بسم الله الرحمن الرحيم
السلام عليكم ورحمة الله وبركاته
لقد قررت ان اكتب لكم واضيف موضوعي هذا طبعا انا متزوجه صار لي ثلاث سنوات ومعاي بنوته عسوله عمرها سنة ونصف بس حبيت امهد واعرف عن نفسي ههههههههههههه مالي داعي معليش اتحملوني دخلت الموقع وبطلع عيونكم
بعد مرور يوم من صباحه نكد في نكد على الرغم من اني قمت بعمل توست الحب افاجئ بعزومة مالها راس ولا رجلين توكلت على الله وقلت ما يخالف ما في مشكلة من اجل عيون حبيبي الغالي اللي من الصبح وانا وياه نعاند بعض وبصراحة كذا انا عرفت بالضبط اليوم المحدد لمزاعلنا مع بعض"المقصود انا وحبيبي زوجي روحي وعيوني وكل دنيتي"
تاكدت تماما ان اليوم اللي يكون الناس فرحانين ومستانسين فيه احنا نكون العكس تماما
المهم عرفت بالعزومة بعد صلاة العشاء مباشرة عشان اكون منصفة في حقي وحق زوجي
طبعا انا ارتفع ضغطي واحمرت وجنتاي من الغضب وبديت اكلم نفسي واقول هالرجال مصر يخربها في اليوم هذا مو مشكلة طبعا لازم اسوي اكلات شعبية لوجود بعض كبار السن من الرجال فقلت لاباس واكلتها على مضض مو مشكلة سويت طبعا المقروق والارز وحلفت اني ما سوي غيرهم من العناد
المهم بدات بالمروقوق وطلع جنان طعمه في الراس وتاكدت من سلامته وخففت النار عليه ترى كلامي هذا عشان تتعلمون تطبخون الزبدة يا اخواني دخل زوجي الساعة عشرة طبعا الارز معاه لحم بس وش حلاتها ذيك اللحمة طلعت عيونها وهي مانضجت تدرون ليش لانها لحمة جمل ولا الجمل كبير طبعا هذا كلام البابا الحبيب الله يخليه المهم من الساعة 8ونصف وانا ماشوف الارض مجتهدة بعملي لا والمعازيم بيتكلمون عن عشاي عند حريمهم لا عادت عليها من عزيمة حطيت الحمة في الكاتم الساعة عشرة وقلت تاخذ لها نصف ساعة لانه ما رضت تنضج وهي عادي قلت يمكن الكاتم ينفع وطبعا زوجي يدخل ويطلع جنني ياناس اخر شيء وللاسف عجزت اتحمل قلت له يابن الحلال اطلع والاتراني والله والله ما اكمل عاد شوف من بيكمل الاكل للشيبان العواجيز اللي انت جايبهم ، نظر زوجي لي نظرة حقد وقال انا بوريك بس اصبري شوي طبعا انا قلت الظاهر اني بسويها مشكلة عند هالشيبان وبحركة مكر وحيلة لعبت عليه من وراء قلبي وقلت طيب يا عمري انا بخلص الساعة عشر ونصف ، قال طيب انا طالع قلت بس لاتنسي حبيبي ما تجي الا الساعة عشرة ونصف طبعا راح وعيونه في السماء من الزعل المهم قلت انا بكيفه بخلص شغلي وبالليل اوريه بطير النوم من عيونه من القهر المهم نسيت الرز احترق لا لا لا الحمد الله ما احترق لكن صار جريش على غفلة مويته كثيرة وبنصف ساعة وش تكفي اسوي رز من جديد
توكلت على الله وقلت يا ام اسامة هذا مو طبع الحريم السنعات سوي رز من جديد وبغضون نصف ساعة طلع الرز يضحك يعني نصفه كويس والباقي على قولتهم حب جاء زوجي وبنعومة هاه حبيبتي خلصتي طبعا انا اتفاجات وجلست اطالع فيه حضرتي مستغربة لايكون يسوي معاي مكر وحيلة قلت عطيه بس واخلصي المهم عطيته وانتهيت جاء دور الاواني المنزليه(على بالي لغة عربية) ايش فيكم عادي غسلت المواعين(يمكن هاذي احسن) طبعا خلصت صارت الساعة 11 ونصف والله يازين النوم فكرت اني انام قبل ما اسوي مشكلة بس قلت يا ام اسامة وين المكر والحيلة لا تنامين هالرجال هذا لازم يعرف مكانتي ويعلمني من قبل بيومين علشان استعد نفسيا لحركاته الحلوةالمهم دخل علي بصحون خالية من الطعام شفت الصحون وانا قاعده اطالع حسيت بقبلة على جبيني وفيه احد يقولي تسلمي يالغالية على هالعشوة اللي تجنن انا عاد دورني من الفرحة مدري وش اسوي بنفسي طبعا رميت نفسي بحضن زوجي وقلت احبك يا........... المهم امام الباب كان فيه ولد صغير عمره 4 سنين جالس يطالع فينا ابعدت بسرعة وقلت روح شوف الرجال اللي عندك طلع زوجي وراح للمعازيم جاء الولد ورمى نفسه بحضن ابوه
طبعا ابوه زعق له وابعده عنه وقاله عيب ياولد وش انت تسوي
ببراءة طفل قال أبو اسامة توه مسويها مع زوجته
تكفون لا ترحمون زوجي الموقف محرج بالحيل ياليتنا بلا هالحضن هههههههههههههه وانتهينا وجاء زوجي وقال والله اني وجهي اليوم انغسل بمرقه وايدام ههههههههههههههه
طبعا قالي انه لقط وجهه من عند هالمعازيم الى ان ذهبوا وجاء اليّ
طبعا عروستي بنوتتي عصفورتي العسولة نايمة كل فترة العزيمة قامت لي على الساعة 12 تقول ماما؛ ياعيني ياسلام على هالليلة قلنا ننام احسن وبلا هالرومانسية ناجلها ليوم الجمعه
على فكرة كل يوم خميس من اوله زعل الى الساعة 11 وينتهي الزعل لاني ما ارضى ينام زوجي وهو غضبان
وتسلمو والله انكم صبورين بس معلومة الصبر مفتاح الفرج وهذا الفرج جاكم يلا ردوا والا ادعوا لي بالهداية عن سرعة الغضب وشكرا
وتقبلوا تحيات ام اسامة البطل المجاهد ادعو لي ان الله يرزقني اياه بعد سنتين وشكرا

هلا بالطبيخة تسلم يدك ما تمرريلنا شوية لحم ورز شهيتينا..


المهم.. أما اكتشفت اكتشاف ألا وهو انو اغلب الحريم يكرهو العزايم ومنهم امي.. تعصب وتستفز وتجلس شايلة هم.. ليه ؟ والرجال يعصب بعدين يبين عليه لمن يدخل على الناس ولا ايش ؟ مع انو في الأخير السفرة بأنواعها من و إلى .. وبعد اسابيع يقولوا للوالد طعم الأكل لسه فحلوقنا من طيبته ليش العزايم هم ؟ أحس بالعكس لازم ارفع راص ابو العيال و أكون كريمة ومضيافة حتى البيت تعمه البركة.. صح ؟ انا بس ابغى اتزوج حتى اقول لزوجي يالله كل اسبوع عزيمة.. بس ياخوفي كل شي يتغير وأصير نسخة من هلحريم.. هاهاها


صدقيني زوجك راح يحبك أكثر ويقدرك مثل ما شفنا في آخر السناريو قبل الرجال مرته من راصها

الله يسعدك ويهنيك ويكثر عزايمك حتى تحل البركة والمعازيم يدعولكم ويجيكِ أسامة إن شاء الله.

اختي انتي مافهمتي قصدي انا كنت قاصده بس يكون رقيق شوي معاي طيب انا الامور ما جت على كيفي هذا غير اني من الصبح وحنا نتخاصم شوي ونرضى شوي وبعدين انا افرح اذا زوجي عزم احد او طلب استقبال احد
لكن كان الوقت ضيق ولا في مجال انه يدخل ويطلع علي وينرفز يعني انا كافة شري وموزعة خيري بس هو ما كف شره عني مصر الله يهديه وطبعا هذا من الحرارة والعصبية بس ما اقول الا تسلمي والله يخليك

صحيح معاكِ حق..فوق الهواش جاي يطلب عزيمة.. إنت بنت أصول وجبتي وبيضتِ و جه و خليتيه يخجل من نفسه بعملك الطيب.. وبيني و بينك حسيت زوجك طيب وقلبه ابيض و إنت ذكيه تعرفي متى تشدي و متى ترخي.. الله يسعدك..

نقل مع التحية الى عالم المتزوجين

ههههههههههههههههههه حلوه الصراحة ماني قادره اتخيل الموقف لي صار فيه زوجك

مشكوره يا ام اسامة

سلمللللللللللللللللللللللللللم

يا اختي خليها على الله انا ادري بالعزيمة قبل يومين وعلى اساس انهم اربعة واتفااجأوقت العشاء انهم صاروا عشرة

ياحبي لك اما يوم هالخميس الوحده تنتظرة على نار وىخرتها يخلص بمشاكل وتكرهين اليوم من اوله

وعليكم السلام ورحمة الله وبركاته

أهلاً وسهلا ومرحبا برحيق الجنة وجعلك الله ريحانة قلب زوجك

ماشاء الله عليكم بصراحة واضح حبكم لبعض بس مشكلتكم العصبية الزائدة

يعني ماشاء الله عليكِ طبختي وأطعتي زوجك وبيضتي وجهه وأنتِ معصبة.....

عاد تخيلي معاي وش كان ردة فعلك وقت ماطلب منك العشوة:

ياأم أسامة اليوم عازم ناس على العشاء

أبشر ياابو أسامة إنت تامر أمر...بس ماتشوف إن الوقت متأخر ومايمديني؟؟

لامو متأخر ولاشيء تو الناس معاكِ وقت .

أبشر ولايهمك من عيوني ...مع إني تعبانة ومالي خلق بس علشان خاطر عيونك ببيض وجهك :14:


عندها زوجك بيكون هااااااااااااااادئ ومابيعصب عليكِ

يعني سبب عصبية زوجك وأنت تطبخين هو عصبيتك إنتِ وإحساسه بأنك تطبخين من غير نفس وتعانديه بأنك ماسويتي إلا طبختين.



يعني بما إنك طابخة طابخة كان الأفضل تكسبين الموقف لصالحك

ولو لاحظتي إنه لما مسكتي أعصابك وقلتي له :

وبحركة مكر وحيلة لعبت عليه من وراء قلبي وقلت طيب يا عمري انا بخلص الساعة عشر ونصف ، قال طيب انا طالع قلت بس لاتنسي حبيبي ما تجي الا الساعة عشرة ونصف


لاحظتي كيف رجع لك وهو هادئ وكيف شكرك على الطبخة إللى انفضح بحركته قدام الرجال وتفشل :14:


تخيلي عاد لو كنتي كذا من أولها ......



شفتي مكر الحريم والله يذوب الرجال بس للأسف بعض الأحيان الزوجة ماتعرف تمسك نفسها.




ذكرتيني قبل فترة قريبة والساعة تقريبا 9 ونصف بعد العشاء بكثير إتصل زوجي وقال لي عندي ضيوف أطبخي عشاء

وكنت لحظتها إنتهيت من لف ورق عنب كنت ناوية أحطه بالثلاجة لحين الإستعمال

فقلت له أبشر بس مادري يمديني أنزل اللحم ويذوب وأطبخه؟؟

قال لي بإذن الله يمديك

قلت أبشر من عيوني وعلى طول على المطبخ وطبخت الورق العنب وسويت كبسة اللحم ومرقوق مسقى بالمرق وسلطة لبن وسلطة فلفل وسلطة خضراء وحلى بعد.

وزوجي مبسوووط مني ورأسه مرفوعة ويتشكر لي وهو ممنون وقال الكل يدعي لك ويمدح الطبخ.




ولو لاحظتي أنا وإياكِ طبخنا وتعبنا ...بس الفرق إني كسبت من البداية زوجي وإنتِ كسبتيه في النهاية......يعني ليش وجع القلب خذيها من قاصرها وهنيه وتهني على الأقل بتطبخي ونفسيتك مرتاحة وكل مادخل عليكِ زوجك قولي له أبشر باللي يبيض وجهك .......وطمنيه .....


بصراحة موضوعك ينفع أدرجه في موضوعي ......ماسمعتي عنه؟؟؟؟ تراني فاتحة فصل لتعليم النسوان المكر..............تحبين تشتركين ...؟؟؟ .......أدفعي الرسوم وتفضلي :14:

http://66n.com/forums/showthread.php?t=51169



بس بصراحة ونستينا بموضوعك وبروحك المرحة .

__________________

*
**
***
اختي رحيق الجنه .. الله لا يحرمنا من الجنه ووالدينا
عجبتني مشاكساتك ومغامراتك في يوم الخميس ... اجمل ما فيها انها انتهت بقبله على جبينك .. اعتقد انها ازالت التعب ورفع معها العتب على زوجك
هذه القبله تغني عن الكلام ...جربتها مثلك فكانت بلسم منعش ومنشط رائع لنظره حلوه للحياة

اعتقد انها مهاره لا يتقنها الكثيرين من الازواج ممن يعتبرون المرأه مكينه ينبغي ان لا تتوقف .. والشكر والثناء لاداعي له عندهم ابدا حتى لو بجزاك الله خيرا
فمسكينة هي من كان هذا زوجها واعانها الله عليه

فاسأل الله ان يديم عليكما المحبه ويحفظ لكما ابنتكما

__________________

[move=left] وغدا نفرح.........فلا نعرف للحزن محلا
وغدا للحاضرالزاهر نحيا...... ليس الا
قديكون الماضي حلوا انما الحاضر احلى[/move]