السلام عليكم

ودي أكتب لكم مشكله متعبتني وااايد "

أولا أنا شابه صغيره طالبه ومتزوجه من 4 سنوات مشكلتي إني حساسه زياده عن اللزوم وزوجي إنسان جدي وعملي لأبعد حدود عنده العواطف والمشاعر داخل القلب فقط يوم أحس إنه يموت فيني ويدور رضاي ويوم يصد عني وينتقدني ويوجه كلام جارح 00 أحاول أكلمه أفهم شنو مزعله مني 00 مايكلمني او يقول انا طفشان أنا مو زعلان منك ويهجرني بدون سبب ولما اكلمه يقول تعبان أو متضايق ودايما يتعذر ويقول إنه مريض ماتدرون هالموضوع إشكثر مأثر فيني شكيت بنفسي بشكلي بس بشهادته وشهادت الكل إني جميله وأنا مو من النوع إلي يهمل نفسه بالعكس أتانق وألبس وأنيم الأطفال وأنطره يتركني ويروح (للعلم عندي ولد وبنت) حاولت معاه بس أهو إنسان كتوم و هالحاله صارلها 9 شهور من يوم ولدت بنتي مادري شسوي أحس بوحده بفراغ والله إني قمت أتمنى لمسة يده والله إني أحبه موت ومحتاجة له وااايد

أرجو إنكم تأخذون مشكلتي بشكل جدي وإلي عنده فكره أوحل يشاركني والله يعطيكم العافيه



تم تعديل حجم الخط

والله يأختي هذه مشكلة ولا اعلم كيف يكون الحل..لكن حاولي التغيير من شكلك اذا كنتي سمينة مثلا التحقي بنادي رياضي

اشتري نوعية ملابس جديدة..غيري من ديكور البيت واضيفي لمسات انثوية على غرفة النوم ..احيانا الرجل يمل من زوجته فغيري

له ربما يتغير ..حتى قصة شعر ممكن تفيد....

اذا لم تنفع المحاولات هذه..اعطي اولادك لأهلك لمدة يوم وتفرغي له اما تعزميه على عشا وتكلميه اني محتاجة لك وانت زوجي

اذا ماانت تقول لي كلمة حلوة من يقول بأسلوبك الانثوي البسيط..قولي له اذا في شي مضايقك او موعاجبك فيني قوله واحاول

غيره..انا احبك وانت زوجي وشريك حياتي ..واهديه عطيه مثلا ميدالية قلب محفور فيها اول حرفين من اسمكم..

احيانا ضغوط العمل والمنزل تتعب الرجل..حاولي فهذه حياتك وهذا زوجك يستحقون المحاولة..

هذا مافي جعبتي ..ودعواتك لي بزوج صالح..

__________________

مشكوره حبيبتي على ردك

بس والله كلمته مره ومرتين وثلاث ماكو فايده وغيرت بشكلي وقصيت شعري وصبغته وملابسي غيرتها بس مايهتم بهالاشياء وأنا موسمينه بس مادري شسوي معاه 0000000000


ودعواتي لك بزوج حنون يغمرك بحبه ومشكوره

حياتي سوي له مفاجأه في البيت خليه مره يدخل يحصل تغيير سوي له حركه اهنيه في المنتدى وايد حركات حلوه ممكن تنفعج اهم شي تفاجأينه وبعد لاتقصرين معاه من ناحة اللبس والكلام الحلو واذا اجرحج بكلمه ذكريه بقبل او قولي له انا ام اولادك تقولي هشكل يعني فهميه قولي له انا البس واتعدل لمنو لك انت وانوم الاطفال قبل هاي كله لك وخلي دايماً في مفاجأة في البيت له يعني انا زوجي دايماً مشغول لكن اسوي له حركات في البيت ومفاجأة اشوفه يستانس حتى لو كان بره البيت اطرش له مسج مثل وحشتني او اشتقتلك وهو يفرح لانه قالي مره انه فرح بالمسج وغيرت نفسيته مع انه كان معصب في ذاك الوقت الله يهدي لج ريلج ويسخره لج بس اذكرج المفاجأة تغير في النفس والله

مشكوره حبيبتي على ردك وإهتمامك وبحاول لأني أحبه ومابي أخسره

قومي قبل صلاة الفجر بساعه وأدعي <<< السحر الحلال بعينه

<<< السحر الحلال بعينه

حبيبتي وضحي أكثر

اختي العزيزه .. من الممكن ان يكون زوجك غيران من اولادك .. فانتبهي .. اذا كان اهتمامك مرتكز على الاولاد بشكل كبير وخاصه عند ملاعبتهم وتوجيه الكلام الجميل لهم فمن الممكن انه يغار !! ولذلك انعكست غيرته على تصرفاته معك .. حيث انك وضحت في كلامك انه قبل اشهر كانت تصرفاته احسن .. فحاولي الاهتمام به اكثر وعلى فكره الرجل كالطفل كلما دللتيه اكثر التصق بك اكثر واكثر فلذلك دللي زوجك ووجهي انتباهك نحوه اكثر فمن الممكن ان تكون تصرفاته هذه بسبب غيرته من اولاده والله اعلم

شكرا على المرور

ممكن يكون كلامك صح بس أنا نفسي أغار لما أشوفه يلاعب الأطفال و أصارحه بهالغيره يقول لي إنتي مجنونه00000 بس مو غيره سلبيه يعني أستانس لما يلاعبهم بس أتمنى إنه يهتم فيني مثل ما أهو مهتم فيهم

اعرف شعورك .. اذا ابحثي عن الاسباب !!