السلام عليكم

اخي محمد الشرقاوي وكل الاعضاء اذا سمحتوا


ان شاء الله على نهاية الاسبوع بسافر لمدة 24 يوم لماليزيا و تايلاند


ممكن تعطوني خطة رحلة لماليزيا لـ 16 يوم تقريبا او اكثر بيوم يومين مو مشكلة


وياريت اذا تعرفون شقق نظام فندقي لكل منطقة وكم تقريبا الأسعار؟


او حتى فنادق بس يكون موقعها حلو وتكون 4 نجوم يعني مو كلش غالية


واذا نفس الشي بعد بالنسبة لتايلاند لباقي المدة مع اهم المناطق والأسواق في بانكوك


في أسرع وقت اذا سمحتوا .. ولكم مني الشكر الجزيل

ألا من مجيب ؟!

__________________

انا رايحه لماليزيا اربع مرات وحبيت اعطيك برنامج من خبرتي المتواضعه

بالنسبه للعائله انا افضل انك تسكن على شارع العرب في كوالالمبور 3 ايام في شقق
kl plaza
وانا مجربها شخصيا المستوى وسط بس موقعها رااااائع
وهذي بعض الصور له





اسعارهم تبدا من 180 ريال للغرفه الواحده بلامطبخ واذا تبي موقعهم هذا الرابط

http://www.berjayaresorts.com/kl-plaza/info.html


وفيه هذا بعد اختي سكنته هالسنه وهو جديد ماله سنتين فاتح موقعه راااااااائع انصحك به اول وان لم تجد فيه حجز خذ بالاول

اسمه برجايا تايم سكوير

هذي صور له









اسعاره ايضا تعتبر رخيصه وهذا الموقع اللي ممكن تشوف منه الاسعار وتحجز

http://www.asiarooms.com/malaysia/ku...re_suites.html

بعدين ممكن تروح لجنتينج هذي منطقه جبليه بارده برا كوالالمبور بساعه فيها ملاهي والعاب مختلفه فيها فنادق بس انا كل المرات اللي رحت فيه لماليزيا اروح لها الصباح وارجع المغرب لان الالعاب تسكر المغرب والباقي قمار


وتروح لبيننانج تجلس 5 ايام روووووعه بحر وسباحه وبارشوت وجت سكي وعندهم سوق الليل للبضايع البسيطه ومطاعم مختلفه وانا ارشح راساسايانق بس الحين مسكر للتصليحات لانه على شارع العرب اللي فيه سوق الليل وانا جربت كراون برينس حلو بس بعيد وجنبه باردايس جربته اختي حلو بس نفس المشكله بعيد عن الشارع بربع ساعه بالسياره

ببينانج عنك كومتار اعلى برج عندهم وفوقه مطل ومطعم للاكل والايسكريم وتحته كم مجمع تجاري

وفيه حديقه الفواكه حلوه وراح يعطونك في نهايه الجوله صحن فيه كل انواع الفواكه مقطعه ونظيفه

وفيه حديقه الزهور والفراشات

وفيه مجمع جورني حلو بعد

بعدين تقدر تروح لنكاوي ليلتين فنادقهم هناك ميزتها الهدوء والبحرالهادي هناك انا سكنت شيراتون بردانا رائع هناك لازم تزور التلفريك و عالم تحت البحار لانهم جداد وفخمين وفيه حديقه التماسيح وشارع الحرف اليدويه

بعدين ارجع لمنتجع اسمه افاموزا لايفوتك (يبعد عن كوالالمبور ساعه ونص) اجلس فيه ليلتين عندهم فلل بمسابح خاصه بسعر رخيص
وقعهم صراحه غني عن اني اتكلم زياده اطلع عليه ضروري

http://www.afamosa.com/index.htm

نسيت اقول ان عندهم بنفس المنتجع عروض حيوانات وكاوبوي وسفاري ومدينه العاب مائيه

بعدين راح يبقى لك 3 ايام ترجع فيها لكوالالمبور وتسكن بفندق سن واي لاقون لانه تابع له ملاهي روعه والعاب مائيه ومول وصاله تزلج ومقاهي ومطاعم

اي سؤال انا حاضره