في البداية انا اول مره اكتب في منتدى او بالاصح انا ما ادخل منتديات كتير بس الصراحة

دا المنتدي شدني وخلاني انضم لي انا كنت بس اتفرج واقراء باسم واحد صاحبي

يمكن ليا اكتر من سنة بس اليوم قررت اسجل واكتب قصتي


ما اطول عليكم ودي قصتي



انا انسان عادي زي زي غير بعد ما توظفت فكرت اتزوج ولما امي اختارت اللي اتزوجها

وكانت بنت مديري في العمل وابوها صاحب ابويا

وبعد اقتناع مني انه دي اللي راح تكون ام اولادي خطبتها ( يعني ملكت عليها )

فترت خطوبتنا كنت مررره فرحان اني راح اتزوج واهلي كمان فرحانين بيا

وكنت طاير بالانسان اللي راح اتزوجها وجالس اساس عش الزوجية

المهم ما ابغا اطول

جاء اليوم اللي اتزوجتها فيه( يعني ليلة الدخلة ) اسواء ليلة في حياتي

دا اليوم اكتشفت انو زوجتي مهي بنت بنوت ( مهي عذراء ) مع انو ماسبق ليها الزواج



انا وقتها مع الصدمة وكمان عشان كنت احبها سكت ماعرفت ايش اقول

خرجت ورحت نمت في الصالة

وهيا نامت في غرفة النوم عادي ولا كان شي صار

تاني يوم بدات اتكلم معاها واسالها ايش اللي صار وليش ماقلتيلي من اول

واسالة كتييييييييير وهيا ما جاوبت ولا على سوال واحد


في الاخير صارت تبكي وقالت خلاص صار اللي صار


وفضلت زوجها وما طلقتها بس كنا عايشين زي الاخوان

انا انام في الصالة وهيا تنام في غرفة النوم


والكلام بيننا كان جدا رسمي غير لما نروح لاهلي ولا اهلها نمثل السعادة والحب

فضلت في ذمتي شهرين وبعد كدا طلقتها لاني مني قادر اسامحها

رغم اني كنت احبها بس والله مني قادر حاولت كتييييييير بس ما قدرت

وطبعا محد يعرف سبب الطلاق لامن اهلي ولا من اهلها سترت عليها واحتسب اجري عند الله


بس طبعا الكل يحسب انو انا لعاب اتزوجت عشان اتسلى و لما طفشت طلقتها

طبعا ابوها ماسكت فصلني من العمل وفضحني وقال عني كلام قال اني عاجز وقال وقال


وبس خلصت شهور العدة اتزوجت ولد عمها وحملت وخلفت وجابت ولد

وتدروا ايش سمت الولد سمته باسمي

تاخيلوا ما ادري ليش يعني بتقهرني ولا تحبني ولا عشان سترت عليها

مع انو دا الشي سببلها مشاكل كتير مع جوزها ومع اهلها كمان

بس ما ادري ليش


ودحين صار ليا سنتين منفصل عنها

واهلي بيقنعوني اتزوج وانا كمان جالس افكر دحين لو ابغا اتزوج في وحدة راح ترضى بيا

ترضي بواحد اتزوج وحدة شهرين وطلقها من غير سبب

لاني حلفت على نفسي اني ما افضحها ولا راح افضحها

وكل ما احد يسال اقول ما صار نصيب بس مافي احد اقتنع باللي اقوله على طول يشك فيا

بس انا ماهمني احد المهم انا راضي

واتمني انكم تساعدوني وتجاوبوني لني ما ليا احد اشكيله


وان شاء الله ما اكون طولت في موضوعي مع اني حاولت اختصر كتير

وشكرا......



اخوكم

عازف الاحزان

__________________

الاخ الكريم
بلا شك انك انسان نبيل وذا اخلاق عاليه
وانسان بهذه الصفات لا بد ان يوفقه الله الى زوجة صالحه
اما زوجتك السابقة فقد حفظت معروفك معها وسترك عليها

ولا اعتقد انها سوف تنسى ذلك ابدا

وفقك الله

__________________
[فلنجعل لساننا رطبا بذكر الله

اذكروا الله دائما

جزاك الله خير اخويا ( كريم الطباع )

وشكرا على رد بس اللي راح اتزوجها ايش راح تقول عني

اكيد لو اتقدمت لوحدة راح ترفض لاني طلقت وحدة بعد ما اتزوجتها بشهرين


ما ادري نسبة اني القي وحدة ما تهتم بالشي صعب


اظن انها ماراح توافق الا اذا كانت مطلقة او ارملة

ما اظن انو في وحدة راح تقبل بيا

__________________

__________________

جزاكي الله كل خير يا اختي ( ابيسة )

بس انتي عشان عرفي قصتي بتقولي كدا

بس لو ما كنتي تعرفي اكيد ردك راح يكون مختلف

وربنا يوفقك ان شاء الله ويوفق اخوكي ويخليله ولده


بس فعلا كلامك رفع من معنوياتي شويا

__________________

أخوي ..

( من يتق الله يجعل له مخرجاً ) ..

اجعلها أمامك دائماً ..

وو الله ما تتخيل مفعولها ..

و إنت اتقيت الله بإذن الله ..

و ربي راح يوجد لك المخرج و من حيث لا تحتسب ..

و صدقني .. إنت موقفك موقف رجال ..

و الله يرزقك اللي تستاهلك ..

صدقني ..

ربي ماراح يضيع اللي إنت عملته ..

بس هذه وساوس الشيطان علشان يبغاك تضيع الأجر تبعك و تفضح البنت ..

ربي يوفقك ..

الأخ الكريم
يمكن أنا عضو ولكنى أكتفى بالقراءة ولكن قصتك جعلتنى أتأثر وأكتب لك
لأنى فرحانة جدا أن فى أنسان زيك صدقينى ماتندم وربنا يكرمك إن شاء الله وأما مافعلتة مطلقتك فأعتقد أنة إحساس بالأمتنان والشكر وأرجوك لا تفضح أمرها حتى لزوجتك المستقبلية

مشكووور اخويا ( نايس )

على ردك وانا اخر شي افكر في اني افضحها
لما كانت نار ما سويتها ودحين لما صارت راماد اسويها

طبعا مستحيل

انا بس ابغا افضفض وابغا اشكي وابغا اعرف ايش راي الناس فيا

اكيد انت او غيرك لو ما تعرف قصتي وجيت مثلا خطبت اختك راح ترفض صح

اكيد راح تخاف على اختك راح تقول لايروح يطلقها زي ما طلق الاولى


اكيد في ناس راح يقوله هادا لعااااب عشان ما يعرفو الحقيقة

اذا انا في ناس من اهلي جالسين يتكلمو فيا ويقوله دا اعاب وبهدل بنت الناس

هي ما تستاهل وسبو ويشتمو فيا اجل لو جيت اخطب

ايش راح يقوله اهل البنت

اعتقد انو كلامي منطقي شويا

وجزاك الله مره تانية

__________________

__________________
اللهم ثبت حملى وفرحنى بيه وارزقه الصحه والعافيه واجعله حسن الخلقه والخلق

مشكور يا ( bosy18379 ) ويا ( اشرقت الشمس )

دا شي اكيد اني ما اعمل كدا

وما افضحها

ما ادري اقول

بس جازاكم الله خير

بس انا ابغا احد يقول رئيه في لو مايعرف قصتي

ايش راح يقول عني لو جيت اخطب اخته ولا بنته

ولا هيا ايش راح تقول عني

__________________