السلام عليكم ورحمه الله وبركاته

حصلت لي مشكله كبيره وسأحكيها بالعاميه

اخت زوجي وبنت اختي يدرسون مع بعض في الكليه وفي نفس التخصص واناعندي ولد وادرس في الكليه و اخلي و لدي عند خالتي ام زوجي

المهم اخت زوجي دائما تقول لبنت اختي ان ولدي يطفش امها وهي تتعب معاه وتقول ان امي مش مربيه عند خالتك وتسب اخوها اللي هو

زوجي لأنه ملتزم وعندهم دش ويخربه عليهم ويكرهوني بسبب تصرفات زوجي وقدام صديقاتهم وكل يوم وهي نفس الحكايه وبنت اختي

صبرت عليها وانفجرت فيها وقالت لها انا وش دخلني عن مشاكلكم اصلا انتم ماتحبون خالتي و لاولدها ولوخالتي عايشه معاكم كان ذبحتيها

اوجننتيها وراحت اخت زوجي وقالت لأمهاالكلام اللي قالته بنت اختي وزعلت خالتي وسكتت وبنت اختي يوميا تشتكي لأمها من تصرفات اخت

زوجي لهاوحركاتهاوتبكي من حالكلام اللي تقوله لها في الكليه اختي منعت بنتهاتمشي مع اخت زوجي ولهم شهرين مايكلمون بعض واخت

زوجي زعلت علي ولها شهرماتكلمني وانامادري ايش السالفه وكنت اتضايق كثير من حركاتها واسلوبهافي الكلام معاي بايخ وحاولنانحل

المشكله لكن للأسف اخت زوجي انكرت الكلام اللي قالته وبنت اختي اعترفت بكل اللي قالته وللأسف خالتي حطت كل المشاكل على راسي

وتقول ان المشاكل ماصارت الابعدماتزوجت بالله عليكم انا وش ذنبي وقلت لزوجي على هذه المشاكل عشان مايفهم من احدثاني ويطلعني

غلطانه المهم اناتصالحت مع اخت زوجي وهي وبنت اختي مش راضين يتصالحون يقولون كذامرتاحين لكن المشكله ان زوجي يدافع عن اخته

ويطلعني غلطانه واحس انه متغيرعلي ويقول ان اخته محترمه ماتقول اشياءزي كذا وله حق يقول عنها كذالأنهاتخاف منه وماتسوي شى

قدامه واحاول اني انسى كل شى لكن زوجي يقول اني ماأحب اهله لأني صرت اروح لهم بعدكل اسبوعين واناوالله ماأزورهم البين فترات

متباعده علشلن ابتعدعن المشاكل ويعلم الله ان ماعمري غلطت عليهم

وبصراحه ماأبغى المشاكل هذه تأثرعلى علاقتي مع زوجي لأنه يتدخل في مشاكل الحريم هذه مشاكلنا واحنا نحلها وحتى اذاغلطت علي

مايعتذرولايراضيني انا اراضيه مع انه غلطان ليش؟كبرياء اذاماأعتذرلزوجته يعتذرلمين.

ساعدوني ايش اسوي احس باكتئاب ضيق في صدري بسبب المشاكل هذه.طيب ليش زوجي يطلعني غلطانه ويدافع عن اهله وانامالي

احديدافع عني واحول اقفل عالموضوع وهويفتحه كأنه يبغى المشاكل تكبر..

سامحوني على الاطاله لكن والله اني تعبانه نفسيامن زوجي ومن المشاكل.

المشاركة الأصلية كتبت بواسطة hanooonah يا حبيبتي مشاجرة بنات لا تخليها تخرب عليكي حياتك اذا فتح زوجك الموضوع وبدأ يدافع عن اخته واهله فاجئيه وقوليله وانا معاك في كلامك اكيد الموضوع فيه سوء تفاهم من الطرفين وهم بنوتات مصيرهم يتصافون لا تحط في بالك حبيبي انا ما ارضى احد يجيب طاريك او طاري اهلك بسوء ولا ارضى احد يجيب طاري اهلي بسوء وطالما احنا ما سمعنا بنفسنا اللي صار ليش نضيع وقتنا في كلام وزعل علاقتنا اكبر من سوالف بنات بكليه الله يجزى خالتي الف خير من غيرها ما كنت اعرف وش اسوي الله يطول عمرها وهكذا اغمريه بالكلام الذوق وصدقيني راح يستحي من نفسه وراح يراجع نفسه قبل لا يقول اي كلمه عن اهلك حبيبتي احترمي اهله امامه بالذات ولا تسمحي للسانك يزل في حقهم وصدقيني لا شعوريا راح يحترم اهلك والاهم من كل هذا يحترمك ويحترم علاقتكم واذا صارت اي مشكله بين الاهل احتفظي بتعليقك على اهله لنفسك لا تبوحي فيه امامه لانه حتى وان كان متاكد انهم غلطانين م راح يسمح بالغلط على اهله او اتهامهم عموما حبيبتي لا تحزني ولا تشيلي هم حاولي تبسطي نفسك وكل ما حاول يفتح الموضوع ابتسمي وقولي يا حبيبي انسى بكرة البنات يتصالحوا وانت لسه فاكر اوخذي الموضوع ببسااااااااااااااااااااطه الله يهدي سركم ..... تقبلي تحياااااااااااتي ............