السلام عليكم ورحمة الله وبركاته
بنات أنا عضوة جديدة وماكتبت هنا واعلنت مشلكتي الا بعد ماضاق همي خاصة واني مااقدر اصارح اي شخص من الى حولي لان لي شخصيتي قدامهم والكل متصور اني جدية و ومالي في الخطأ بس انا كلي اخطاء ومو عارفه كيف ممكن ارجع للصواب ..
ابيكم تعذروني على الاطاله بداية وتتفهمون الى امر فيه وتساعدوني بليز ..
انا بنت عمري 24 سنة الحمد الله من عيله محافظة وله صيطها والكل يشهد بكرمها والتزامها / جامعية و جميله ولله الحمد / كنت دايما ارفض اني اكلم اي شاب واستغرب من البنات الى
حولي من يوم انهم بمتوسط يكلمون ويطلعون مع الشباب وانا اقول لا بحافظ على نفسي
لواحد بس وهو الشخص الى بتزوجة المهم وراحت الايام ودخلت الجامعة وطول السنة الاولى
لي بالجامعة طبعا في خطاب وفي شباب معي بالجامعه يرسلون لي بنات والي يجي يكلمني جامعتي كانت مختلطه لاني درست برا المملكة وانا قوية واقول لا مابكلم الين رحت سنة ثانيه
كان في شاب طول السنة الاولى وهو يحاول ويحاول الين بعدين ضعفت وبديت اكلمه بس كلمته اسبوعين وخلاص لاني حسيت انه مو مهتم فيني /بعدها ماقدرت ارجع لطبيعتي بديت اكلم شباب واحد ورا الثاني والله مااقدر حتى اعدهم من كثرهم والمصيبة الى اكبر انه الشباب الى كانوا مقربين مني مره كنت اطلع معاهم طبعا كل واحد مايعرف عن الثاني شيء ولو يدري ينصدم
صدمة عمره ماكان يصير بيني وبينهم شيء كبير والحمدالله مافقدت عذريتي طبعا بس القصة كلها خطأ
الين جه اليوم الى حبيت فيه واحد وظلت علاقتي به 3 سنوات اخلصت له لكن اكتشفنا انه معه سرطان يعني لازم اتركه وقفت معه وساعدته بس مافي فايده اهلي ما يبونه/ مرضه وهمي
معه خلاني ارجع اكلم غيره وتعرفت على شباب غيره من ضمنهم واحد اصبح الان كل حياتي والشخص الاول الى حبيته خلاص تقريبا ماعدت اكلمه مجرد سؤال لا اكثر لكن هذا الشخص هو
الي استمريت لمدة 3 سنوات اطلع معه وسويت معه كل شيء والله اني استحي اقول هالكلام لكن كان كانه زوجي لدرجه كنت احس انه واجب علي اطيعه وهو الله يشهد كان يخاف علي
اكثر من نفسه .. ومن بعده ما جلست مع غيره ابد الي اكلمه الان ماعمري حتى وقفت معه باي مكان..
مشكلتي اني مااقدر انسى كل اخطائي وكيف اقابل ربي الى الان اكلم الشخص الثاني
واحبه بس بعد اهلي رفضوه لان من ديرة بعيده عن ديرتي وانا بنتهم الوحيدة ومايبوني ابتعد عنهم
مدري احس اني ضايعه من يوم انه عمري 17 ويخطبوني كثير والله اكثر من 25 واحد
ماعجبني غير اثنين واحد اكتشفت انه ماله شخصيه والثاني صارحني انه عقيم اكتشفت انه مالي حظ انا الان على اقتناع اني اخطأت كثير ورجعت تقربت من ربي
واستغفرت وبكيت الم وحسرة على نفسي وقلت ماابي غير الستر ورضا اهلي لكن
ربي يمكن يعاقبي كل ماتقدم لي انسان احس اني مو متقبلته ابي ارجع الاقي نفسي
واحافظ عليها بس مو قادرة ابي اترك الى اكلمه الان بس مو راضي يفهم
ساعدوني ارجوكم
19-08-2005, 04:00 PM
انا سرت في طريق الخطأ كيف انتشل نفسي..
ضوابط المشاركة
العرض الشجري