ياشباب السلام عليكم باقي عن عرسي اقل من ثلاثة اسابيع
ونا رحت محلات بدي شوب وشريت روب نوم لزوجتي .....وايضا بلوزة وبنطال شفافة ...يعني لغرفة النوم فقط
سؤالي لكم هو هل اعطيها هذة الملابس قبل ليلة الدخلة علما بأنها خجولة جد جدا ولاتحب البس هذا او اخليه لثاني ليلة ثم اقدمه لها على شكل هدية واضعها امام الامر الواقع
ارجوكم احبتي وخاصة الاخوات ماهو رائيكم اريد شور اخواني الاحبة بالمنتدى والف شكر :confused:

تعديل SuperFadi1

اتوقع من الانسب تقديمه كا هديه بعد الزواج

رأي انك تخليه بغرفة النوم وعلى السرير ليلة زواجكم وهي لما تدخل تشوفه ويكون مفاجئه لها وبنفس الوقت تفهم المطلوب .
والف مبروووك مقدما وبالتوفيق .
اختك فاااتن

رجاء لا تورط نفسك ، اتركها حتى تحس أنها بدأت تتعايش معك طبيعياً ثم أهده لها بعد ذلك ؛ فإنه يزيد الألفة ... ومتعك الله بليلتك !

الافضل ان تقدمه بعد الزواج
ومبروك اخى

مــســـا ء الخير ....
أحلى شئ انك أخذت لها أرواب نوم ...بس عندك مشكله كبيرة ...وأنا أنصحك ...نصيييييحة ...لأني أ‘رف شو يالس أقول لك ...خليه كهدية زواج ...بعد الزواج يعني ...لأن لو شو ماصار البنت ماراح تلبسه لك من أول يوم (لو طلعت فوق ونزلت ) ماراح تلبس والله العظيم وخليها على راحتها ...والمصيبه الكبرى انها من النوع الخجووووول ...يعني انسى لمدة أسابيع على الاقل ...وانت وشطارتك بعدين ...تقنعها ...وتخليها تثق بنفسها وتدلعها ودايما (لمح وركز على جمال جسمها وحدد المناطق الحلوة اللي تعجبك ....)وصدقني صدقني صدقني اذا ماجت لك بعد فترة وهي اللي بتسويها مفاجاءة لك مايكون اسمي محمد ...بس لازم تتمدح شكلها وجسمها وايد ...ولاتحلم الاحلام الورديه انك ليلة الدخله راح تسوي أشياء على كيفك ...لالالالا انسى لانها بيكون الوضع عليها غريب وراح تستحي أكثر من المعتاد (حتى لو مافي ضؤء)...صعب وايد ...أنصحك ...خلي اليوم الاول يمر بسهرة حلوة وضحك ...وخليها تستانس وتتونس معاك ...عشان الخوف يطيير منها...وتتقرب لك أكثر وتحس انها بأمان أكثر ...بعدين ياخي على شو مستعجل ...زوجتك وحلالك ...يعني معاك كل يوم ...أجل الموضوع اللي بالي بالك شوي ...عبال ماتهداء نفسيتها ....كم يوم ..وشوف الجو معاها اذا مزاجها رايق ولا لا ...وصدقني اني يالس أرمسك وانا فاهم 100% هالموضوع مع اني مب متزوج ...!!!!
المهم الشرح واااااااايد وكثييييييير وطوييييييييل ...بس انشالله طبق اللي كلمتك عليه وبتشوف راح يصيير كل شئ على أكمل وجهه ...بس لازم تضحي وتستحمل شوي ...!!!

اما يا شبح عليك رمسة ..

بس انا اتفق معك تماما .. يعني البنت مستحيل تلبس هذا الروب في اول ليلة .. صعب جدا عليها ..
خليه لبعدين .. ول اتستعجل .. يا رجال .. هانت وراح تتزوج قريب خل .. الهم حالنا نحن العزابية .. نحلم .

يالله الله يوفقنا ونتزوج ..

اذا كنتوا بتسافرون شهر العسل فالافضل تقدمه لها في السفر واذا مابتسافرون قدمه لها على الاقل بعد اسبوع من الزواج

اني من رايي انك اتقدمه لها ليله الدخله كاهديه ليله الزواج بس تطلب منها ان تلبسه لك بعد اسبوع من الزواج ، اقول لك ليله الدخله عشان ايكون لهذه الليله ذكرى فيه وزواج سعيد ان شاء الله.

اولا مبرووك , انا اتفق مع الاخ شبح في كل ماقاله
والله يهنيكم ويتمم زواجكم على خير وعافيه
اختك ام مجيد