السلام عليكم ورحمة الله
انا متزوجه ليا 13 سنه وعندي 4 اطفال ولله الحمد مشكتي الازليه مع زوجي الماده وتعلقاتو السخيفه اللي مالها داعي هو حالتو الماديه اقل من الوسط بشويه يعني لادوب يصرف على البيت وساعات يقصر واكمل انا الناقص مع العلم اني مو موظفه واهلي يصرفو عليا يعني ما سافرنا الا مره وحده قبل سنتين من بدايه زواجي لا شهر عسل ولا بصل الحمدلله على كل حال
هو طول الوقت ينتقد ويوجهه ويعيب لدرجه كنت اقول لازم استحمل كفايه هو متحمل عيوبي كرهت نفسي واشوف بنات العيله ماشاء الله الله يسعدهم سفر وبيوتهم وكلو احسن مني كنت اقول هما يستاهلو اما انا كلي عيوب قبل سنتين طلقني لسبب ذكرتو في مشاكلي السابقه ومن بعدها اتغيرت
زي اليوم مثلا بنتي جاتها اكزما وديناها لدكتور جلديه اعطانا علاج وكريمات طلعت غاليه يقولي اغطيني فلوس العلاج عشان انتي اللي كنتي مصممه تودي البنت قولتلو والله انت ابوها والمفروض تصرف على علاجها ومو مشكله انا اتكفل بنفسي الموقف عارفه انو بسيط بس كرهتو عشان هذا اسلوبو المشكله قبل مده دفعت نص فلوس مدارس البنات مو عشانو والله خفت يطلع البنات من المدرسه ويسوها هو يحب اولاد بس في الفلوس شويه يبخل ومع امو يعطيها لو على حسابنا وهدايا ويقول بر وهى مو محتاجه انا مو ضد انو يعطيها بالعكس لكن ما يقصر معانا او بالصح على البيت وعادي انا اصرف على احتياجاتي من لبس ودراسه وكلو
والشي التاني انا اتقبل النقد يعني لما يعطيني ملاحظه في شكلي اتقبلها واصلحها وهو لا والله معاه احس اني اوحش وحده في العالم وما استاهل الشي الحلو نفسيتي مره تعبت
معليش طولت عليكم بس كنت محتاجه افضفض وان شاء الله الاقي عندكم الحل



تم تعديل العنوان ليتناسب مع المضمون

__________________
ن محاولة فهم الاخرين تحتاج لطيبة قلب، أما محاولة جعل الاخرين يفهموننا،فتحتاج لشجاعة، وتكمن الكفاءة في إحداث التوازن بين الأمرين.