الكريمات المزيلة للشعر


الكريمات دي بتستخدم لكل الجسم وهي متكونة من مواد شديدة القلوية تعرف باسم "ثيوجليكولات الكالسيوم" واللي بتعمل على إذابة الشعر.

بتتميز طريقة إزالة الشعر باستخدام الكريمات دي بإنها سريعة جدا بالإضافة إلى إنها مش مؤلمة خالص.

لكن بالنسبة لعيوبها بقى فهي كتير ومنها:

1. أولا لأنها بتحتوي على مواد كيماوية في أوقات بتسبب الحساسية خاصة للناس اللي بشرتها أساسا حساسة.

2. وكمان مابتشيلش الشعر من الجذور علشان كده بيطلع بسرعة في خلال يومين.

بس يعني العيوب دي مالهاش حلول؟

لأ طبعا ليها. وهاقول لك عليها:

1. لازم -لو اخترتِ الطريقة دي- تعملي اختبار مبدئي على منطقة صغيرة من الجلد مخفية يعني مش وشك أو إيديك للتأكد من عدم وجود حساسية للكريم ده، وعدم ترك الكريم لفترة طويلة على الجلد بعد الفترة الموجودة في تعليمات استخدامات الكريم لأنه أحيانا ممكن يسبب حروق كيمائية أو تهيج شديد للجلد.

2. وكمان لازم تراعي عدم استخدامه على جلد ملتهب أو متشقق أو في المناطق المحيطة بالعين لو كنت هتستخدميه لإزالة شعر الوجه.


3. إياكِ تحطي صابون أو تستخدمي البارفان أو حتى كريمات مرطبة بعد استخدام الكريمات دي.

4. اتبعي التعليمات الموجودة في النشرة الطبية اللي جوه العلبة.

5. لو عندك حساسية من أكلات معينة ماتاكليهاش قبل ما تستخدمي الكريم لأنه بيزود الحساسية.


كريمات التبييض أو التقشير


كريمات التبييض أو التقشير عبارة عن مركبات كيميائية تحتوي على مادة "الهيدروجين بيروكسيد" أو "ماء الأكسجين" بالتعبير الدارج وبتستعمل لتفتيح لون الشعر لجعل الشعر أقل ظهوراً وملاحظة، وهي بتستعمل أساسا في المناطق الحساسة أو اللي صعب إزالة الشعر منها مثل الحاجبين وفوق الشفة العلوية والوجه.

ولكن فيه حاجة لازم تاخدي بالك منها وهي إنك تجربي الكريم على منطقة صغيرة في الأول علشان تتأكدي إن الجلد متقبل لنوع الكريم، ومش حساس للمواد الكيماوية الموجودة فيه.



الـليــزر





أولا لازم تعرفي إنه، مع إن إزالة الشعر بالليزر تعتبر من الناحية الطبية عملية، إلا أنها تندرج تحت بند العمليات التجميلية البسيطة اللي بيتم فيها التخلص من الشعر الزائد باستعمال الليزر، وبتروحي البيت في نفس اليوم.

إيه اللي بيحصل؟

بيقوم الدكتور في العملية دي بتسليط أشعة الليزر على الشعر، وبالتحديد على مادة الميلانين اللي بتكون الصبغة في بصيلات الشعر، وده بيؤدي لإتلاف البصيلة.

والوقت؟

العملية دي مابتحتاجش وقت طويل، وكمان ما بتحتاجش تخدير.

بتتعمل فين؟

بتتعمل عادة في العيادات المتخصصة ومستشفيات عمليات اليوم الواحد ومستشفيات التجميل، وكمان مراكز التجميل الكبيرة.

يا ترى مؤلمة؟

بالنسبة للألم هو طبعا لا يقاس بعذاب السويت مثلا، لأنه عبارة عن وخزات بسيطة أحياناً أثناء تسليط أشعة الليزر، وممكن ترجعي تمارسي نشاطك العادي بعد العملية مباشرة.

طبعا إنتم عارفين إن بنات مايحطوش مناخيرهم في موضوع إلا وينهوه كما ينبغي، علشان كده فيه حاجات لازم تاخدوا بالكم منها:

1. أشعة الليزر بتعمل على إزالة الشعيرات النامية وبس، يعني الموجودة على السطح لكن البصيلات المختفية تحت الجلد لازم تترك لغاية لما تنمو وبعدين تعيدي العملية لإزالتها.

2. على عكس الطرق التانية لإزالة الشعر فالطريقة دي بتدي نتائج أطول وساعات بتكون دايمة، فالشعر لا ينمو مرة تانية ولو نما بينمو بشكل بطيء جداً.

3.ممكن إزالة الشعر بالطريقة دي في منطقة فوق الشفة العلوية أو الشعيرات اللي بتنمو في منطقة الدقن، وهي دي أكثر المناطق اللي بيستخدم فيها الليزر، وكمان في منطقة الإبطين والساقين.

4. الطريقة دي مكلفة جدا وبيتفاوت سعرها من مركز للتاني.

خدي بالك:

1. المشاكل اللي بتتنج عن إزالة الشعر بالليزر قليلة والدكتور بيقدر يحددها على حسب حساسية جلدك وحاجات تانية كتير قبل ما يبدأ العملية. وهي عادة بتبقى عبارة عن احمرار بسيط بالجلد مع تورم خفيف بيزول خلال ساعات قليلة، بشرط ماتتعرضيش لأشعة الشمس المباشرة، وكمان ماتستخدميش مستحضرات كيميائية على الجلد بدون استشارة الدكتور.

2. لازم تتأكدي كويس جدا من العيادة أو المركز اللي هتعملي فيه العملية دي، لأن المراكز التجميلية انتشرت بشكل سرطاني اليومين دول، فلازم تتأكدي إن اللي هيعمل لك العملية دي دكتور مش إخصائي تجميل، علشان أكيد بشرتك وصحتك غاليين عليكِ.

3. معظم البنات فاكرين إن الليزر هو الحل السحري لإزالة الشعر، لكن ده مش حقيقي بدليل إن الليزر بيشتغل بس على الشعر الأسود الداكن ومالوش دعوة بالشعر الأشقر خالص.




الكي


الكي من الطرق المستخدمة لإزالة الشعر، وإن كانت مش مشهورة ومنتشرة زي الليزر مثلا. وهي بتعتمد على استخدام الموجات قصيرة التردد في إزالة الشعر.

ازاي؟

الطريقة دي بتنقسم لـ3 أنواع:

1. الكي بالموجات القصيرة: وده بتسليطها على بصيلات الشعر فتؤدي لتسخين المنطقة حول بصيلات الشعر وكيها.

2. الجلفنة: وده باستخدام تيار مستمر لتجميع وتكوين مادة كيمائية من مكونات الجسم حول بصيلة الشعر تؤدي لإتلافها.

3. وطريقة مختلطة: ودي باستخدام الطريقتين مع بعض.

ناجحة ولا؟

وبتعتبر طريقة إزالة الشعر بالكي من الطرق الناجحة لإزالة الشعر، ولكنها تحتاج جلسات للحصول على النتيجة اللي إنت عاوزاها.

طيب والألم:

وبالنسبة للألم اللي بتسببه، فهو الشعور بوخزات متكررة، ويمكن التغلب عليها باستعمال كريم موضعي للتخدير قبل إجراء الكي بساعة تقريباً، وده بيمنع الإحساس بالوخزات، ثم يقوم الدكتور المعالج بغرس إبرة في كل بصيلة من بصيلات الشعر وكيها بتيار كهربائي يمنع نموها تاني.

التحليل الكهربائي

تستخدم الطريقة دي عن طريق إبرة متصلة بجهاز على شكل سلك دقيق يوضع بالقرب من ساق الشعرة، ويصل لبصيلة الشعر تحت الجلد، ويمر بتيار كهربائي في هذا السلك الدقيق، ويقوم بتدمير الشعرة من جذورها، وبعد أن تكون الشعرة غير مثبتة بالجلد يتم إزالتها بالملقاط.

والطريقة دي لها آثار جانبية كثيرة، منها:
1. التلوث نتيجة عدم تعقيم الإبرة.
2. الصدمة الكهربائية نتيجة عدم عزل الإبرة بالشكل المطلوب.
3. تكون ندبات من آثار الإبرة على الجلد، يعني م الأخر وجود الشعر أريح منها.
4. ده كله زائد إنها مكلفة، لأنك بتشيلي شعرة شعرة وبكده بتحتاجي عدد جلسات أكتر.
5. الطريقة دي محتاجة حد متخصص جدا جدا.
فإذا كان عندك الاستعداد للمجازفة بكل السلبيات دي فاستخدمي هذه الطريقة.

ماشاء الله عليكي ياهويدا ...
إبدااااااااااع وتأأأأأأأأألق دااااااااااااائم
يسلموووووووا إيديكي على هذا الموضوع الشامل والكامل ... والله يعطيكي ألف عافيه ...


أرق التحايا ...

المشاركة الأصلية كتبت بواسطة مشاعر مرهفه ماشاء الله عليكي ... إبدااااااااااع وتأأأأأأأأألق دااااااااااااائم يسلموووووووا إيديكي على هذا الموضوع الشامل والكامل ... والله يعطيكي ألف عافيه ... أرق التحايا ...

اشكرك حبيبتى على مرورك الكريم
مع تحياتى

المشاركة الأصلية كتبت بواسطة fanirabieh أظن اني قرأت هذا الموضوع في المنتدى قبل هذا على العموم لك كل الشكر

اشكرك على المشاركة
مع تحياتى

المشاركة الأصلية كتبت بواسطة حائزة الأمل موضوع رااااااااااااااااااااااااااااائع جدا ومتكامل اقرب الى ان يكون ملف..تميز ملحوظ..بإنتظار الجديد منك أختك حائزة الأمل

اشكرك حبيبتى على مرورك الكريم واسعد دائما بمشاركتك
مع حبى لك صغيرتى