السلام عليكم ورحمة الله وبركاته*
حصلت خلال هذي اليومين مشكله بيني وبين امي ..*
عشان اوضح الموضوع اكثر انا كتبت قبل كذا موضوع عن امي وعن تعاملها وعن سببها في خراب بيتي وطلاقي ..
الان انا اعيش مع اهلي ..
مشكلتي وسؤالي .*
كان عندي ذهب كثير منها الاطقم ومنها السبائك ..
كنت حاطتهم بدولاب امي ومافي احد يعرف مكانه الا انا وهي فقط ..*
ف الي حصل انهم سرقتهم مني وباعتهم*
وتعرف اني محتاجتهم وكنت محتاجه ابيعه*
لكن سرفته وباعته وماكنت اعرف الا بالصدفه كان عندي فرح ولما جلست ابحث عن الذهب مالقيت الا طقمين .. ولما سألتها قالت بس هذا الي موجود
انكرت انه في ذهب غيره اساسا ..
ماقدرت اتحمل الي حصل وتعبت نفسيتي جددا وكنت محتاجه الفلوس*
وماعندي اي شي غير ذهبي حتى وظيفتي خلتني استقيل منها ..*
وهي حسابها فيه اكثر من 50 الف تصرف منه .. وعندها خيير ماشاء الله تقريبا 700 او 800 الف
عشان ماتقولو محتاجه او شي ... وانا الي ماعندي اي شي غير ذهبي هذا سرقته مني ومابقي عندي اي شي ..*
مو قادره اسامحها وبالحقيقه دعيت عليها بأن كل ريال من ذهبي يصرف على المستشفى لعلاجها*
وماتتعالج الين يرجع الحق لأصحابه ..

هل الي عملته انا غلط ؟؟ هل عدم مسامحتي لها غلط ؟؟*
ساعدوني كيف ارجع حقي ليا لأني محتااااجته






تم تغيير العنوان ليتناسب مع المصمون

لاحول ولاقوة إلا بالله
ردة فعلك أعوذ بالله عقوق نسأل الله السلامة
أنت و مالك لأبيك كما قال عليه السلام
ياما ناس تتمنى رجعة أمها من تحت التراب لو لحظة وحدة وتعطيها ماوراها و دونها

إحنا نبذل كل شئ في سبيل رضاهم وإسعادهم و مانوفيهم جزاهم ولا نبرّهم حق البر

إستغفري ربك ماتدرين من يموت قبل إنتِ وإلا أمك

تسامحي منها وقولي لها انا وذهبي حلالك وفدوة لك
هذي أمك بدل ماصرتِ مظلومة صرتِ ظالمة
فيه أحد يدعي ع أمه كذا !!
ي رب نستغفرك ونتوب إليك
إذا لك حق مايضيع عند ربك إحسانك لأمك
أجره غير ممنون
حملت فيك و سهرت عليك وذاقت الموت بولادتك
واللحين عشان وسخ دنيا تدعي عليها بالمرض
لاحول ولا قوة إلا بالله

والله والله إن أمي وأنا نايمة تجي تاخذ من شنطتي فلوس و إذا قمت سواء قالت لي أو نست أقولها أنا و فلوسي فداك والله ما ألحق جزاك

لو حججتي بأمك ع ظهرك 9 حجج ماوفيتيها حقها فاتقي ربك
نجاحك بحياتك وتوفيقك تأكدي إنه ماراح تطولينه إلا ببرك بوالدينك

ولا تدرين يمكن أمك خبته لك ليومك الأسود بدل تبذيره بخرابيط او حفلات او حطته لك بأسهم او اشترت لك أرض

حبيبتي توضأي و صلي واستغفري ربك
وروحي لها حبي راسها قولي انا ومالي لك

بكلمتك هذي حتى لو افترضنا انه اخذتهم لها راح تنحرج من ردة فعلك وبّرك فيها وتدعي لك و تستحي حتى انها أخذتهم
الجنة تحت أقدامها
أسأل الله العظيم أن يرزقنا برّ والدينا ووالديكم
وأن لايحرمنا واياهم جنته

__________________
حسبي الله ونعم الوكيل

يا قسوة قلبك

انا نفسي ادفع ملايين عشان امي ترجع تعيش في الدنيا

يالطييييييف
كل الي اقدر أقوله

عشان وسخ دنيا
تدعي على امك و تعامليها بعقوق

كتبت ردي و ما شفت رد ما عدت انا
و شفت التطابق في اغلب الي قالته

يا اسرار
عشان لا تحسبي اني من الناس الي امهم مدللتهم
و اتمنى رجوعها

اتمنى ترجع و اخدمها بس انه نفسها يستمر بالدنيا

كانت تزعلني و تفسى علي مرات ..
و اروح ادعي يارب ساعدني اكون بنت بارة بأمها

و يارب اكون قدرت اوصل لجزء من البر بها

في فرق لما تجي وتاخد مني فلوس لو احتاجت
وبين انها تعرف انك حتبيعي ادذهبك لأنك محتاجتها جدا .. وتبيعها هي مع انه عندها فلوس ..


شكلك ماقرأتي المواضيع الي كتبتها قبل .. والا كان فهمتي الموضوع اكثر

ومازلت ادعي اني اتحمل تصرفاتها وابرها وما اكون عاقه

لكن ياعاالم افهمووو انا محتاااجتتتها .. انا منفصله وعندي ولد وانا الي بصرف عليه
ولا عندي وظيفه
وهي حسابها مليان وانا ماعندي شي غير الذهب ذا ..

حسو بلي صار لا يكون مجرد كلام تقرأووه .. تتخيلو الوضع ..
دعائي ماطلع الا من قهري ايش اعمل انا الان ؟؟
طول عمري باره فيها ولله الحمد ..
واحاول اكسب رضاها وارضيها ..حتى من بعد زواجي قالت اكثر وحده فقدتها انا لأن انا الي كنت شايله عنها البيت مايحتاج اثولكم واشرحلكم كيف كان بري فيها

نعم غلط ...
ادعي لها بالشفاء والعافية ... صارحيها بحاجتك للمال واطلبي منها المساعدة بالنهاية تبقى امك ! مهما فعلت وقالت انتي مجبورة على طلب الرضا وعدم العقوق ،،، اكبر واكثر مثال على ذلك نبينا ابراهيم عليه السلام عندما امره رب العالمين بعدم عقوق والديه مع الدعاء لهما بالهداية ودعوتهما للدين الحنيف ...


عزيزتي ،،، مسألة طلاقك لومها بالكامل ليس على والدتك فقط بل الخطأ واللوم الاكبر يقع عليك انتي ! انتي انسانة بالغه فاهمه عاقلة وعارفة للصح والخطأ ... واي نصيحة خاطئة مفترض تعرفيها وتكتشفيها من ردة فعل زوجك ... فلا تضعي كل اللوم على والدتك فقط ،،

مسألة الذهب ،، وان حصل فعلا اذن ما المانع انه تطلبي منها فلوس دام متوفر عندها ؟

عزيزتي ، الكثير من فقد والدته والمثير ممن عق بوالديه بلحظة غضب ويتمنى لو ترجع الايام ويعوضهم ...

طلبت منها مرا وكنت محتاجه .. قالت طيب بس ترجعيها واستقلت وماصار عندي اي مصدر ظخل عشان ارجعها وكلها 500 ريال الي اخذتها ..
فصارت بكل مكان تخليني ادفع من نفقة ولدي وتقول عشان ليا فلوس عندك اظفعي انتي ..


الله يصلح الحال
شكرا لكم ..

فعلا محد بيحس بأحد
الا الي جررب نفس الشعور

اختي شعرت بنار حرقة قلبك ... الله يعينك و يعوضك

لكن في النهاية هذة المرأة هي امك
الله يهديها لك و يسخرها و يحنن قلبها عليك و على ولدك



تصرفك و كلامك قاسي وايد و يعتبر من العقوق و العياذ بالله
استغفري ربك


حبيبتي سبق و قرات مواضيعك و عارفة "تصرفات امك "

لكن اعتبري احسانك لها قربه لوجه الله
و زرع لك في ولدك تحصدينه


اما بخصوص الذهب ... الله يعوضك

تعوضي الله فيه و انسيه وحافظي على الباقي منه

ادري صعبه وايد ... بس مافي حل

تجنبي امك هاليومين حتى تهدا نارك
وجاهدي افكارك .. بالتقرب لله
وحاولي تحصلي لك وظيفة او دخل يعفك عن طلبها او غيرها


وادعي لها بالهداية عل الله يحدث امرا



دعواتي لك ان شاءالله ما انساك فيها بظهر الغيب ...


صحتك ... لا تنسينها

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~