مقطعين لرجال وسيمين في هاتف زوجتي
(مقطعين لرجال وسيمين في هاتف زوجتي)
السلام عليكم و رحمة الله و بركاته،،،
الله يعطيكم الف عافية اخواني و خواتي على هذه الجهود المبذولة لخدمة اخوانكم المحتاجين للنصح و
المساعدة و جعلها الله في موازين حسناتكم.
بصراحة ما اعرف كيف ابداء بموضوع لاكن احاول احطكم بالصورة قدر المستطاع و يعلم الله مالي
الا الله ثم انتم أول مرة احس اني ضايع و لا ادري شنو الصح.
بإختصار:
-متزوج من حدود 5 شهور زوحتي عمرها 19 سنة و أنا 26 سنة.
- تحبني جدا جدا و متأكد مليون بالمية.
- طيبة القلب و تهتم فيني و بوالدتي الكبيرة بالعمر.
- محافظة على صلاتها.
- كل شي فيها ممتاز من جميع النواحي الا من شي واحد.
المشكلة :
من بداية زواجنا تفأجت بطريقة شكلها و لبسها للعباية لما نطلع من البيت "نوع العباية" مخصرة
على الجسم و مكياج كامل "كحل وو" طبعاً أنا ما يرضني هذا الشي طلبت منها بعد كم يوم تغير
طريقتها و بالفعل سمعت كلامي و صارت تلبس عباية على الكتف "أنا مو متشدد جداً " لاكن غير
مخصرة مثل ما طلبت منها و شكرتها جداً انها كانت متفهمه و سمعت كلامي،،،
لاكن المشكلة الكبرى اللي من قادر امشيها اني من أول ايام زواجنا احسها تحب تنظر للرجال لما نطلع
من البيت على طول و بكل صراحة أول ما يمر رجل "وسيم" احصلها تطالع فيه و تطيل النظر جدا
بشكل ملفت جداً و هذا انا شخصياً احسها اهانه كبيرة بحقي خصوصاً اني مو مقصر معاها من أي ناحية
و أنا هنا بديت اربط بين لبسها ببداية الزواج و نظرها للرجال حسيت انها كنت تحاول تلفت نظر
الرجال لها و ايضاً تحب النظر لهم.
واجهتها بالموضوع و جلست تبكي و تحلف انه مو قصدها ووووو و خلاص انهينا الموضوع و
حسيتها تغيرت كثير للاحسن و علشان كذا انبسطت كثير منها و نسيت الموضوع.
لاكن اللي ذكرني هذا الموضوع قبل اسبوعين كنت اطالع بجوالها مقاطع فيديو و كذا و حصلت
مقطعين لرجلين اجانب "وسيمين جداً" طبعاً جوالها كان دايم قدامي و لا فكرت افتش وراها لاني
متأكد و واثق منها. المهم كنت ابغى اعرف من ارسل لها هالمقطعين من خلال الواتسب حصلتها
وحده من خواتها اكبر منها و تقول لها يا فلانه وش رايك بهالحلوين ؟!!!!!
"زوجتي ما ردت عليها ممكن ردت و مسحت ردها ؟!" لاكن تفكيري راح بعيد و تذكرت الماضي و الان
احس انها من عاداتها انها تطلع بالشباب و حتى اختها اللي اكبر منها عارفتها و مرسله لها هذه المقاطع.
و الشك صار يلعب فيني حتى لو أني متاكد انها مالها علاقات حالياً لاكن أفكر بماضيها وووو و تعرفون
وساوس الشيطان و دخلت على حسابها بالانستقرام و حصلت كل اللي عندها (مكياج و ملابس و طبخ)
لاكن عندها شاب واحد فقط و المصيبة هذا الشخص له حسابين و ضايفه الحسابين مع بعض و بس هو
الرجل الوحيد ما فيه غيره و مو حساب واحد علشان أقول ضايفته بالخطأ لا حسابين !!!!
أنا الان بصراع مع الشك أشوف أهتمامها و حبها لي "والله متأكد من هذا الشي" و تصلي
و قلبها طيب أقول مستحيل تسوي كذا تطالع رجال و تهتم فيهم و كذا و بالنفس الشي عندي
هالادلة عليها و شي صاير قدامي.
ساعدوني ارجوكم ؟؟
لحد الان ماسك اعصابي و لا واجهتها بأي شي و اللي قاهرني اكثر هالمقاطع الى الان بجوالها !!!
هل معي حق بشكوكي ؟ و أنا فعلاً كنت نايم على اذاني ؟!!
هل أراقبها أكثر و أشوف شنو وراها ؟؟ "اكره الاستغفال اخاف تكون تستغفلني"
أوجهها بالموضوع ؟ و إذا جلست تبكي عندي و أني ظالمها وووو شنو أسوي !!!
يا رجال يا حكماء الله يرضى عليكم علموني الحقيقة هل لشكوكي معنى و معاي حق اتأكد ؟؟
سألتكم بالله تقولون الحق ؟
بصراحة أنا أشوف أنه لشكوكي معنى و لي الحق اتأكد و أراقبها و أوجهها لاكن اللي موقفني
طريقة تعاملها معاي و مع امي و أقول اللي مثلها مستحيل يكون عندها لف و دوران وووووو
لي الان اسبوعين ادور بحلقة مفرغة ؟
ساعدوني و لا حول و لا قوة الا بالله.
(تم التعديل ليتناسب مع المضمون)
التعديل الأخير تم بواسطة مدن السلام ; 24-11-2014 الساعة 08:49 AM
24-11-2014, 02:13 AM
ضوابط المشاركة
العرض الشجري