السلام عليكم ورحمة الله وبركاته


اخواني عندي مشكله مع زوجي وهي عدم احترامه لرغباتي واذا قلت ليش ؟ قال ماني مكلف فيك
انا الحمد الله عندي مال ساتر علي وع متطلباتي وهو يدفع أي شي بسيط جدا فيني جدا ولا يكلف ع عمره

الموضوع هو أنني قررت ادخل نادي عالمي ميزة هذا النادي انه نصف ساعه فقط رياضه
وقريب من بيتي عروضه 3 شهور وسنه وخصم للطالبات 20 % لمده سنة
وال 3شهور سعره 4 آلاف
والسنة 5600
لاني طالبه فقط زوجي قالي اشتركي 3 شهور فقط قلت ليش ابي سنه شوف المبلغ مغري قال لا مالي دخل وفوق كذا قالي ماتشتركي الحين بعد شهر ونص
المهم زاد النقاش قلت دامك تبيني اسجل 3 شهور ادفع انت ولا ادفع نص انا ماني يافطة ادفع ل 3 شهور واترك سنه والفرق 1600 ؟! مالي دخل تاركين البيت سنه قلت ماني ضايعة وبعدين النادي قريب من البيت ونصف ساعه فقط
وخلاص خلني اروح 3 إيام ب الويكند خميس وجمعة وسبت ولا توديني اخلي اخوي يوديني
يعني لم تو ديني اهلي بالويكند انا اخلي اخوي يوديني 3 إيام ورفض والمصيبة زعل ومعصب
انا صراحه مادري كيف أتعامل معه كل شي لا لا ومن حر مالي وجايبه حلول ونصف ساعه !
وهدفي من نادي لصحتي أولا ولرشاقتي له والله لا يشكر لي فضل

رجاء لا حد يقولي جيبي رياضه في البيت أو سوي دايت ابي حل للموضوع ذا
تعبت
وأحس حياتي في خطر دام اصرف ع تفسي وهو مكلف فيني ع حسب كلامه !


تم تعديل العنوان ليتناسب مع المضمون

تبين رأيي الصراحه
النادي نص سااعه و3 شهور ع مبلغ زي كذا جدا غالي
ماعلينا.. انتي الله يصلحك معوده زوجك في كل شي انك تقولي بفلووسي واذا رفض انتي تشتري منتي محسسه الرجال يصررف وانو مجبور فعلا
شغلات نادي مو مكلف صرراحه واذا دفع طيب منه كل شي يجي بالاسلوووب واذا رفض مالك الا ترضين باللي انتي فيه
قالك بعد شهر ونص وين المشششكله؟ ؟
انتي تكبري المواضيع فكري فيها واستهدي بالله بتشووفي الموضوع سخخيف

لا حبيبتي ماهو مكلف بنادي
وخاصه ان ناديك غالي
يا تدفعي انتي او تستني مثل ماقال او تدوري نادي ارخص
او اشتري جهاز بالبيت او شغلي يوتيوب وتدربي عليه او ممشى يوميا ساعه بالليل الجو حلو
عند الله سعه لا تضيقي على نفسك
لو انها مصروف دراسه وجامعه او طبيب ومستشفى قلنا
او اكل او ملابس
لكن بهالشي بالذات لا ماهو ملزوم والمبلغ غالي انا استخيره صراحه
تعالي نادينا الي بمملكه المراه ببلاش يالغاليه

اذا انت شاطرة كلفيه بالأساسيات والكماليات عليك..
والنادي كماليات لا تعصبي وتخلطي الأمور ببعضها.

مؤيد لهذا الرد
من جهة اخرى يمكن خايف ان النادي فية تصوير او عمال يدخلون
بس ماحب يقولك يخاف انك تفكرين انة شكاك او ما يثق فيك
موفقة يارب

__________________
سبحان الله وبحمده سبحان الله العظيم

ياجماعه الخير مابيه يدفع أبيه يوافق بس اسجل

والي يقول كماليات انا ماشفت من الأساسيات دايم مامعي مامعي لين اضطر لنفسي واذا قلت انت متصرف قال كذابه يعني مايكلف ع نفسه إلا الشي البسيط
وأنا ادرس عن بعد انا دفعت الرسوم 2500 وهو شرا الملازم ب 170
دايم عليه الأشياء البسيطة جدا
وهدفي من دخول النادي عندي مرض بالقلب ولازم أتخلص من الدهون

ما قلتِ ايش الأشياء البسيطة اللي يدفعها؟

فصّلي شوي عشان نحكم

بس لا تقولي مقصّر عليك عشان رفض يدفع حق نادي..

اذا وافق كثّر خيره، واذا رفض مو من حقك تزعلي

هذا موضوعي السابق

http://www.66n.com/forums/showthread.php?t=258185

اوكي النادي من ضمن الكماليات كثر الله خيره لا يدفع
بس نظام النادي 3 شهور وسنه
3 شهور ب 4 الاف سعر ثابت وليس عليه خصم للطالبة
سنه عليه خصم وسعره 5600
ومميزاته لا تغيب عن البيت كثير نصف ساعه فقط
زوجي رفض قال تبيني اداوم سنه علما أن ماعنده شغل
قلت خلاص خلني اروح ايام الويكند 3 إيام وأخوي يوديني رفض
قالي تسجلين 3 شهور الي ب 4 الاف و 3 إيام بالأسبوع !
أنا كذا مارح استفيد من التسجيل إذا 3 شهور وأبي نتيجة حلوه لا زم استمر يومي
هو بس كذا يبي يعجزني عشان ماسجل واجلس في خدمتهه 24 ساعة
عن جد تعبت معة مو معقوله كل طلباتي بسيطه ولا صعبه ولا مكلفه أو غير مكلفه مرفووووووووووووووضه وهو مبسوووووط ولا ع باله والحين مشاء الله زعلان وماد البوز الي يزعل انا مو هو

يا اختي انا اعيد وازيد
ان مهما الشي اللي تبغينه ومن حقه يجيبه لك لاتجيبيه من فلووسك حتى لو صار وماجااب تقعدي وراه الين يجيب
لان شاف منك اذا رفض تشترين انتي وريحتي دماغه..
سالفه النادي قالك بعد شهر ونص طيب ماسألتي ليش بعد شهر يمكن يكون مشغوول او يبغاك معاه ذا الوقت
الموهم شوفي مبرراته واذا رفض يا اختي والله لكل موضوع له حل ايش ماتشتري اجهزه اوبتراك وسير واجهزه للبطن
مادام خايفه ع صحتك صدقيني بتستمري ..
مشكلتك الاساسيه انو ليش يقول مو مكلف وهذا انا رديت عليك فووق في اول سطور
الرجال على ماتعوود..

اذا التسجيل من فلوسك
واخوك بيوديك
ليه زعلان
تعالي له باسلوب وبيوافق ان شاءالله