برود زوجي تعبني اشعاري اني مالي اي اهميه بحياته تعبني
اسأل نفسي ليه هالزواج مستمر ومتمسكه فيه للأن
انا رجال نفسي وهو دوره الاستمتاع وبس

ذهبت لمنطقتي البعيده ولا كلف ع نفسه يسأل وصلت ولا ماوصلت
عادي جدااا كأن الي خرج من عندو قطعة اثاث مو محتاج لها
طلبت يترك مصروف لعيالي عند امي او يقضي لهم اشياء خفيفه ولا كأن طلبت...
اعتذرت من الدوام لأسباب ورجعت لأهلي واتصلت عليه وبلغته بنزلتي لمنطقتنا قالي عادي نامي وريحي وبكرا الصباح اجيك
انا تعبان ومافيني اجي اخذك ...
وشفت له دخول متأخر ..
ولما صارخت وعاتبت ببرود قال يللا مع السلامه وقفل
كرهت التعدد
يعني عشان عندو بدايل واولاد وبيت يعاملني كيذا..
غير انو صاير معاي خووووف شديد منو ع اولادي
افكر واقول ليه جالسه معاه
مالو دور كزوج
مالو دور كأب
تعبت من تحمل مسؤلية نفسي وعيالي
انا رجال نفسي
صاير افتقد انوثتي معاه...
افكر الحياه بنعيشها مرا وحده
وش ابغى بواحد مكتفي من الحريم لحد الاستفراغ وغير مبالي بأولادي
وطبعا العكس ببيته الثاني..
لايصرف لايشبع احتياجاتي مالو دورالا بالاسم فقط كزوج وكأب
الموقف الاخير صار قبل يومين
دخل ولده لمدرسه اهليه بحجه انو خايف عليه والولد بسنه ثاني
وسلم مبلغ وقدره4500
وعيالي رافض مرا
بنتي دخلتها من حسابي
لما سألته ليه كيذا قال ولدي ذا غير
وموقف كمان ولدي خبط ولده ع عينو بالغلط قلب فينا اادنيا وهزء ولدي
وسبحان الله بعدها بدقايق تكرر نفس الموقف من ولده
خبط ولدي ع عينو من غير قصد
ودمعت عين ولدي
ولا تكلم ولا عبر وقال امسحها امسحها بنفخة خشم
صايره خايفه ع عيالي الاثنين ماعندي غيرهم
خايفه يدمر نفسياتهم ويكسرهم
هذا اب...
والسبب اني مهتمه بأولادي وحرمته الثانيه لا
تعبت من ظلمه ...

__________________
(سيدة الموقف)
لم ننساك ونسأل الله ان تكوني أنتي وأولادك بخير

المشكله صرت جدااا عصبيه
وصايره اذا شفتو احس بكتمه وضيقه شديده وشي ثقيل ع صدري
وبروده بأطراف يديني ورجليني
طبعا مع عدم ثقتي فيه نهائيا...
وشكي الدايم فيه
وخصوصا بعد ماوصلني من مصدر ثقه انو يشوه صورتي عند امو واخواته
متهمني انو اغار منهم ومن اخواته
وبتتسألوا ليه
لانو امه تحبني وع طول تدافع عني وشكلو هالحال مو عاجبه ...

__________________
(سيدة الموقف)
لم ننساك ونسأل الله ان تكوني أنتي وأولادك بخير

نسيت اضيف برمضان رفض يدفع كسوه لعيالي
وانا اشتريت لهم كل حاجه
ماراح اضلمه اشترا بس ثوب واحد لولدي وملابس داخليه للبنت
وكان يحلف انو ماقضى لعيالوا من بيته الثاني
وتمر الايام واكتشف انو مشتري لهم من ارقى الماركات
انا الحمدلله قادره اشتري لهم بس ليه هالمعامله لاولادي
ولما احذره من عقاب الظلم يقول مو شغلك حسابي ع ربي
المصيبه يصلي وحريص ع قرأة القرآن
والاعمال التطوعيه
طيب هو مدرك تماما الشي الي يسويه مو من العدل
كيف يأمن من عذاب الله
صرت اشك انو الي يسويه جايز له

__________________
(سيدة الموقف)
لم ننساك ونسأل الله ان تكوني أنتي وأولادك بخير

لاحول ولا قوة الا بالله
الله يخليكي لااولادك ويخليهم لك يارب وتلبسيهم احسن لبس واحسن مدارس
وتعوضيهم بحنانك واحتؤائك عن ابوهم
احيان بعض الاباء وجودهم والعدم واحد
وانتي كمان ليش تنكتمي وتجيكي ضيقه وبرود بالاطراف لما تشوفيه
اعتبريه ابو العيال وبس وعامليه باحترام ورسميه وخلص
دام حاورتيه ونبهتيه وماتغير فوضي امرك لله
وركزي علي اولادك ونفسك
ولايحز بخاطرك معاملته لااولاده من الثانيه هو الي بيندم مو انتي
بكره هالصغار يكبرو ويفهمو ويلاحظو الفرق باانفسهم
وهما الي بيعزوكي بعد الله عن زوجك والناس
الي عليكي سويته ونبهتي بس ختم الله علي قلوبهم فهم لايفقهون
او يمكن ماخذ منك موقف معين وانعكس هالموقف بطريقة معاملته لااطفالك
او خلص تعود انك انتي الي تصرفي وشايف هالشي واجب عليكي
او يمكن طريقة الحوار بينكم فيها خلل تخليه يعاند
مع انه ايش ماكان السبب المفروض مايفرق بالمعامله
لاان كلهم من صلبه
الله يسخره لكم يارب ويحنن قلبه عليكم

الله يكون في عونك فيه اخوات كثير مثلك حبيبتي
المشكله هذي مالها حل الاان الزوج يخاف الله
في فيها وفي اولاده وعليك بادعاء اختي
فهو سلاحك

.





ماكسر خاطري في الموضوع غير الأولاد ... آخ بس كل شي يهون إلا الظلم حسبي الله ونعم الوكيل
أما أنتِ حبيبتي لا تسكتي عن حقك ... ومطلبك العدل
نكدي عليه ماحد قاله يفتح بيتين دامه ماهوب قده
وخلك قويه مثل مايسوي للبيت الثاني يسوي لك
أنا ماعندي التوجيهات الكامله لكن قريت مرا قصه من القصص وقدرت تضبط زوجها المعدد بإنها ماتسكت عن حقها
حتى لو هي ماتبي أو هو مضغوط سويت لهناك تسوي هنا
سفرت اولادها طلعتهم تسفر اولادي تطلعني
عطيتهم كذا تعطيني كذا
« مايستاهل المعدد إلا كيذا علشان يعرف إن الله حق ..

الاخت ريحة بخور ماسويت له شي ولعلمك انا اصغر حريمه والاولى للأسف
والله ماسويت شي له يخليه يعاند بالعكس جدا كنت طيبه الا هالفتره صايره نار وعصبيه واطالبه بالقوه وبصراخ لاني تعبت
هو حله انو اروح لأهلي وادخل احد من اهلي وتصير فضايح
بس انا مليت من هالاسلوب وهالحياه والشتات
طيب تدرون انا امنت انو اكبر غلط كنت اسويه اني كنت ارحمه الله يعطيني ع قد نيتي معاه وحرمته الثانيه العكس وصارت هي الكسبانه
والله راضيه مايدفع لي ريال وعيالي لو يدفع النص انا موافقه
بس التفريق الي اشوفه مؤلم جدااا ماني قادره اتحملو
ماعندي الا هالاثنين وروحي فيهم الا نفسياتهم
فصايره حياتي حرب معاه عيالك وعيالي مع انهم كلهم واحد بس هو الي رسخ فيني هالشي
ودايم يردد قدامب
عيالك اقوياء ومدلعين والكل يحبهم
وانا عيالي مساكين
الشي الي يسويه جايز
خلاص صاير عندي انفصام بالشخصيه

__________________
(سيدة الموقف)
لم ننساك ونسأل الله ان تكوني أنتي وأولادك بخير

يا حبيبتي باين من اسلوبك انك عاقله والله
جدتي دائمآ تقول لنا مثل يقول
ابن حرمه لا ترحميه دقي عظامه وسفيه يعني اشربيه
جربتي اللين مانفع
جربتي النكد مانفع
استغفرالله يااختي سايسه وسلكي له وخذيه ع قد عقله
ولا تتعب نفسيتك انتي واولادك بسبب المعامله حقته
بتعيشي بنكد وتوتر العمر كله يعني
طيب مو تقولي يصلي ويقراء القران تعاليله من هالباب واذكري قصص عن عقاب الله للي يفرق بين ابنائه
ذكريه بيوم الحسسساب
بعدين كثير من الرجال يشوف ايش الي يحرق دم الحرمه ويسويه
انتي خليكي بارده قدام كلامه ولا كانه همك اذن من طين واذن من عجين هو راح يمل
ونصيحه لا تبيني لزوجك اهتمامك باولادك وانهم كل حياتك
زي الثانيه ماتسوووي حاطه العيال بخلقته عطول ولا مهتمه
كل ماقال شي قوليله مدلعين والله عيالك خذهم ربيهم من وراء قلبك هالكلام
راح يعرف انه بطل يستفزك بالاولاد ويهمد شوي
والله يااختي ماادري ايش الي بينفع مع زوجك
بس دعوووواتي لك بتسخيره والله يحنن قلبه عليكم

هذا هو مربط الفرس وهو لم يجد أحد يهتم للاولادة من زوجتة الثانية لا مادياَ ولا معنوياَ بينما يرى منكِ الاهتمام والحرص على أولادك منه سواء كان ذلك مادياَ أو معنوياَ لذا هو مطمن من هذه الناحية على أولادك
رغم انه غلطان لان العدل هو اساس الحياة ولانه سوف يخلق شيء من الكره بين الاولاد في النهاية وهو لا يشعر بذلك اسال الله له الهداية

حبيبتي اسمحيلي اسالك انتي زوجته الثانية? ام الاولى
اذا الثانية فاحتمال يكون تصرفه تجاه اولادك ناتج من شعوره بالذنب تجاه ولاد الاولى عشان هيك يدللهم ويهمل ولادك
لاني عندي قريبتي هي زوجة ثانية وعندها طفل واحد تقريبا نفس الاهمال من زوجها تجاه طفلها وجل اهتمامهباولاد الاولى رغم انه ما يحب الاولى ويحب الثانية .. ونفس القصة حصلت بانو واحد من ولاد الاولى ضرب طفله من الثانية وكان رضيع واتورم مكان الضربة و ما وافق حتى ياخده للدكتور و حط اللوم عالزوجة الثانية