زوجج يصرف لج مصروف شهري؟كيف كانت البداية ؟و كيف كان الاتفاق؟
السلاااااااااااااااااام عليكم ياا متزوجااااااااااااااااااات


كيف الحال ان شاء الله بخير ..



الي بتررد عليااا بدعيلهااا دعوة بظهر الغيب و على حسب الطلب بعد <<<متأأثرة بالقسم التجاري خخخخ لوول هههه


سوري..نرجع للجد


يااحريييييييييم يا شااطرات..
الصراحة تعودنا في بيت الاهل على الدلع و اذا بغينا شي من ابونا ماا نستحي و نطلب و ماا يردوونااا ..و اذا كان المصروف ما يكفي نقوول زيدوونااااااااا بدون ما نستحي



الحين ابا اعرف ..
اذا تزوجناا ..كيف نفتح موضووع المصرف؟؟ الصراحة شي محرج اقووله " بتمشيلي معااش؟" او " كم بتمشيلي كل شهر" !! او "متى بتمشيلي معااااش"

و اذا كان المصرف غير مقنع!! كيف الحل؟؟ نستحي نقوول لاا ما يكفون زيدهم شوية!!!


شخصياا فيني عززززززززة نفسس مدمرة علياا حيااااااااااتي مستحيييييييييل اطلب ..و الاردى من جيه اني ماا احب كلمة "لاا" ,,,او حتى تلميييح بما معنااه يعني "لاا ماقدر" !!!!!!!!!!! امووت من القهر و ماارجع اطلب لو امووت..!

كيف الطريقة من واقع حياتكم الشخصية يعنييي
ادري انه المادة مش كل شي !بس نحن في مجتمع هداياا و واجب و زيارة ..و كل هالاشيااء تحتااج $$$$$$$$$$$$$$$$

و سعر البترول ارتفع كل عام و انتوو بخيير :14:



على العمووم

ننتـــــــــــــــــــــــــــ ــــــظرر و الدعووة جااااااااااااهزة

__________________

السلام عليكم اختي الغاليه
حياك الله
شوفي امامك طريقين اما انك اذا احتجتي الى شي تقولين له ابقي المبلغ الفلاني يعني تعودينه انك تطلبين ويعطيك
او انك تقولين يافلان ودي تعطيني المبلغ الفلاني مع نزول راتبك او ابغي تخصصلي مبلغ كل شهر او حدديها بكلمة انت وراحتك او انت واللي تقدر عليه

في كلا الحالتين تحطين في بالك هالامور
***ماتكثرين عليه طلبات
*** لما تطلبين مايكون الطلب فوق مقدوره
****خليك قنوعه فالقناعه كنز لايفنى
*** اذا كانت امكانيات زوجك محدوده او كان لا يؤيد الهدايا والاعطيات فبلاش منها مو عشان احد عشان زوجك وبس بعيدا عن المجاملات والعادات والتقاليد
*** لاتكبرين المبالغ المطلوبه حتى لو كان زوجك مقتدر لانه قد يظن انك طمعانه فيه او يحس انه مايستطيع التوفير من يوم تزوجك
**** كوني مع زوجك في الحلوه والمره
**** اذا اشتريتي هديه ارجو ان تكون من نصيب زوجك
**** لاتنسي دعواتك له في الرخاء والشده وفي وجهه ومن ورائه بان يهديه ربي ويرزقه ويجمع بينكم على خير

ارجو ان اكون قد افدتك اختي الغاليه

والسلام ختام

ربي يسعدك


شوفي حبيبتي انا كمان كنت افكر زيك

سألت اختي الكبيره

لأنها ما شاء الله عليه من يوم ماتزوجت طبعا تشتغل وهم رواتبهم مع بعض

يعني مافي راتبي وراتبك

فلوسي وفلوسك


الخطه كيف؟؟


بعد الزواج بشهر حسب الموقف او ايام الملكه عارفه ليه لأن اوقات هو نفسه يفتح الموضوع

موتقولي لا انتظر بعد الزواج اجاوبك


المهم

تقولين له عشان نعيش مستقرين ومن غير ديون ولازم يكون عندنا دخل للمستقبل


لازم نحط ميزانيه

تجيبين ورقه وقلم

تكتبين معاه

الضروريا كل شهر

يعني

1- الصدقه 200 ريال كل شهر
2- التوفير 200 ريال كل شهر
3- الطوارء 100 ريال كل شهر
4-الفواتير تجمعو تقريبا الفواتير دائما كم تجي يعني نفترض 1000 ريال
5- المقاضي
تقسم الى قسمين

يعني يوم كامل لمعلبات
ويوم كامل للخضروات

يعني تكتبي مقضيكي كامله مو كل يوم ناقصني الشيء الفلاني

وممكن تكون نزلتكم لسوق مرتين في الشهر يعني كل اسبوعين



6- البنزين 300 ريال
7- الرفاهيات

8-الهدايا (قصدي هدايا الواجب يعني هدايا مولود وغيره ياكثرها

9-الكسوى السنويه يعني مع فصول السنه تشترين ملابس
مو كل يوم رايحه ناطه السوق
وقصدي كسوى يعني من كل شي كامل

فلما كل شهر تجمعوا مبلغ بيكون فصل الكسوى عامر ولا يأثر على ميزانيتكم


10- مصروفك تحددين معاه مستلزماتك

يعني مصروفك في بيت اهلك الفواتير من ه الملابس منه الدلع منه الهدايا موعليك المقاضي موعليك


مثل اذا كنت من النوع الي دايم مطاعم وكفيهات قوليله تقريبا اخرج في الأسبوع مرتين وكل مره كنت ادفع 200



عاد شوفي ايش كمان لأن هذا انا اللي اصرف عليه

وممكن تتفقي معاه انا اذا خرجت من البيت احب يكون بجيبي مبلغ 200 او 100 مثلا لأن ما ادري ايش الظروف

واذا ما خرجت ما احتاج واذا خرجت وما استلزم الوضع اني اصرف ممكن اني ماصرف يعني مولازم اخلص الفلوس وبس







طبعا هو لما يشوفك عامله ميزانيه كامله للبيت طبعا شاركيه الرأي


بينبسط ولالالالالالالالالالالالالالالالالالالالازم تمشي على الأتفاق وتأكدي انكم حتكونو مبسوطين ومرتاحي




على فكره
تجوبون ظروف وتكتبون على كل ظرف عنوانه يعني ظرف الصدقه ظرف التوفير وووووو

واول ما تستلمو الراتب توزعوه في الظروف

وما ينصرف شي من غير لزمه

يعني ممكن الشهر هذا ما تحتاجه الطوارء مولازم تصرفوه خلوه في الظرف الى وقت اللزوم




على فكره هذي ميزانية ابويا الله يرحمه معانا واختي نقلتها لزوجها

واحنا نطبقها بعد وفاة ابويا


يعني سنيييييييييييييييييين



وان شاء الله اكون افدتكم

على فكره ياريت كل واحد يعملها لنفسه

ترا حتى انا بعد مااخذ مصروفي

اقسمه

فواتير
توفير
صدقه
طوارء
رفاهيه




سامحوني وادعولي بالخيره الطيبه

طيب واللي لها راتب وتشتغل مثله كيف تقوله والا كيف تتصرف لان لو اقول عطني مصروف بيقولي وين راتبك يروح يعني كيف اتصرف بهالحاله

الصراحة وانا بعد مثلك ................مزيونة الامارات


طبعا عقب زواجي كنت استحي اطلبه ...........عاد هو تعود


لكن بعد مرور فترة على زواجنا طلبته يعطيني مصروف في يدي ......................لكن وآآآآآآآآآآآه


رفض .........وقال لما تحتاجين شي قولي لي وباعطيج.................عاد تعرفين


انا اكره ما علي اني اظل اطلبه على كل صغيرة وكبيرة..............بيني وبينكم


والله مقهورة مادري اشلون اطلع منه مصروف شهري ..............


الله يخليكم اللي عندها طريقة ناخذ فيها مصروف .........تعلمنا .


بس احس لو ان الواحدة عودت زوجها من اول ماتزوجت


تاخذ منه مصروف وتلزمه انه يعطيها شهريا احسسسسن .

يووووووووووه
ذكرتوني أيام زمان

تزوجت وكنت استحي أطلب منه شيء
وللمعلومية الرجل مو مثل المرأة ينتبه لشيء
يعني ..لا تتوقعين بيقولك: مارحت للسوق....وش تبين تشترين....محتاجة فلوس
ليس بخلاً لكن ....عدم ادراك بأنها تستحي تطلب
وأتذكر أنني كنت أريد السوق ولم أجرؤء على طلب فلوس منه
حتى جاءتني مكافأة الجامعه فذهبت للسوق مع أهلي وكنت أقول له سأذهب معهم للسوق
والعجيب أنه لم يسأل :....معك فلوس!!!!!!!!

المهم ....
هذا غلط وقعت فيه ....وهو انني استحي من طلب فلوس منه

وبما انني لا أعمل
فإنني اطلب منه مقدار ما اريد
ووالله اني انحرج وأنا اطلب
ثم صار وجهي لوح.....وصرت اطلب كثير

ثم تفاجأت به يقول بأحول على حسابك مصروف شهري(( علشان تضبطين امورك....واقدر اتصرف في راتبي بادخار ..))
وعليك فاتورة جوالك....وملابسك...وهداياك................الخ
وصراحة ارتحت
وصرت أوفر
وأشتري الي أبغى......وأأجل بعضها للشهر الجاي...........
والحمد لله

وفقكم الله

بصارحه الاخوات كفوا ووفوا وما قصروا

.. موضوع هام جدا لنا كنساء لنا متطلباتنا الحياتيه .. مع الاخذ في الحسبان الدخل المادي للزوج
محاوله الموزانه بين دخل الزوج ومصروفات الزوجه .. افضل مايمكن ان انصح به ..

وارجو ان يكون الرجال سلسين في هذا الموضوع الحساس ..ولاينسوا ان النفقه واجبه عليهم وبها فضلهم الله علينا بحق القوامه ..


وانا مع المصروف الشهري للزوجه حتى يعرف الزوج ماله وما عليه ، وتعرف الزوجه مقدار نفقتها فلاتطالب بالمزيد وبامكانها توفر مصروف شهرين او ثلاثه حتى تجمع مبلغ جيد ثم تشتري منه ما تريد ..

__________________


إنني أتذكر حلمي بأن أكون أفضل مالدي ، وأعيش هذا الحلم حتى يتحقق