خلاص مش حاشتري صابون
السلام عليكم ورحمة الله وبركاته
لسه طالعه من المطبخ حالا ونفسيتي مش مظبوطه فطلعت همي في اختراع
وطلع الحمد لله خطيييييييييييييييير
بشرت صابون هيمالايا بتاع الأطفال ( 3 ملاعق كبيره تقريبا) على فكره كله تقريبا مش عملت مقادير معينه
المهم
ملعقة صغيرة من كل من :
زيت جوز هند بتاع الأكل
زيت زيتون
زيت لوز
ملعقة كبيرة من :
جلسرين
نشا
عسل
ربع كوب ماء مغلي
نص ليمونة بنزهير (الليمون الصغير)
كل ده فى الخلاط ( الكبه بتاعة البصل) ممكن
لحد ما يبقى زي الكريم شانتيه
او كريم الوجه مثلا
يعني يبقى كريم وخلاص
بس وحطيته في كوباية الجبن الصغيره الزجاج
واخذت جزء بسيط على صبعي وفردته على وجهي مثل الكريم وشطفته بالماء على طول زى اى صابون
مش عارفه اوصف النتيجه بس جربوا كده وادعولي
كلنا محتاجين للدعاء
28-08-2005, 06:17 PM
ضوابط المشاركة
العرض الشجري