السلام عليكم ورحمة الله ..

اعذروني انتم حسبت اخواني ..

وودي افضفض لكم اذا تتقبلون كلامي ..

انا سبق وطرحت موضوع .. اني ناوي اتزوج لكن مازلت بالكلية ..

ولافي دخل مادي معقول يدفعني للزواج .. وآراء الاغلبيه وافقت على اني اتزوج ..

وتحمست صراحه كثير وانبسطت ..

وكنت مستعد اتحمل اي عبئ يجيني بسب الزواج ..


لسبب واحد .. (اني طالب العفه) فقـــــــــــــط!!!!


والا انا مازلت في عمر الــ20 !!!

لكن الفتن كثرة ولايحتاج اوضح عنها شي ..

والله ياجماعة اني افحط بايديني ورجولي على موضوع الزواج ..

اسد هذا الباب ينتفح لي باب ثاني ..

وكل يوم مشكلة جديده ..

مره لاني مو متوظف ..

ومره لاني ماكملت دراستي ..

ومره لازم البنت تكون نجديه (لاني نجدي وهذا طبايعنا)

وكل مااقنعت اهلي بالموضوع يفتحون باب جديد ..

والي ذابحني ومقطع اعاصبي ..

انه لي زملائ آبائهم يطالبونهم بالزواج !!!!!!!!!

مع العلم انهم بنفس ظروفي وانا ادري عن احوالهم ..

ويمكن اصغر مني بعد بسنة او سنتين .. والمصيبه العظمى ان الولد يرفض.؟؟


ليه لانه لسى ماشبع لعب !!!!


طيب انا يعني تبوني ازني؟؟ تبوني اسكر؟؟

تبوني اتفرج على الحرام؟؟

عشان العب مثل الباقين وانبسط؟؟

ولا لاني طلبت العفه وعانيت الامرين عشان القا الزوجه المناسبه كل هالمشاكل تجي بوجهي؟؟

صراحه تعبت انا نفسياً من هذا الموضوع كثير ..

وكل مااستشير احد الاصحاب الطيبين ..

يقولي بدري اصبر وتصبر ..




طيييييييييييب انا مااااااااااااااااااااااااااااقدر اصبر؟؟؟؟؟؟؟؟؟؟


كيف افهمهم؟؟؟؟؟؟؟

يعني لازم اجيب لهم مصيبه عشان يفهمون؟؟؟؟؟


لاحول ولاقوة الا بالله ..


حاب استشير المتزوجين خاصه والمقبلين على الزواج عامه ..


هل اكنسل الموضوع والي يصير يصير ..!!!!

اما اجتهد فيه مع العلم ان نفسيتي بالحضيض .. !!!

وهل يستحق الموضوع كل هذا التعب النفسي والجسدي؟؟

اتمنى النصيحه ..

ماابي احد يرد .. كاني فتحت مقال اجمع ردود!!!

ولكم فائق التحيه والتقدير ..

اسمممععععععع ياخوي اذا قدرت تشغل نفسك باي شي ولا يكون تفكيرك بس بالزواااج وانها السعاده الوحيده بهذه الدنيا عشاان الزوااج مسئولي كبيييييييييييره انا ماقول كذا عشااان احطمك لاااااااااااااااااااا بل اشوف اللي محيطي واعرفلك وااحد منجججججججججججججججججججن على شي اسمه زواااااج وخالته النفسيه عدددددددددددددددددددم المهم يوم تزوج وجلس كذا شهر تندم لانه لاكمل درااااااااسه ولا امن مستقبله واذا كنت قااااااااادر الله يوفقك

يااااااااابعد عمري رحمتك من جد انت اسمعني لازم تشتغل باي مبلغ وخذ هاااااذي الادعيه صدقني راح تستفيد وربي راح يرزقك بالزوجه الصالحه لاانك صبرت والزم الاستغفار لاانه يفرج الكربات ويسهلك امورك ويرزقك على (على فكره انا الحين اكتبلك والبسه حقتي تضغط في الازرار)وباليل حاول تتهجد واحنا في شهر رمضااان فرصه كبييييره كل آخر سجده بكل صلواتك قول هذا الدعاء:اللهم إني أسالك بأنك انت الله لاإله إلا انت الاحد الصمد اللذي لم يلد ولم يولد ولم يكن له كفوا احد بأنك................. وتدعو بحاجتك هذا الدعا ء مايدعو به احد إلا استجاب له الله وانا شخصياا ياااخوي مرت علي أيام مايعلم فيها إلا ربي وزي ماقلت الزم الاستغفارفإنه يجعل من كل هم فرجا ويستجيبلك دعاك وطلبك ولاتتكلف بالدعاء واشك لربك ضعفك وقلة حيلتك اناااجربتهاا والحمد لله ربي مانساني اقر ا كل كلمه واتمنى ردك سريعااااا





ولاتدعي يوم ولايومين وتقول ربي ماستجاب لاانه كل ماتاخرت الاستجابه كل ماكانت فهذا ربي بيختبر صبرك وقوة ايمانك

صاحب الموضوع يحتاج لإستشارة وتوجيه ....


سينقل للمكان الصحيح ...

__________________
خاص ومميز جداً

مواضيعي المميزة


جديد وحصري
::+:: آخر مواضيع الفيلسوف (( لا يحب زوجته )) ::+:: جديد وحصري

طريقة رائعة جداً جداً !!! لا تفوتكم

(الجزء الثاني) طريقة رائعة جداًَ جداً !!! لا تفوتكم (الجزء الثاني)

السلام عليكم ورحمة الله وبركاته لك هذه النصيحة ولكن ليست مني ولكن من افضل الخلق حبيبنا محمد عليه أفضل الصلاة والتسليم في حديث ما معناه ((( من لم يستطع الزواج فليصم))) والنبي لا يتحدث من فراغ فكلامه وحي منزل والصوم فيه فوائد عظيمه لانه يحرق الطاقه الموجوده في الجسم إذن فعليك بالصيام بين فترة وفترة فلعل عدم اتمام هذا الأمر فيه خير لك ويجب أن تعلم ان ما أنت فيه كله بأمر الله سبحانه وتعالى والله يوفقك في أمرك وندعو الله أن ييسر لك مافيه صلاح لك

هلا اخوي ريماز ..

اولاً مستحيل احد يتزوج ولايندم مهما كانت اوضاعه ..
وانا حتى لو تزوجت ماراح اترك دراستي ..
ولو لقيت وظيفة مابقول لا وبتحمل اي ضغط يجيني في سبيل العفه
والله يكون بالعون مشكور اخوي على ردك


-------------------------------------------------

الف الف شكر لك اختي راعيتها على الادعيه ..
جزاك الله خير .. ومشكور على تعاطفك معي


--------------------------------------------------

اخوي الفيلسوف ..
كنت اتمنى تفيدني باي راي ..
واشكرك على النقل

------------------------------------------------

هلا اخوي عذب الكلام..
تدري ان الي يقولي صوم احسه يركب براسي الف شيطان ..
طيب مااعترض على كلام حبيبنا صلى الله عليه وسلم..
لكن ياخوك شوف زمنه وشوف زمننا !!!!
ايام الرسول عليه الصلاة والسلام .. كان حدهم بعد العشا وكل الخلق نايمين..!!
الحين حنا دشوش ونت وجوالات..
عالم متغير تماماً والصيام مابيفدني بالليل !!!
لكن اشكرك على درك وتجاوبك

لا حول ولا قوة الا بالله

أخي الكريم أعاني الله وإياك ووفقني وإياك لرضاه . . . آمين
اسمحلي أنا أقول لك نعم الزواج يقلل من الشهوات والنظرات .. الخ
لكن الفتن موجودة معاك أيضاً فكم من متزوج افتتن بالنساء سواء في مجال العمل أو الشارع أو السوق ... الخ
فما عليك سوى تقوى الله أولاً وأخيرا وأوصيك بالصيام في رمضان وبعده لأن ذلك يقلل من الشهوات سواءً الجنسية أو الآخرى د
وعليك بعدم الإهتمام كثيراً ودع الأمر لله الواحد القهار المتصرف بالعبادة ، والله يعينك .

__________________
أيا معشر العشاق خبروا اذا حل بالفتى العشق كيف يصنعوا

هلا اخوي عبره او اختي اعذرني ماني داري ..

لكن انا لو ماني متوكل على الله وموكل امري له ..

كان الآن عندي عشر حريم من الشارع ..

لكن ياخوك انا صابر بس صبري وصل حده ..

ولك جزيل الشكر على الرد

شوف اخ هاجس اذا الواحد ارد العفه الله سبحانه وتعال راح يسر كل شي ويرزقه من حيث لا يحتسب وجرب كما قالت الاخت رعيتها عليك بالاستغفار وصلاه الليل و دوم عليه وشوف النتيجه وكذلك لا تستعجل والله يوفقك و يوفقنا
مع تحيات الساهر