السلام عليكم ورحمة الله



انا حاير ولا ادري وش اسوي تكفون دلوني و قولو للي وش اسوي ، ابقولكم قصتي من البداية الي اليوم الحالي ونتم عاد افزعو معي و قولو للي وش اسوي:

طول عمري ونا صارف النظر عن موضوع الزواج ولا افكر فيه بالذات من بنات بلدي السعودية ، كل وقتي و جهدي كنت مكرسة لدراستي و عملي و الاهتمام بمي و اخواني الاصغر مني.

كنت دايم اقول انه ما فيه شي احسن من الحرية ، الزواج ازعاج و دوخة و وجع راس ماله داعي.

اخواني الاصغر مني زوجتهم و امي شريت الهاء بيت و امنت الهاء كل شي ممكن تحتاج له ، و رغم هذا ما فكرت في الزواج ، ولا اخفيكم ماني صغير في العمر ، انا الان انتصفت في العقد الثالث من عمري ، ولكن ما فكرت في الزواج.

اكون صريح معكم اكثر ما كنت اعتقد ان فيه بنت ممكن تملا على حياتي و تكون الامل و الحلم اللي طالماء بحثت عنه..............

انا مدري وش انا ابحث عنه ، انا مدري البنت هذي وش ممكن تكون او وشي مواصفاتهاء.

..................


لكن لله حكمة في كل شي ، فنا اللي كنت ارفض الزواج بكل انواعة و معانية ، صحيت من النوم في واحد من الايام و قلت لنفسي انا ودي اتزوج ، بس عندي مشكلة ، وشلون اتزوج من وحده انا ما اعرفها ، طبعاً ممكن اسأل عنهاء و ممكن امي تجيب للي كل اخبارها ، لكن انا اخاف اني افشل ، اخاف ما نتفق ، اخاف نختلف في الاراء ، انا عايشت تجربة الطلاق لمن انفصل ابوي عن امي ، انا عايشت احزان و الام امي و اخواني ، اخاف افشل و تتكرر المشكلة هذي معي ، لذلك انا ما كنت على استعداد اني اتزوج من بنت ما اعرفها ولو بالتلفون ، و الحقيقة هذا كان شرطي الوحيد ، ما كان عندي اي مواصفات ما كان عندي اي شروط ، انا بس كنت ابغاء اعرف البنت اللي بتزوجها ، انا ما ابغاء اشوفها ، انا ما ابغاء اطلع معهاء ، انا بس ابي اكلمهاء ابغاء اعرف هل هي الامل و الحلم اللي انا ابحث عنه او لا.

و بالفعل تكلمت معهاء عبر التلفون ، ارتحت الهاء ، و ارتاحت للي ، بعد ثلاث مكالمات معهاء اتفقناء انا وياها اني اتقدم لخطبتهاء .

اتصلت امي على امهاء و راحت شافتهاء و بعدين انا رحت و شفتهاء ، اكون صريح معكم انا ما كان يهمني شكلهاء الخارجي ، لان الشكل الخارجي عمره ما كان يهمني ، انا و بكل بساطته ارتحت الهاء و حبيتهاء فقط من الكلام معهاء على التلفون ، و رحت شفتهاء ، و ياالله ما كنت اتوقع ان الثقافة و العلم و الحكمة ممكن تجتمع مع الجمال ، اعتقد اني لقيت املي اعتقد اني لقيت حلمي.

انا من كان عمري 16 سنة كنت مع امي و بعيد عن ابوي ، ما كنا نتفق ، كنت كارهه الي حد كبير بسبب ما حصل لامي بسببة ، و مع هذا رحت له كما تقضي العادات عشان يجي معي و يخطبهاء للي بشكل رسمي من والدها.

ولكن للاسف ابوي رفض ، ليه رفض؟؟ لاني انا اللي اخترتها ، كان يقول للي اذا تبي تزوج انا اللي لازم اختار لك، ولكن كان سببه الرئيسي في عدم الموافقة هو لانه كان يرفض يكون له دخل في اي شي يخصني ، ليه يرفض؟؟ لاني كنت دايم اوقف مع امي قدام جبروته و طغيانه.

رفض ابوي ولا ما رفض ، انا ما استسلمت ورحت لم جدي ( ابو امي ) و جبته معي للخطبة ، و وافقو اهلها و الحمدلله بعدها بسبوعين تملكنا ، طبعاً ابوي قطع كل علاقة له معي بسبب اصراري على الزواج من من اختار ( هذا كان عذره طبعاً) ، لذلك رفض يساعدني باي شكل من الاشكال في تكاليف الزواج.

انا لو اني ما على ديون بعد ما شريت البيت حق امي كان ما احتجت له ولا احتجت لغيره ، لكن كان على ديون كاسره ضهري ، لذلك ما كنت مجمع شي ، فعشان اقدر ادفع المهر اخذت سياره بالتقسيط و بعتها ، و عشان اشتري الشبكة اخذت سياره ثانية بالتقسيط و بعتهاء و عشان اشتري جزء من الاثاث اخذت سياره ثالثه و بعتها و عشان اعتق بوية البيت و احط سراميك و ديكورات جبس في البيت حسب ما طلبت امها اخذت سياره رابعة بالتقسيط و بعتها.

و الان و بعد كل الديون هذي صار معاد يبقاء للي من راتبي شي ، فرحت و قدمت على وظيفة ثانية بالليل عشان اشتغل بايع في محل و استفيد من الراتب اللي باخذه من الوظيفة هذي لتغطية المصاريف اليومية بعد الزواج. صرت اطلع من وظيفتي الاولي و روح للبيت ابدل ملابسي و اروح للوظيفة الثانية ، و لين رجعت من الوظيفة الثانية احط راسي و انام ، ونا على الحال هذا سبعة ايام في الاسبوع.

.......................


بس الان عندي مشكلة ، مع كل اللي انا سويته و تدينته ، صرت طفران ولعاد صار عندي فلوس لهدية الصباحة و شهر العسل في اوربا حسب ما طلب مني ، ام البنت تقول بنتنا ما كانت مرمية في الشارع و ان الصباحة لازم ما تقل قيمتها عن الشبكة، طيب اذا كانت الشبكة بذيك القيمة انا وين اجيب قيمة الصباحة منه ، و ازود من كذا وين اجيب تكاليف شهر العسل و باقي الاثاث منه.

انا في حيره وش اسوي ، صرت افكر بجدية اني اهون عن الزواج و همومه ، وش اللي حادني على وجع الراس هذا كله.

تكفون قولو للي وش اسوي لاني مهموم ، ولعاد صرت اقدر انام الليل من كثر التفكير.

إبتعد عن التفاصيل الغير ضرورية

تعديل SuperFadi1

حاول اخوي تكلم زجتك عن ظروفك وممكن تحاول تقتصد او تقر ديك الضروف ادا كانت من الفتيات القنوعات
وان شالله خير

__________________
سبحان الله وبحمده سبحان الله العظيم

لا تعليق بعد ما حسستني بمرارتك وحيرتني معك والله ان حالك متعب متعب متعب
الله يكون في عونك
الله يفرج كربك وينفس حالك ويقضي دينك
ويسعدك بالدنيا والاخرة
اخوي انصحك ترضي ابوك اولا وتقنعه بزوجتك انها وانها طيبة وانها
وانها على ذمتك والي صار صار

وثانيا انك تحافظ على صلوات الفرايض والنوافل وتكثر من الدعاء
وتتضرع لله سبحانه وتعالى ليل نهار

وانا راح ادعي لك

اللهم فرج هم أخي (عبودي حاير) وهموم كل المسلمين ..

اللهم أرزقه قضاء دينه ووفقه في كل أمره ..

الله يخلصك من معانتك على خير ..

وأستغرب من هالعوائل ...

والله في ناس ماتهمهم هالشكليات كلها بس يدورن ستر بنتهم ...

__________________

أخصائية التجميل : HANDEA

سبحانك اللهم وبحمدك ..

__________________

السلام عليكم ..

أخي في الله .. عبودي ..

لا حاجة للحيرة .. كل الأمور والمشاكل لها حل .. ان ما تفكر به اليوم ستصحو غدا لتجده متربعا امامك ..
دائما اسعد عندما تلتف المصائب من حولي لأنني اعلم ان وقت الفرج قد حان ..

كما يقول الشافعي :
ولرب نازلة يضيق لها الفتى وعند الله منها المخرج ..
ضاقت ولما استحكمت حلقاتها فرجت وكنت اظنها لا تفرج ..

اسمعني جيدا ..
لست حرا لتتصرف هكذا ..
لن يبارك الله لك في شيء حتى يرضى عنك والدك ..
مهما كان مخطئاً .. مهما كان سيئا ..
انه والدك وليس لك شيء سوى ان تتقبله .. وتحبه كما هو ..
ان رضاه كفيل بحل مشكلتك .. وفي رضاه رضى الرحمن عنك ..
حتى لو لم يكن عادلا .. فاعلم ان الرحمة فوق العدل ..
اعلم كيف شعورك تجاه رجل القى بكاهل المسؤولية عليك مبكرا ..
ولكن الله ذكر لنا بر الوالدين معا ..
وقال تعالى : (( َإِن جَاهَدَاكَ عَلى أَن تُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا وَصَاحِبْهُمَا فِي الدُّنْيَا مَعْرُوفًا وَاتَّبِعْ سَبِيلَ مَنْ أَنَابَ إِلَيَّ ثُمَّ إِلَيَّ مَرْجِعُكُمْ فَأُنَبِّئُكُم بِمَا كُنتُمْ تَعْمَلُونَ ))

اذا هل امرك والدك بالشرك لا سمح الله .. اذن له كل الحق ان يفعل ما يفعل .. حسابه عند الله .. وليس انت من يحاسبه ..
ليس لأنك رجل في العقد الثالث من عمرك استطعت ان تستغني عنه انك تستغني عن رضاه ايضا ..

نحن هنا قلوبنا معك .. صدقني كم اتمنى ان يساعدك الله لتخرج من هذه الازمة ..

اخي في الله ..
ان الزوجة .. هي ام واخت وصديقة وابنه وهي الدنيا عند الرجل ..
انها شريكة لحياتك منذ ان عقد قرانكما ..
فالأحرى ان تبدأ بهذا الدور من الان ..
اخبرها انك عندما احببتها ذهبت لباب اهلها ..
اخبرها انك جاد .. وانك تنازلت من اجلها ووقفت في وجه والدك لتتزوجها ..
اخبرها انك تحبها .. وانه لا داعي ان تكون العوائق المادية سكينا يطعن هذا الحب ..
ذكرها بحلم البيت الجميل والاولاد وراحة البال ..
ألم يحن وقتها ؟ ان لم تساعدك هذه الفتاة الأن فلا حاجة لك بزوجة في الرخاء وعدوة في وقت الحاجة ..
" ان لم تكن جزءا من الحل فهي المشكلة "..
علمها ان في العمر ما يكفي ليكون أعواما من العسل دون تقليد الأخريات ..
علمها ان تتقبل ظروفك وان تحبها وتساعدك على تخطيها ..
واشرح لها الامر وابعاده ..
وتحدث مع والدتها بشيء من الجدية .. اما الانتظار واما التنازل عن بعض المتطلبات ..
فلا حاجة ان تقضي اولى سنوات زواجك تحت كاهل الديون ..
ومتى ستتزوج ان كنت في منتصف الثلاثين ؟
ادع ربك ليل نهار .. وتحرى اوقات الاجابة ..


ولكن قبل ذلك كله .. ارجوك .. ارجوك .. ارجوك ..
اذهب الى والدك ..
اخبره انك تريد رضاه .. حادثه رجلا لرجل ..
لم تعد ذلك الصغير .. انه يراك رجلا يافعا الان ..
مهما كان عمره ومهما كانت طريقة تفكيره ..
طلبك رضاه وذهابك له .. سيعني له الكثير ..
على الأقل بريء ذمتك امام رب العباد ..
فأنت ومالك لأبيك ..


أتمنى ان تخبرنا عن مستجدات الأمور ..


اللهم يا حي يا قيوم يا ذا الجلال والاكرام .. فرج هم اخونا في الله عبودي وابدل همه سعاده .. واجعله قرة عين لوالديه وللمسلمين ..

اللهم امين ..

__________________
-قاطع المنتجات الدنماركية والصحف التي تنشر دعايتهم ..
-ادعي على اعداء الاسلام والمستهزأين ..
- لابد ان نرفع قضية ليحاكم رئيس الوزراء - الملكة - الصحيفة ..
-لابد أن ينشر في نفس الصحيفة سيرة الرسول صلى الله عليه وسلم ..
-أن يفرد التلفاز الدنماركي برامج عن الرسول صلى الله عليه وسلم..
-والى متى يا امة المليار .. يارب متى نصر الله يارب احرقهم كما حرقوا قلوبنا على رسولنا وديننا

السلام عليكم ورحمه الله وبركاته.

انا اتفق من راي الاخت مسموسي.

اخي كلمه وحده فقط.

اخي لا تكسر ظهرك. انت في بدايت مشوار, ان تبدائه بدين ثقيل ما بالك بما سيتبعه من الاتزامات لها اول ما لها اخر ؟؟؟؟؟؟؟؟

اخي ربنا يسهل ويفرجها لطالب الزواج ولكن ما اغرق نفسي بديون (اربع سيارات واظنهم سيصبحو 10 مع الصباحه وشهر العسل) وبعدين اقول ربنا بيسرها لي

الله يوفقك يارب ويفك ضيقتك
بصراحه مدري وش اقول لك ! يعني المفروض انت تشرح لاهل زوجتك عن وضعك المادي وخصوصا زوجتك بكل صراحه زي ماشرحته لنا واذا هي شاريتك اكيد بتضغط على اهلها عشان يستحملونك هالفتره بس الين ماتتجاوز ازمتك ! مو يشربكونك في ديون اكثر ! المفروض انهم شارين رجال ! مو شارين فلوسه ! الفلوس تروح وتجي والمظاهر ما تزيد المحبه بين الزوجين ولا تنجح الزواج ! ياما الوف انصرفت على زواجات والنهايه طلاق الله يكفيك الشر ! وياما زواجات بسيطه شرو فيها رجال وعاشو في قمه السعاده ! الصباحه والسفر ممكن تشتريه لها بعدين لما الله يفك ديونك !
لكن التفاهم وراحه القلب لازم تحس فيها من البدايه !

الصراحه اهم شي في الزواج ! وش الفايده تتزوج وانت مديون كذا وحالتك مايعلم فيها الا الله ؟ حتى المشاكل ممكن تصير بينك وبين زوجتك على هالسالفه !

عموما الحل الحين انك تصارحهم بكل شي ! وماانصحك تتدين اكثر لان الدين ذل في النهار وهم بالليل ! وانت توك بادي حياتك لا تبديها غلط ! خصوصا ان الدين اللي عليك يمكن انه يكون فيه ربا ! وهذا حرام كبير ! الله يفكك منه

نصيحتي شوف احد من اهلك خالك مثلا او واحد يمون عليك يقدر يساعدك ! واستغفر الله سبحانه كثير عشان يرزقك ويفتح لك ابواب رزقه !

الله يعينك ويوفقك

اختك اسيل

__________________

لاإاله الا أنت سبحانك إني كنت من الظالمين

نصيحة مجرب

لا تبدأ حياتك الزوجية بديون كبيرة ، انا انصحك ان لا تتزوج اذا كان الموضوع فيه ضغط مالي ، والزواج الهدف منه الاستقرار النفسي والعاطفي ، والديون اكبر منغص للفرحة

صدقني : ما في اي بنت بتستاهل ان يقع العريس تحت هم وطأة الديون الثقيلة التي كان الرسول ص يتعوذ منه وأعوذ بالله من هم الدين ما انكده خاصة في بداية الزواج
..... انجو بجلدك وريح بالك وراسك