أريد الطلاق من زوجي / البليغ - أبو حكيم
السلام عليكمممم
......
بِسْم الله ببدا قصتي الحب شي من ربنااا لحد يقول ليش حبيتي اذا لمتوني على الحب بحذف الموضوع لان الي فيني مكفيني
انا بنت حلوه ودلوعه وحب الحيااه أحب الوناسه والضحك والفله ماعندي تعقيد كل شي عادي بحدود طبعاً
تزوجت ولد عمي زواج تقليدي كان شكله وسيم وماكنت اعرف كيف شخصيته وبعد الزواج انصدمت فيه ومشاكل انسان مايتكلم سااكت ماعنده اي اهتمامات ازبط له جو ابي اقرب منه يروح ينام اقرب منه يقول ابعدي عني مايفكر بحياتنا أبد يفكر يطلع مع أصحابه ويخطط ويسافر اقول له أتمنى تخطط لطلعه لنا ننبسط فيها انا كل هذا ومطنشه مااحبه ولايهمني زوج وخلاص جبت الولد الاول ودرست وجبت الولد الثاني وجبت الثالث وحياتناع حالها احس الأيام سريعه فيه شي ماقلته بزوجي صفه اكرهها مايجلس بالبيت لاليل ولا نهااار دايم برا يجي يااكل ويطلع ينام يصحى ع طول يطلع مايصحيني من النوم عشان مااقول له اجلس صلاه الجمعة يروح يصلي ولا يصحيني عشان اذا صلى مايرجع وع هذا الموال لاجديد
توظفت بمكان اختلاط حسب شهادتي وانا انسانه اخاف الله
مالي علاقه مع الشباب
من هنا تبدا المعاناه...!
جانا مدرب آه من المدرب يدربنا ع العمل تعامله جدي انسان محترم مثقف ذكي قيادي (وعزاابي) مو معطي البنات وجه بحدود العمل بس انا بس يتكلم معاي قلبي يدق احاول اطنش الشعور ماابي يبين علي حااااولت حااااولت ماقدرت قلبي خلاني امشي وراه اخذت رقمه وصرت أرسل له سوالف عاديه اليـــــــــن ماعشقته لحد الجنووووون ........... وهوا كمان حبني وتعلق فيني انكلم بعض ونبكي وش الحب الي جاء بالوقت الغلط والمكان الغلط فيه تفاصيل كثيره صارت بس مااقدر اقولها مايسمح لي هوا ابوح فيها
قلت له اوعدني بالزواج ولا بتركك يقول مااوعدك قلت له اوعدني وانا اطلق وتزوجك يقول اعيالك ماابي اخرب بيتك اقول له خلاص بعد عني نبعد يوم واليوم الثاني نرجع والله تعبت
يقول انا فكرت اتزوجك بس كيف تقدرين تطلقين
انا مشتته ضااايعه ماادري ايش اسوي قلت لزوجي لو اطلب منك تطلقني تطلقني يقول مستحيل والعيال وش ذنبهم وانا احبك اي حب والله عمرك ماعرفت الحب
أتمنى من عنده حل لايبخل علي والي عنده نصايح يوفرها لنفسه......
طبعاً قوانين المنتدى لازم اختار عضو يعطيني حل انا جديده ع المنتدى نقول البليغ وابوحكيم ان شاءلله ع يديكم ألاقي حل...!
التعديل الأخير تم بواسطة آفاق المجد ; 25-01-2015 الساعة 11:59 PM
25-01-2015, 11:41 PM
ضوابط المشاركة
العرض الشجري