرس وكل شي

الحمدلله على كل حال وانا مو معترضة بس ابي منكم حلول ،،، تأجيل العرس مانقدر لان الملكة طولت كثير
شنو الحل ؟

الي مرت بنفس ظرفي شنو الترتيب الي سوتة ؟؟؟

اتمنى القى ردود واتحسون فيني لاتعتبرون موضوعي تافه لان امي موجعة قلبي وانا فرحتي قتلت ومحد حاس فيني صرت حديث الناس

ومشكورين
قدر الله وما شاء فعل والحمد لله على كل حال

ينتقل لعالم المقبلين على الزواج


مكانه المناسب


تحياتي

__________________

أختي الكريمة..
صحيح أن كل فتاة تحب هذا اليوم و تحب رؤية الفرحة على وجه والدتها و أهلها في العرس و مراسمه و غيره..
لكن قدر الله و ما شاء فعل.. و ليس من السهل أن ينسى الإنسان عند فرحه أحزان غيره خاصة إذا كانوا من الأقرباء كما تقولين..
و إذا كان تأجيل العرس صعب فممكن تخلوها حفلة هادئة و بعد فترة (ذكرى زواجكم بعد سنة مثلا) تقيموا حفلة أكبر شوي و تجمعوا فيها الأهل و الأصدقاء..

المهم أن تحمدي الله تعالى فمشكلتك لا تقارن بمشاكل سمعتها عن غيرك.. و اللي يشوف مصيبة غيره تهون عليه مصيبته.
هناك من توفي والدها أو والدتها يوم العرس و هناك من توفي عريسها في ذلك اليوم!!

إفرحي أختي الكريمة مع والدتك و أهلك و لا تنسي أحزان أقربائك و إن شاء الله ألف ألف مبرووك
بارك الله لكما و بارك عليكما و جمع بينكما في خير

شوفي اختي
إبن عمتي حصل معه نفس شيء حيث توفت جدتي (ام والدي) قبل عرسه بيوم......فطبعا بلغوا آقارب العروس بالخبر و قاموا بتآجيل العرس
يعني أحسن حل تآجيل العرس بما إنك البنت الوحيدة.....
و شوفي شو رآي خطيبك و آهله......و مبروك مقدما.........و الله يهنيكي و يسعدك:14: :14:

اخوي جزاك الله خير واكيد انا حامدة ربي وشاكرتة ألف مرة بس قصدي اني ماحسيت بفرحة العروس ومو عشان لازم اراعيهم ومحزونين عادي الحياه ردت طبيعية وضحك وكل شي بس الفرح ماكو خلاااااااااااااااااص طيب هل هذا الشي بالدين؟؟؟؟؟ الاسلام قال كذا ؟ ماعتقد ؟
انا ادري ان عسى ان تكرهوا شيئا وهم خير لكم ،،، انا الي صادمني الناس ليش مايحسون فيني ؟؟؟ قلت حفلة محفوفة وماكو اغاني بس جمعة قالوا اكيد الناس بتلولش ؟؟؟ الى هذي الدرجة بتقتلون فرحتي ؟؟؟؟؟؟؟؟؟؟؟؟؟؟
الحمد لله على كل حال

اختي ماقدر ائجل العرس لان ملكتنا صارت طويلة وزوجي مو راضي ولا اهلي،بس قريبك أجل سنة ؟؟؟

صج من شاف مصايب غيرة هانت عليه مصيبتة قبل العرس بيوم سبحان الله الله يعين

قدر الله وما شاء فعل لكنك لا تعلمين ربما لو انك عملت العرس لصابتك عين ما تتهنين بعدها !!!!!!!والله أعلم
وباليوم اللي بتروحين فيه لزوجك أحجزي بوفيه عشاء وحطي طاولات للمعزومين ((خليها محفوفه للأهل والحبايب فقطططط)) وروحي الصالون ولبسي بدلة العرس وحجزي مصوره وصممي لك مسكه حلوه وصممي كوشه ناعمه ودخلي على يباب(زغاريد)من غير أغاني راح تلقين ان شاءالله الكل فرحان ويصفق لك وخل يلبسك الشبكه وعند العشاء طاوله مفرشها أحمر اي مخصوصه للعروسين وتعشي معاه على انفراد راح تحسين انك محط انظار الكل والله فكرتي حلوه بس فكري فيها عدل
وموحلوه تطلعين سكيتي
وألف مبروك ولا تحزنين كل شي له حل والله ان أحلى الأعراس اللي أذكرها كانت في البيت

وبهالفكره محد راح يزعل من اهل المتوفي وانتي راح تستانسين بنفنوف العرس

والله ولي التوفيق

لا ابن عمتي قام بتأجيل العرس شهر لأنه كان دافع كل شي......و كان لازم يسافر.......و كانت جدتي الله يرحمها كبيرة جدا في السن و كانت مريضة
و تخيلي يوم اللي مفروض يكون عرسه......كان يوم دفن جدتي......و لما جاءت زوجته للتعزية الجميع تأثر فلذلك لم يمانعوا بتآجيل العرس شهر
بصراحة هذه فرحة العمر......يعني حاولي على الاقل تقيمي حفل عشاء يضم المقربين......و اذا مسافرة لشهر العسل يمكنك القيام بحفلة صغيرة عند عودتك....
و ان شاء الله ما يصير الا كل خير

مجهول انتوا اهلكم متفهمين ماشاء الله ويحسون بالناس لكن احنا اهلنا غير الله يهديهم

عذاري فكرتج حييييييييييييييييييل حلوة بس انا فكرت مدام محد بيجي منهم وهم لما اقترحنا عليهم نفس فكرتج قالوا اكيد عالاقل الناس بتلولش وهذا عرس وبيصير زعل ....الخ فأنا فكرت ان نقول ما سوينا شي بس بالصج محد يدري عن الي سويناه وكيفهم هذي الفرحة مرة بالعمر ماراح ةينفعوني

وش رايكم
وشكرا

بس شرايج احط اغاني بمسجلة عشان يرقصون لي اهلي ؟