السلام عليكم


انا مقبل على الزواج و لله الحمد وتبادر الى ذهني سؤال , هل تنصحوني ان اسكن قريب من اهل زوجتي ام من اهلي ؟

انا اعيش في مدينه كبيره و المسافه من بيت اهلي لبيت زوجتي تاخذ ساعه .

انا خوفي من ان لو سكنت بجوار اهلها راح تطلب يوميا انها تزورهم او هم يزورونا

ايش رايكم في الموضوع؟




تم تعديل العنوان ليتناسب مع المضمون

طيب على هالاساس ممكن هي ترفض او تعارض سكنكم جنب اهلك لنفس العذر..

هذا اذا كنت تشوف سببك منطقي :/

الاسئلة بهذا القسم عجيبة.. وباين انها لشخص يفكر مطولا حتى يستهلك الفكرة ويهولها..

مشاكل مثل هذي "في حاااااال حدثت" بعد الزواج ماراح تشغل الحيز اللي متخيلينه من حياتكم

وتنحل ببساطة!!!

اسكن قريب من مقر عملك وبالحي الافضل.. مو مهم قريب عند مين..

الظروف تختلف وكل واحد يدور اللي يناسبه.. مثلا في حال كان دوامك جدا طويل اقترحنا عليك تسكن قريب من اهل زوجتك عشان تروح لهم بسهولة

ومثلا لو انت انسان كسول والطلعة معاك بطلعة الروح وتتعيجز توديها عشان الطريق نصحناك بنفس الشي انك تسكن قريب من اهلها

وهكذا...

واذا مسبب لك الموضوع مشكلة ناقشها واتفق معاها.. شدعوة تحسسونا جايين من الفضاء وتتكلمون بلغات مختلفة

ههههههههه والله صدقتي
يا اخي الزوجة تتبع الزوج وليس العكس يعني اختار المكان الا يناسبك وحتى ما يحتاج تشاورها ان شاء الله في مدينة ثانية
معقولة هذا سؤال

البعد عن بيت اهلها راحة نفسية ومعنوية ومادية
واستقرار اسري ليس لة مثيل ابعد حبة تزيد المحبة

__________________
سبحان الله وبحمده سبحان الله العظيم

الله يوفقك اخوي ويكتب لك الخير

السكن انت اللي تحدد المكان وهي تتبعك اهم شئ يكون ملائم واذا انت بتستاجر مافيه مانع تسكن بالوسط بين اهلك واهلها او ما يناسبك مثلاً زميلي موظف وزوجته موظفة وعنده طفل اضطر يسكن قريب من اهلها علشان لما يطلعون الصباح لدواماتهم يحطون الطفل عند اهلها فيه امور تحكمك وتجبرك وفيه غير كذا

وحدد الموضوع من الآن وترا الموضوع مو سهل مثل ما انت مفكر او غيرك مستسهل الموضوع

لا ترا انا سبب طلاقي الرئيسي مكان السكن وان طليقتي كانت تبي تفرض علي تغيير مكان السكن فإنتبه

ممكن تطلب منك الانتقال بعد كم سنة الى جانب اهلها او قريب من مكان وظيفتها والاجارات بالحي تكون دبل

فحدد مكان سكنك من الآن ويكون مناسب لوضعك المادي ولو بتغير مكان السكن يكون لانك تبي تغير مو علشانها تبي لو فتحت باب التغيير علشان هي تبي واريح لها والله ما تخلص

اما موضوع زيارة اهلها من البداية عودها على رتم معين ان ارخيت لها الزيارات بالبداية كل يومين رايحه ماتقدر تغير هالنظام بعدين مو مشكله اهلها وتحبهم واهلك انت وتحبهم بس استقروا ببيتكم وزيارات محدده

اما متى مابغت قالت لك اخوي بياخذني انت تتاخر بدوامك او انت تطلع تقولك ودني كل يومين ترا بتتعود لما تتعب وتقول مافيه روحه ماراح تتقبل رفضك وتقول تحرمني من اهلي

...........


ولكن الاستقرار الاسري مطلب الرجل قبل المرأة
المراة يهمها توجدها في بيت الاهل علي مدار الساعة
بحكم القرب والرجل يهمة وجودها بالبيت كونها زوجة
استقلت في بيت زوجها لتكوين اسرة مطلبها الاستقرار
فهناك فرق بتفكير طبعا ليس كل النساء بهذي النظر
والحمدالله هن قلة ولكن لكل قاعدة شواذ

__________________
سبحان الله وبحمده سبحان الله العظيم

عشان ترتاح انت واياها نفسيا ولمنع تدخل أهل الزوجه والزوج اسكنو في الوسط لا هنا ولا هناك

اطلب راحه بالك واسكن قريب من عملك اسهلك فالطلعه والدخله

والله يسسسر امرك🌷🌷

مبارك عليكم والله يتمم لكم بالخير

أتصور أقرب لأهلها أفضل...بس لا يكون القرب اللي تروح وتجي مشي برجولها..

لأن الرجل يطلع ويجي دائما ... لكن المرأة ما تطلع غير لبيت أهلها،
فكونها قريبة منهم..فهذا الشيء يريحك خاصة لو كنت شخص اجتماعي وطلعاتك من البيت كثيرة


الله يهنيكم ويجعله منزل عامر بالطاعات والمسرات

اذا زوجتك تشتغل او تدرس او تفكر تشتغل او تدرس فالافضل بالقرب من بيت اهلها .. واذا لا فبرأيي منطقة بالوسط .. مشوار ربع ساعة لبيت اهلها ومشوار ربع ساعة لبيت اهلك .. ولا راح تتعب بالمشاوير ان شاء الله .. لكن سكنك بالقرب من بيت اهلك لا فائدة منه ..