السلام عليكم ورحمة الله وبركاته ..
في الاونة الاخيرة واجهت عدت تساؤلات من زوجتي عندما أخرج من البيت لبعض من الوقت

وأحيان بصراحه أكون سهران مع عيال عمي في القهوه او عند بيت عمي ..
مو شرط كذا أحيان أصحى مبكر لصلاه الفجر وبعدها أطلع أشوف رزقي وأطلع الصبح أشوف اشغالي وبالذات انا أحب واموت في قومه الصبح بدري . الارزاق حسب علمي توزع في الصباح المبكر والهواء يكون نقي في الصباح وكل شيء يكون جميل جداً ..

من يومني صغير وانا أقوم صبح بدري .. عشان كذا وضحت لها وبغلتها بكل شيء ..

مع ذلك ألاحظ منها تسألني وش عندك من اشغال .. تهتم بالتفاصيل كثير لكل دقيقه ولكل ثانيه .. بصراحه هالشيء يضايقني كرجل . خاصة أني طول حياتي ما أحد يسألني هالاسئله ..

بصراحه الله يشهد علي أني أعاملها أطيب معامله وما أعتقد بيوم قصرت عليها أبداً من كل النواحي .. لكن هالاسئله وين رايح وش عندك ومع مين ومتى بترجع ووش قاعد تسوي ؟

تضايقني ك رجل لان الرجال يحبون الحريه في التصرف والوقت ما يحبون ينحكرون تحت أسئله كثير لا يعرف كيف يتم أجابتها بشكل يومي ..


سؤالي للمتزوجين / هل هذا الشيء طبيعي أن زوجاتكم يسئلونكم أسئله زي كذا ؟؟ وهل هذا يضايقكم ؟؟


سؤال للمتزوجات / هل أنتم تشوفون هالشيء عادي ومن حقكم تسئلون هالاسئلة مع كل طلعه لازواجكم ؟؟


بصراحه أحترت .. هالشيء يضايقني جداً ولا ودي أغلط بيوم وأزعلها .


تم تعديل العنوان ليتناسب مع المضمون

__________________
يارب ،، ارزقني بالذريه الصالحة
واحفظ لي زوجتي وبارك لي فيها 💕🌸💕
وأجعل حياتنا سعيده هنيئة يارب

صارحها وقول لها نفس الكلام اللي كتبته هنا..

بصراحة انا احسها خنننتنقه
لان زوجي مثل زوجتك يحب يسال ويحب يعرف كل شي
انا عادي اجلوبه واخياننا اسلك له
وبالنسبه لي انا ما اسال الا على الحاجات المهمة مرة وباختصار شديد
لانو هوا اصلا ماشاءالله يحب يحكيني كل شي صار معاه 😖😖

فاعقد زوجتك من النوع الغيوووور جداً عليك
وبتحسسك انو ترى في احد وراك انتبه

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

سؤالي للمتزوجين / هل هذا الشيء طبيعي أن زوجاتكم يسئلونكم أسئله زي كذا ؟؟ وهل هذا يضايقكم ؟؟

نعم طبيعي وأنا اشوف انه لا يضايق ولا شيء كل ما كررت هي السؤال كرر أنت الجواب وانتهت المشكلة

نعم طبيعي كل الحريم كذا،،لكن صارحها انك تتضايق دايماً مع الاسئله وتحب يكون بينكم ثقه..وانت حاول اذا طلعت تتواصل معاها بمسجات انك بخير ومشتاق لها وكذا ..

يعطيكم العافيه على الاطراءات والردود وان شاء الله تزين الامور

__________________
يارب ،، ارزقني بالذريه الصالحة
واحفظ لي زوجتي وبارك لي فيها 💕🌸💕
وأجعل حياتنا سعيده هنيئة يارب

سويت هذا الشيء من قبل اني اراسلها بمسجات بس أكتشفت كلمه وينك ووش قاعد تسوي ومع من !!

تلاحقني هالكلمات في كل مكان !

__________________
يارب ،، ارزقني بالذريه الصالحة
واحفظ لي زوجتي وبارك لي فيها 💕🌸💕
وأجعل حياتنا سعيده هنيئة يارب

وين رايح ... التفت سلّم علينا
احمد ربك
غيرك لو يضيع في البر يومين ماحد درى عنه )

__________________
هي أشيـــــــــاء لا تُشتــــــــرى

طبيعي أغلبهم كذا تحقيق على الطالعة والنازلة..

ومثل ما قال الأخ خالد الله يهنيك ويسعدك معاها..

__________________

(( هناك مواقف أيقظتني وصنعتني من جديد..
وهناك علاقات توقعت منها الكثير ووجدت منها القليل..
وهناك دروس لم تكن بالحسبان، لكنها علمتني الأنتباه ! ))

عادي مافيها شي

يعني مايصير أن الزوجه تسأل زوجها

هي بس تبي تتطمن عليك