عن الجمال سألونى(3) - منتدى عالم الأسرة والمجتمع

12-10-2005, 12:43 AM

princees

من كبار شخصيات المنتدى

تاريخ التسجيل: Mar 2005

المشاركات: 2,815

عن الجمال سألونى(3)

سلمي وانت مطمنة

عن الجمال سألوني، قلت ده صنع حلواني

و عن بنت بلدي سألوني، قلت لأ دي جمالها رباني

كام موقف محرج قابلتيه وانت بتسلمي؟ كام مره سمعتي تريقه على إيديكي وجمال إيديكي؟ مش فاكرة؟!!!!! يعني عمر ما حد قال لك "إيه يا بنتي هوّ إنت بتشتغلي في الفاعل بعد الضهر ولا إيه" ولا عمر ما حد قال لك "إيه يا بنتي ده دا أنا أخويا اللي في الجيش إيده أنعم منك" ولا الكارثة الكبرى حماتك (ده لو كنتي لا قدر الله متجوزة) عمرك ما سمعتيها وهي بتقول "خواتم ترصف في إيدين تقرف" لو لسه مصممة إنك مسمعتيش الكلام ده أو شبيه ليه قبل كده يبقى مش حتستفيدي من الكلام الجاي، ولكن أصدقائي من هواة غسل المواعين وأعداء الكريم حيلاقوا كل اللي حيساعدهم علشان إيديهم تبقى أحلى إيدين.

وصفات عشان تسلمي وإنت مطمنة

1 - أحلى كريم دقيق ذرة للإيدين الحساسة:

الكريم عبارة عن:

معلقتين كبار دقيق ذرة.

معلقتين كبار سائل الجلسرين.

285 مل ماء ورد

إزاي تحضريه وتستعمليه؟؟

- سخني الجلسرين على نار هادية حتى يذوب.

- أضيفي إليه الدقيق مع التقليب لبضع دقائق وبعدين ارفعيه من على النار.

- استمري في التقليب حتى تتكون عجينة متماسكة.

- أضيفي إلي العجينة ماء الورد تدريجياً، ويكرر التقليب للحصول على كريم متماسك.

- ضعي المستحضر في زجاجة.

واستخدمي المستحضر عدة مرات يوميا , وأي خدمة يا فندم.

2 - غسول الردّة للّي لا مؤاخذة إيديها خشنة:

الغسول عبارة عن:

ـ كبشة ردة.

ـ 4 ملاعق كبيرة خل التفاح.

ـ 570 مل مياه مغلية.

إزاي تحضريه وتستعمليه؟؟:

- صبي المياه المغلية على الردة.

- انقعي الردة في المياه لمدة من 9-12ساعة.

- صفي الردة، وضيفي لها خل التفاح.

- ضعي المستحضر في زجاجة.

- حاولي تدعكي إيديكي بالمستحضر ده على قد ما تقدري علشان ربنا يسهل والخشونة تروح وابقي ادعي لى.

-3علشان إيديكي تبقى ناعمة ونضيفة من غير لا صابونة ولا ليفة عليكي وعلى غسول الشعير واللبن:

عبارة عن:

شعير مطحون (موجود عند العطار يعني مش أزمة)

لبن (موجود عند بتاع اللبن اللي جنب البيت)

إزاي تحضريه وتستعمليه؟؟

اخلطي شوية لبن على شوية شعير.

دلكي إيديكي بالخليط لبعض دقائق.

اشطفي إيديكي بالمياه الفاتره.

الغسول ده أكيد بينضف وينعم الإيدين ولو محصلش معاكي كده يبقى خلاص مفيش أمل منك.

4 - بيضي إيديكي على طريقة الفخفخينا:

عبارة عن إيه؟

- 8 ملاعق كبيرة مياه ورد.

ـ 3 ملاعق كبيرة جلسرين.

ـ 3 ملاعق كبيرة كحول نقي.

ـ ملعقة كبيرة عصير ليمون طازج.

ـ ملعقة كبيرة عصير برتقال.

ـ ملعقة كبيرة خل التفاح.

إزاي تحضريه وتستعمليه؟؟

- اخلطي المكونات.

- ضعي المخلوط في زجاجة.

- رجيها كتير عدة مرات.

الخلطة دي بتحافظ على الأحماض اللي موجودة في الجلد واللي بتضيع بسبب غسل الإيدين بالمياه والصابون كل يوم علشان كده حاولي تشطفي بيه إيديكي كل يوم بعد غسل إيديكي بالمياه والصابون، بس طبعاً تشطفيه بعد كده أحسن لو خرجتي بيه حتبقى رحتك فخفخينا.

__________________

التعديل الأخير تم بواسطة همسـ ; 15-10-2005 الساعة 12:57 AM السبب: صور لذوات ارواح

12-10-2005, 12:54 AM

princees

من كبار شخصيات المنتدى

تاريخ التسجيل: Mar 2005

المشاركات: 2,815

ألــف وصـفة و وصــفـة

(اللـيلة الثالثة)

ولما كانت الليلة الرابعة استلقت "عبير" كعادتها على الرمال وقالت لـ"فينوس"...

ـ عبير : "أنا سمعت كلام كتير عن الشامبوهات وأضرارها الكيماوية الخطيرة على فروة الرأس... فهل هناك طريقة لعمل شامبو طبيعي من غير ما الجأ للمستحضرات الكيميائية ذات التأثير الضار؟

ـ فينوس: "فيه عندك شامبو مية الورد... ويتم تحضيره بإضافة معلقتين كبيرتين خل أبيض ومعلقتين صغيرتين مية ورد.. وبيضتين.. واخلطي المقادير دي كويس ثم ادهني بيها فروة رأسك وسيبيها من 10 إلى 15 دقيقة ثم اشطفيه بالميه.. وفيه برضه شامبو الموالح للشعر الدهني.. ومقاديره: قشرة ليمونةـ برتقالة واحدة- 1جريب فروت- 1,7لتر ماء مغلي- 6معالق شامبو مبشور- معلقتين عصير ليمون أو معلقتين عصير برتقال أو معلقتين عصير جريب فروت- معلقتين خل التفاح أو خل أبيض.. الطريقة.. قطعي القشر أجزاء صغيرة وحطيه في الميه المغلية وقلبيه وسيبيه قد ساعتين وصفيه... بعد كده ضيفي له الصابون وحطيه على نار هادية وقلبيه لغاية ما يدوب الصابون... بعد كده حطي العصائر وانتي بتقلبي الخليط وسيبيه يوم كامل.. ولازم تلاحظي إن بعد ما تحطي الخليط في إزازة لازم ترجيه كويس قبل الاستعمال لغاية ما تزيلي الدهون الزيادة اللي ممكن تتعلق بشعرك.. كرري العملية دي مرة كل أسبوع، وفي كل مرة تستعملي الوصفة دي اغسلي شعرك بالميه والصابون.."

ـ عبير "ويا ترى فيه طرق تانية لعمل الشامبو؟"

ـ فينوس "بالطبع.. فيه شامبو حصا البان للشعر الغامق.. المقادير:4معالق من حصا البان الجاف- 1,7لتر ماء مغلي- 6معالق كبيرة من الصابون المبشور- بيضتان...

طريقة الإعداد:

.حطي حصا البان في الميه المغلية وقلبيه وسيبيه يتنقع حوالي ساعتين بعدها صفي الميه، وحطي عليها الصابون المبشور.. ثم ضعيه على نار هادية لغاية ما يدوب الصابون... ولما تبرد الميه ضيفي له البيض وقلبيه لغاية ما يبقى لزج القوام ثم احفظيه في إزازة وسيبيه لمدة 24 ساعة كاملة.. بعدها ممكن تستعمليه.. وفيه كمان طريقة الشامبو بالبقدونس اللي تزود شعرك نعومة وجمال.. حطي معلقتين من أوراق البقدونس الخضرا في الميه المغلية مدة 5 دقائق وصفيها.. ولما تبرد حطي عليها معلقتين زيت جوز الهند (المستحلب) ومعلقة جلسرين ورجيهم كويس قبل الاستعمال... أما عن شامبو السفرجل فهو أفضل للشعر الجاف.. اغلي قشور نصف سفرجلة في كوباية ميه لمدة ربع ساعة وصفيه وسيبيه لغاية ما يبرد.. ضيفي له معلقة زيت جوز الهند وجلسرين وحطيهم في إزازة ورجيه كويس في كل مرة تحبي تستخدميه... وأخيرا شامبو القراص اللي يحميكي من تقصف الشعر وطريقة إعداده سهلة.. اغلي 3معالق من أعشاب القراص في أقل من لتر ميه لمدة ربع ساعة، وصفيها بعد كده.. وضيفي لمية القراص المغلية معلقتين من زيت جوز الهند.. ومعلقة من الجلسرين (للبشرة) وحطيهم في إزازة وياريت تبقي ترجيها لما تيجي تستعمليها..."

ـ عبير "فيه طريقة فعالة للتخلص من القشرة؟"

ـ فينوس "فنجان قهوة مملوء بزيت الزيتون مع نصف فنجان من زيت الخروع مضاف إليهم عشر نقاط بس من عصارة الصبار... ادهني بالمزيج ده فروة رأسك كل يوم قبل النوم لمدة أسبوع.. ومش حتشوفي القشر ده تاني أبدا"
ـ عبير "ولكن........."

ـ فينوس "آآآآآ عبير.. لقد أدركنا الصباح.. وقد بدأ الديك في الصياح... ولنا لقاء في الغد إن شاء الفتاح"

وسكتت فينوس عن الوصف المباح....

و إلى اللــقــاء فـي اللــيلـة الـــقـــادمــة

__________________

13-10-2005, 12:19 PM

alhanoof

شمعة المنتدى التى لاتنطفئ

تاريخ التسجيل: Jan 2004

المشاركات: 4,250

يعطيــــــك الـــــــف عافيـــــــه ....

تقبلي تحياتي ياحياتي ...

13-10-2005, 01:10 PM

احلى غرام

قلب المنتدى النابض

تاريخ التسجيل: Aug 2005

المشاركات: 1,979

شكرا لكي
جزاك الله الف خير

__________________

14-10-2005, 01:07 AM

princees

من كبار شخصيات المنتدى

تاريخ التسجيل: Mar 2005

المشاركات: 2,815

اقتباس:

المشاركة الأصلية كتبت بواسطة alhanoof

يعطيــــــك الـــــــف عافيـــــــه ....

تقبلي تحياتي ياحياتي ...

يعافيك حبيبتى
اشكرك على تواصلك واسعد دائما بمشاركتك ياالغالية
مع حبى

__________________

14-10-2005, 01:23 AM

princees

من كبار شخصيات المنتدى

تاريخ التسجيل: Mar 2005

المشاركات: 2,815

اقتباس:

المشاركة الأصلية كتبت بواسطة احلىغرام

شكرا لكي
جزاك الله الف خير

جزانا الله واياك
اشكرك على مرورك العطر
مع تحياتى

__________________

14-10-2005, 11:10 PM

ملاااك

كبار شخصيات المنتدى

تاريخ التسجيل: Mar 2005

المشاركات: 3,176

شكرا لك
الله يعطيك العافية

15-10-2005, 01:00 AM

همسـ

عضو المنتدى الفخري

تاريخ التسجيل: May 2004

المشاركات: 8,902

مشكورة على روعة جهودك

إلى الأمام

__________________

•(≈• سُبْحَانَڪِِ اللَّهُمَّ وَبِحَمْدِڪِِ.أَشْهَدُأَن ْلاَإِلَهَ إِلاَّأَنْتَ.أَسْتَغْفِرُڪِِ وَأَتُو بُ إِلَيْڪِِ •≈)•

17-10-2005, 08:30 PM

princees

من كبار شخصيات المنتدى

تاريخ التسجيل: Mar 2005

المشاركات: 2,815

اقتباس:

المشاركة الأصلية كتبت بواسطة ملاااك

شكرا لك
الله يعطيك العافية

يعافيك
تسلمى حبيبتى على مرورك الكريم
مع تحياتى

__________________

17-10-2005, 08:31 PM

#10

princees

من كبار شخصيات المنتدى

تاريخ التسجيل: Mar 2005

المشاركات: 2,815

اقتباس:

المشاركة الأصلية كتبت بواسطة مسموسي

مشكورة على روعة جهودك

إلى الأمام

تسلمى حبيبتى على مرورك الكريم وعلى تشجيعك لى

مع تحياتى

__________________

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه