الكارثة دلوقتي في رمضان...مش عارفة أتصرف إزاي...أنا بشتغل من الساعة 8:30 الصبح لحد 3 بعد الظهر(في رمضان بس ---- لكن مواعيد العمل الأصلية من 9 - 5)
محتاجة مسادتكم في تنظيم وقتي بين الطبيخ و الصلاة و القرأن و التراويح و الشغل...انا حاسة إني محتاسة و مش حعرف أتصرف. مش عايزة الطبيخ ييجي على حساب العبادات و في نفس الوقت عايزه أفرح قلب جوزي و معدته و افاجئ مامتي و حماتي باللأصناف و الإبداعات الجديدة . :14: :14:
نفسي أخد ثواب على عباداتي و علي طاعتي لزوجي و إطعمه كصائم
ارجوكم ساعدوني و خدو فيا ثواب و ليكو عزومة إنشاء الله

اولا مثل ما ذكرتي ان دوامك من الساعة 8:30 الى 3 . .

__________________

. . اللهم كما سررته بنا في الحياة . . فسره بنا بعد الممات بصالح الدعاء . .

اللهم آمين . .

. . لن ننساك يا أمير قلوبنا . .

أنا موظفة زيك بس لسا ما تأهلتش ( يعني لسا ماتجوزتش ) ، وعلى الرغم من كده عندي إلتزامات كتيره ، يعني عائلتنا كبيرة وعندي 8 أخوة واحد بس أكبر مني والباقي كلهم مدارس وابتدائي على شان كده لازم أساعد مامتي ، دوامي برمضان زي دوامك ، حقولك إزاي أنا بنظم وقتي

طبعا دوامنا من 9 لغاية 3 ( ولو قلنا اتأخرتي عشر دقايق وطبعا برمضان الشوارع زحمة ولحد ماتوصلي البيت وتغيري هدومك وتجهزي نفسك للمعركة بقت أربعة يعني باقي قدامك ساعة تقريبا تعملي بيهم إيه ؟؟

أنا برأيي تعتمدي على الأكلات الصعبة ، دلوقتي حتقوليلي إزا كنت مش حلحق عالأطباق البسيطة إزاي أعتمد على الصعبة

التفسير : الطبق البسيط يحتاج تقريبا ساعة ونص إلى ساعتين على شان يجهز وتنعمل مرة وحدة زي صينية دجاج بالفرن ، بس الأطباق الصعبة تحتاج أكتر من هالوقت وتنقسم إلة مرحلتين ( تحضير + الطبخ ) زي المحاشي والملفوف وأطباق السمك بشكل عام ، دي تساعدك بإنك تحضري بليل وتطبخي لما توصلي البيت بس تطبخي بحلة البخار عشان أسرع بكتير ، وتكوني حاطة الأكل في الحلة بالبراد علشان أول ماتوصلي تحطي الحلة على البوتوجاز على طول ، وتكوني فاضية على شان تجهزي السلطة والشوربة واسهل حاجة شوربة الماجي وكمان عندك شوربة العدس سهلة على المعدة وينصحوا بيها برمضان تحديدا وإزا ماتعرفيش تعمليها قوليلي علشان أعلمك إياها مفيدة جدا ولزيزة أوي ، طبعا غيري أنواع السلطات عشان تكسري الملل ، مرة اعملي سلطة اللي متعودين عليها ومرة اعملي فتوش ومرة اعملي تبولة ومرة سلطة يونانية وأنا جاهزة أقدملك أي وصفة تصعب عليكي حسب اللي أعرفو طبعا ،،

بعد كده يجي الفطور ، تفطروا تمرتين تلاتة وكباية لبن بعد كده تصلوا المغرب ( بحث علمي أجنبي أكد أن هذه العادة صحية جدا للإنسان في فترة رمضان فالتمر يحتوي على نسبة سكر تحتاج إلى تحللها 10 دقائق ومن ثم تصدر اشارات إلى الدماغ فيحس الإنسان بالشبع فيتناول كمية معقولة من طعام الفطور وبذلك لاتتعب المعدة من أكوام الأكل التي قد يتناولها الإنسان بشراهة نتيجة صومه طوال اليوم ، فيخلوا جسمه من أي تلبكات معوية ويبقى جسمه صحيحا بإذن الله ولا يشعر بالنعاس الذي يشعر به الكثيرين الذي لايحلفظوا على هذه السنة فيقوم إلى صلاة التراويح نشيطا) ثم تفطروا اللي عملوه إيديكي الحلوين ، بعد كده توضبي المطبخ ، تكون جت وقت صلاة التراويح تروحي مع جوزك المسجد أو في البيت تصلي اللي ربنا بسهله عليكي وتنامي ساعتين ترتاحي فيهم ، وتقومي نشيطة تاكلوا طبق الحلو اللي تكوني حضرتيه اليوم اللي فات بعد كده ، تحضري الطبق اللي عاوزه تطبخيه تاني يوم مع طبق حلو مع سهرية خفيفة زي سطة فواكه ،ولما تخلصي تاخدي دوش وتروئي نفسك ( ماتنسيش إنك عروسة ) ، وتسهري مع جوزك شوية ( ممكن برة البيت ) وممكن لوحدكم في البيت وتاكلوا السهرية اللي حضرتيها بعدين نامي عشان تريحي جسمك وتفيئي قبل السحور بساعة تصلي كم ركعة لوجه الله وتقري اللي ربنا بيسره ليكي وتقومي تجهزي السحور وتتسحروا بعدين تنامي عشان عندك دوام تاني يوم الصبح ياشاطرة ،

أكتر حاجة تساعدك في تنظيم وقتك ترتيب الزيارات ، يعني اليوم اللي عازوه تزوري أهلك أو أهل جوزك تحسبي حسابك بفطور بسيط عشان تلاقي وقت للتحضير واليوم اللي ماعنكيش حاجة اتفنني بالأطباق

ده رأيي أختك المتواضع ، أتمنى إني أفدتك ولو شوي ، وأعتذر جدا على الإطالة

أختك في الله
سيدرا

عزيزتي Dihn Al 3ooD ولله ريحتيني شوية بكلامك المنظم ده, و حسستيني إن الموضوع مش مأساة زي ما كنت فاهمة.
و على فكرة أنا إتفأت مع جوزي من بداية الخطوبة إنني موافقة على الجوازة دي لسبب مهم جدا...وهو إننا نعين بعض على الطاعة و إني أدخل الجنة بطاعتي له و لربي أنشاء الله...و شهر رمضان هو أكبر فرصة لذلك.
حبيبتي في الله سيدرا...عجبني إسمك أوي و إدراكك لمدى القلق إللي أنا فيه بسبب الزحمة و الإلتزامات...ححاول اعمل بنصايحكم و ربنا يستر عالراجل.

__________________
لا يوجد شىء اسمه صعب ، ولا يوجد شىء اسمه مستحيل ... نحن من نصنع الصعب والمستحيل

نشكركم على هذه النصائح المفيدة ورمضان كريم

اخواتي الاعزاء لكم جزيل الشكر على ارائكم المفيدة
واختي INLOVE انا مصرية واعمل اي تقريبا لي نفس ظروفك ولكن الفرق ان لدي طفلة ... واريد ان اقترح عليكي شيء سيوفر لكي بعض الوقت وهو ان تجهزي كل شيء يوم الاجازة يعني مثلا عند تقطيعك البصل لعمل الاكل ممكن ان تقومي بتقطيع كمية اضافية تكفيك طوال الاسبوع وتضعيها بالفريزر وكذلك مع عصير الطماطم و تتبيل اللحمة والكفتة ولف السمبوسه فانا اعتبر يوم الجمعة هو يوم تجهيز الطعام للاسبوع كله ولكن بشرط ان تكوني محدده الاصناف كما قالت الاخت العزيزة دهن العود.
وهكذا ستعودين كل يوم من العمل لتجدي نفسك ماعليك الا وضع الاشياء على النار.
وهكذا يتبقى لك فترة بعد الافطار لاقامة الصلاة وقراءة القران
وارجو ان اكون قد افدتك