السلام عليكم ورحمة الله وبركاته ..

حابه استشيركم بموضوعي واتمنى تساعدوني بالحل 😢 ..
موضوعي بإختصار اني تطلقت منذ فتره بسيطه ومازلت في فترة العده ..
لكن سبب الطلاق .. عدة امور متراكمه على بعض
اول شي من اسباب طلاقي والدتي الله يهديها ..احس انه هي سبب من اسباب طلاقي
كنت افضفض لها عن اي مشكله تحصل بيني وبين زوجي >> كأي وحده تفضفض لأمها
وكانت تنصحني وانا اعمل بنصائحها ..يعني تقول افعلي كذا وردي عليه بكذا وقولي كذا وكذا واطلبي منه هذا واذا مارضي ازعلي واتكلمي ومن هذا الكلام
وكنت اجيب العيد 😅 تكبر المشكله والفجوه بيني وبين زوجي
كنت اعمل بنصائحها بحكم انها والدتي وتفهم بالحياه الزوجيه اكثر مني .. وانا كنت في بداية زواجي
واستمر زواجي سنه ونصف ثم تطلقت ..
بعد طلاقي شعرت انها كانت تغير مني
طليقي احس انه رجل بمعنى الكلمه تجذبني شخصيته والكل يحترمه وخوالي واعمامي يحترموووه جدا
ويرونه رجل بمعنى الكلمه .. صح فيه عيووب في تعامله معايا انا ويطلب مني حاجات ماكنت حابتها
بس تقدرو تقول. هذي كلها تتغير مع العشره ..
حصلت بيننا مشاكل ورجعت لأهلي وتدخل خالي بالموضوع للإصلاح وهو رضي وقال طيب بس انا بسبب كلام والدتي لي رفضت كانت تقول حطي شروط ولاترجعي الا بشروط ..
وشويه تقول هذا انسان مايصلحلك
وخالي كان يقول انتي محسوده عليه ترا هذا رجال مايتعوض ونادر تلقي شخص مثله ..

لكن سمعت لكلام امي .. وبعدها لاحظت وعرفت وفهمت انها غيييره .. واللن كأنها ارتاحت اني تطلقت واحس بندددم ..
السبب الثاني الي اشوفه لطلاقي .. العين والحسد في اول شهر من زواجنا تعبت انا وزوجي تعب .. وبعد ماجبنا شيخ قال انتو محسودين .. ( وممكن انا الي جبتها لنفسنا ذي كمان )
والمشاكل تزيد وتزيد بيننا والفجوه تكببر ..


قبل طلاقي بفتره حاولت اكلم زوجي عشان نرجع لبعض لكنه رفض ..
حاولت مرتين ... لكن ماوضحتله ان والدتي هي السبب ماحبيت اشوه سمعتها عنده يمكن يعلمها ا يكلم اهله ..

انا نفسي بحل للرجوع قبل انتهاء العده 😟
ايش ممكن اعمل ..
مع انه طلقني واحس كان كارهني بشكل مو طبيعي وقال للشيخ ف المحكمه بلا رجعه ان شاء الله خليها تروح .. مع انه طلقني طلقه واحده
كأنه غاسل يده مني ..

وحابه اوضحلكم مع انه في تصرفات سيئه كانت معايا ..
يعني مايعرف يتعامل معايا .. الحنيه والطيبه كلها على اهله واخواته
وانا يعاملني بجفاف >>> بس ممكن بسبب سوء تعاملي معاه وقت المشاكل
عنده حب السيطره جددا جدا وذا كان يضايقني مرا لانه يمحي دوري كزوجه ف البيت واحس كأني خادمه مو زوجه

نصيحة الله ارجعي لة وصلحي الخطاء الي وصلك لطلاق وهو تخبيب امك لك

__________________
سبحان الله وبحمده سبحان الله العظيم

حلو انك معترفه باخطائك .. وامك الله يهديها !! بس ما اعتقد غيره منك ممكن هي تقصد بتحريشها مصلحتك .. المهم اكتبي له في رساله انك ما زلتي راغبه فيه واللي حصل سوء تفاهم سببه الشيطان وقلة الخبره .. وانك حابه تفتحي صفحه جديده معه .. لا تكتبي ان الغلط منك لأنه ب يحقد عليك اكثر .. اتركيه بعدها لا ترسلي شي .. اذا لكم خير ببعض ب ترجعوا وانتي هذه الفتره استغليها في الاستخاره .. اذا طنش اسحبي عليه ولا تسألي فيه وربنا ب يعوضك بواحد يحن عليك وانتي تكوني تعلمتي واخذتي درس من زواجك السابق

ي بنت الحلال ارجعي له دام الرجال فيه خير
دقي عليك وقولي له انك عرفتي اخطائك وندمتي ع بعض ردات فعلك


وشاريته زوج لك واب لابنائك وان شاء ماراح تتكررر


كانت عندنا قصة شبيه لك للاسف البنت من التحريش الزايد وصلتها للمحاكم


ووقتها كانت حامل يوم ولادتها جا زوجها عشان الاوراق واعتذرت منه وقالت له اسباب المشاكل
وانها عرفت اخطائها والحين هم سمن ع عسل ربي يتمم حياتهم بخير



م يضرك اعترافك باخذائك وكوني قويه واشتري بيتك

__________________




ربِ هب لي من لدنك ذرية طيبة أنك سميع الدعاء

الوحده تفتح اذنها لنصايح امها هم تولول بعد الطلاق
وبعضهم تظن يوم يجي يصالحها انه ضعف منه فتبدا تحط شروط !
ترى مادرته قوه منه وليست ضعف لكن من يفهم

امي وادرى مني بالحياة الزوجيه من قال؟والله فيه امهات خرابات بيوت بنيه طيبه ولا شينه
وانتي مسلوبة الشخصية حتى تسيرك امك على كيفها؟
لها حق البر اما علاقتك بزوجك ماااااالها دخل

من اخر كلامك باين انه عايفك ووصل حده منك ومن امك
لكن انتي الحي على الله بالدعاء انه يردلك زوجك
وان رده لك فربك اكرمك ولطف بحالك
واعطاك فرصه اخرى ويا ويلك من غضبه ان ضيعتيها ورجعت حليمه لعادتها القديمه

كلمته قبل الطلاق مرتين
وحاول الشيخ في المحكمه الاصلاح بيننا قبل الطلاق ..


احسها ذل ليه ارجع اكلمه كمان اكثر من كذا.
نفسي بطريقه غير اني اكلمه لانها مانفعت قبل ..

لو ولدي يفهم كان دخلته بالموضوع بس صغير مايتكلم

الندم اول الطريق للتوبة

الجاي لله و ادعيه يستجب لك في رجوع زوجك

زوجك مجروح منك و على قولتك غاسل يده منك. شخصيا ارى اي محاولة منك راح تكون مرفوضة لانه بيقول وقت ما حبت تقول لي طلق و وقت ما حبت تقول لي رجني و كانه رهن طلباتك.
و بعدين كيف امك غيرانه منك ما عيب عليك تقول هذا الشيء و الناس حاسدينك و ايش كمان القاضي ما صدق يطلقك

حالتك اليوم صنيعة يدك انتي اللي كنت تفضفضين و تشتكين لامك اللي كانت تتصرف نتيجة لذلك فلا تحطي الحق عليها

الله يصلح حالكم

الي قرأ موضوعي عن امي بيفهم ليش انا قلت كدا


ع العموم
جزاكي الله خيرا ...

الله يسخره لك ويرده
ليه ما فكرت تكلمين خالك اللي حاول الأصلاح قبل، وصلي له نيتك بالرجوع واشرحي اسبابك واكيد انه
عارف ان اخته ساهمت بجزء كبير في الطلاق.

__________________
"أليس الصبح بقريب"
قال عليه الصلاة والسلام: إني أحرّج عليكم حق الضعيفين ، اليتيم والمرأة.