اليوم مثل أمس وأمس مثل بكره وبكره مثل اليوم ........... اسطوانة متكررة
لا يمكن ان تكسر ...... أحلام جالسه تضيع من عمري
عمر محسوب عليّ بالثواني .... وانا جالسه اضيع فيه يوم بعد يوم ........

اجلس من الصبح وأقول يا الله سترك ... يا الله يكون يوم مشرق
يوم احلى من كل الايام اللي مرت ... وبعدها يمر وكأنه جحيم ونار احترق
فيها كلت كل شبابي .. وظهرت تجاعيد وجهي وشيبت ما بقى من شعري
وكأني في الخمسينات مو في العشرينات من عمري

ويجي الليل واقول .. مو اقول اصرخ ... بحلم فيه بليله رومنسيه
ليله يحسدوني عليها
وكأني عجوز تسوي شباب
واجهز عمري
والبس احلى ما عندي
واعتق شعري من ربطته
واتعطر
وأسوي اضاءه
وجو رومنسي
وأنتظر جيته ..


وفي الاخير جيته وعدم جيته واحد
ليتك ماجيت يابعد عمري
ليتك ظليت عند ربعك
وليت الناس ما تقولي متزوجه
وليتك كنت نايم بره
وخليتني انام واحلم فيك بالمره



بدل ما اشوف وجودك وعدم وجودك واحد ....!!

بأختصار والناتج من القضيه وهالمره بالفصحى مو بالعاميه .............. اقول
ما سبب ابتعاد الزوج عن الزوجة في جميع شؤون الحياة ..؟؟
وهل الزوجة هي من تصنع هذا الابتعاد ..؟؟

وبالتالي ما هي الطرق اللتي تجعل الزوج لا يمل زوجته طيله وجوده معها ..؟؟

احب ان انوه ...
ليس بالضروره ان اكون انا من ضمن القائمه لكني اصبحت اخاف المستقبل
فلربما لا اعلم يمل زوجي مني بعد سنوات من الزواج ............ واتذكر ايامي
هذه وكأنها حلم قد استيقظ منه في اي لحظه.....