السلام عليكم ورحمة الله وبركاته انا عضو جديد في هذا المنتدي
انا شاب متدين ولله الحمد عمري 30 عام خاطب بنت اصغر مني ب 4 سنين من اسرة محترمة ذات خلق ودين ( منقبة علي فكرة ) عن طريق شخص معرفة هي عجبتني بصراحة من اول مرة شفتها واعجبت بالتزامها وتمسكها بطاعة الله المشكلة اني ذي اي واحد خاطب بنت نفسه يتأكد انها بتحبه ومش بتفكر فغيره
انا شفتها ه مرات والمرة الاخيرة بعد تحايل مني لاني قلتلها اني نسيت شكلها فسألت واستأزنت اهلها وكشفتلي وشها وكان يوم عيد وده بعد تحايل مني
المهم انا عن نفسي حبتها لاخلاقها العالية معايا واحترامها ليا وبتعامل امي وابي معاملة كويسة وكمان بتكون مبسوطة لما اكون هناك عندهم
مع الوقت بدأت احاول اعبر عن حبي ليها بكلام حلو وقلتلها اني بحبها بس المشكلة انها مش بتبادلني نفس الكلام مفيش مرة قلتلها كلمة ذي بحبك مثلا او وحشتيني وقالتلي وانا كمان ( بس بصراحة بتكون مبسوطة لما بكلمها في التليفون ولو قعدت كذا يوم متصلش الاقيها تتصل وتسألني مش بتتصل ليه )
انا قلتلها الكلام ده كان ردها انها محرجة تكلمني كلام حب وكمان ان احنا لسة اجانب عن بعض وانها هتعوضني بعد كتب الكتاب ايه رأيكم في الكلام ده ؟؟؟ المهم انا اخر مزهقت لان الموضوع ده ضايقني جدااااا قلتلها انا مش هتكلم تاني اي كلام فيه حب الا بعد كتب الكتاب واتفقنا علي كده
المهم انا جيت فمرة بقولها اني بحب اسمع صوتك انتي كمان مش بتحبي تسمعي صوتي ؟ قعدت ساعة تهرب من الكلمة بحجة انها محرجة وانها ملتزمة بطاعة الله المهم انا اتخنقت جدااا وحلفت اني مش هكمل معاها الا لو اتأكدت فعلا انها بتحبني وده حقي المهم بعدها لاحظت انها بقت تتصل بيا اكتر وبقي كلامها معايا اكثر مرونة انا الصراحة اتعصبت عليها كتير وهي مفيش مرة قابلت العصبية بعصبية زيها هي بتستحملني فكل مرة
اكتر مرة اتنرفزت عليها لما بتقولي عادي انها تسلم علي ابن خالها او هو يسلم عليها فحدود الادب انا غيور جدا علي فكرة وبالاخص انها صارحتني
ان رقمها مع ولاد خالاتها لان هما ساعات يتصلوا بامها ولو امها تليفونها مثلا مقفول يتصلوا بيها هي وبترد انا اضايقت عليها جدا وقلتلها غيري رقمك ومينفعش كده قالت خلاص لو هتزعل مش هعرف حد رقمي بعد كده بس هي بتقول انها من زمان مش بتكلم اي حد غريب حتي لو كان قريبها ( وهي مش بتدي حد رقمها الا صاحبتها او خالتها او اخوالها او اعمامها ) المهم لاقيتها سمعت كلامي ولغت رقم من ارقامها كانت اديته لقرايبها وهتغير الرقم التاني عشان مزعلش وهي بتتكسف اوي علي فكرة وهما ناس صعايدة علي فكرة
هي كذا مرة تقولي لو انا مش عوزاك مكنتش وافقت عليك وانها رفضت شباب كتير ميسوريين ومتدينيين بس هي ارتاحتلي ايه رأيكم ؟؟؟؟ افيدوني الله يكرمكم هل هي بتحبني فعلا وهل هكون سعيد معاها ؟؟؟؟ وهل المفروض اضغط عليها انها متتعاملش نهائي مع حد حتي لو كان ابن خالتها ؟؟؟
انا بضايق جداااااااااااا لو حد من اولاد خالتها (شاب) سلم عليها بالاسم وهما متجوزين علي فكرة وهي بتقولي انها ملهاش زنب ان حد يسلم عليها و عشان صلة القرابة لازم ترد بس الكلام ده حصل قدامي مرة من جوايا اضايقت جدااا بس مبينتش
انا غيور جدا وهي بتقولي انا معملتش حاجة غلط انا بقولها لازم تراعي اني بغير عليكي بس هي مراعاة لاستمرار العلاقة بينا بتسمع كلامي بس بحس انها من جواها مش مقتنعة اوي
الله يهديكم ايه رأيكم البنت دي بتحبني ؟؟ انا سألتها كذا مرة تقولي عندك شك فكده عشان متزعلش بقولها لا معنديش طبعا
وايه حل مشكلة اني بقولها كلام مجاملات كتير وهي مش بترد بحماس او مش بتعرف تقول كلام حلو ؟؟
هل ده دليل انها لسة محبتنيش اوي ؟ وهي البنت لو حبت شاب فعلا حتي لو ملتزمة بتقوله كلام حلو زي بحبك مثلا او مقدرش اعيش من غيرك غصب عنها ؟؟
وهل فعلا ممكن بعد الجواز تكون باردة جنسيا ؟؟ وهل ممكن مترضنيش بسبب كسوفها الذائد؟؟
(للعلم انا خاطبها بقالي 6 شهور)

وشكرا لكم

سيد علاء حبيت اوضحلك انك بمعاملتك هذه لخطيبتك سوف تؤدي بعلاقتكم الى طريق مسدود واذا حبيت تتطلع على مشكلةقراتها وتابعتها من قبل ولكن كقارئة فقط لمشترك هنا بنفس مشكلتك هو فارس مها اقراْ مشكلته واقراء اراء الاخوة الاعضاء ونصائحهم له سوف تعرف انك تستخدم الاسلوب الخاطئ للتعبير عن حبك وان وضع خطوبتكم بغير عقد شرعي وتريدها ان تبادلك كلام الحب والغرام خاطئ وانت متسرع في بحثك عن مشاعرها تجاهك في هذا الوقت القصير لخطبتك وانت اعترفت في سياق كلامك انك بتجاملها في الكلام يعني لازم تعطي مشاعرها فرصة ومساحة كبيرة لكي تتعرف على شخصيتك وتبادلك مشاعر الحب ولاحترام ولاتضغط عليهاباستجداء شيء منها رغم عنها واترك كل شيء ياتي بوقته يكون اجمل وافضل ولا تملي عليها قائمة بممنوعاتك وهي مازالت في منزل والدها بحيث انها لاتفعل شيء حرام وانها ترد السلام على من يسلم بالكلام خصوصا" انها منقبة ومتدينة وذات خلق ودين كما تطرقت في السابق
واسال الله ان يتمم جمعتكم على خير

__________________
"رب اجعلني مقيم الصلاة ومن ذريتي ربنا وتقبل دعاء "
ربي ارزقني بفرحة قريبة تغير بها مجرى حياتي
لا اله الا انت سبحانك اني كنت من الظالمين

يا اخي الله يهديك ..
البنت بتحبك موووووووووت .. و لكن دينها يمنعها من ذلك و يجب ان تحترم ذلك و تدعمه .. و لا تجرئها علي معصية الله عز و جل بل كن داعما لها في ذلك ..

اما موضوع ولاد خالتها .. و رقمها الذي معه .. فانا ليوجهة نظر في ذلك ..
ولاد الخالة اخوات لها و لكن اخوة منقوصة .. ما ينقصها هو الاتي :
- الا يخلو بها
- الا تكون علاقة صداقة .. دردشة و حكاوي و خروجات و مزاح و ضحك
- الا تظهر عليه الا بحجابها الكامل
- الا تكلمه الا لضرورة
- الا تسلم عليه باليد
- الا يناديها باسم دلع او تناديه باسم دلع
- الا تجالسهم في مجلس مختلط .. رجال و نساء .. بل تجلس مع النساء فقط بشكل منفصل وتستطيع ان تتحجج بنقابها او من اجل انهن ياخذن راحتهم في الكلام بعيدا عن الرجال ..

طالما التزمت بهذه الامور .. فابن الخالة اخ (ان كان محترم و ملتزم) و انا كرجل ليس من مصلحتي علي الاطلاق عزل زوجتي عن من يحبها .. فقد اموت يوما ما .. فمن يقف بجوار اهل بيتي و اسرتي .. او قد امرض مرضا شديدا فمن يقف بجواري انا شخصيا .. لماذا ارفض مساندة عائلة زوجتي (طالما محترمين) ؟؟
من المفروض ان اكون واثقا في زوجتي تماما .. و اولاد خالتها هي تعرفهم قبلي .. فلو كانت رأت منهم ما يسوء لكانت غيرت رقمها دون حتي ان اطلب انا منها ذلك
الحالة الوحيدة التي ممكن ان اطلب منها ان تغير رقمها هي لو ان اولاد خالتها لم يكونوا مقتنعين بالمحظورات التي ذكرت .. و يتصلون بها للدردشة .. فهنا فقط يجب عليها تغيير رقمها .. او اعطائهم رقم دائما مغلق حتي لا يغضبون منها و تتأثر علاقتهم بها ..

اما بالنسبة لخوفك من برودها الجنسي بعد الزواج ..
فصفات خطيبتك (ادام الله بينكما الخير ) تجعلك تحبها .. بل تعشقها حتي النخاع ..
و من يحب بصدق .. يعشق كل ما يمت لحبيبه بصلة .. تعشق شكل عينيها (و ان لم تكن جميلة ) تعشق شكل انفها .. تعشق شكل اسنانها .. اصابعها .. و هكذا .. تعشق كل هذا (و ان لم يكن جميلا في اعين الاخرين) لانه يخصها .. فقط لانه يخصها ..
و هذا سيحدث ايضا في كيفية ممارستها للعلاقة الخاصة .. فستعشق طريقتها .. لانها طريقة حبيبتك الغالية .. فالمحب يمارس العلاقة الخاصة لانها ستكون مع حبيبته .. يحب العلاقة الخاصة لانها ستكون معها ..

صدقني .. انت لم تحبها بعد ..

واضح انها تحبك
بعدين اخي الفاضل
كثير من البنات احتكاكهم بالرجال قليل أو معدوم
وخلال فترة قصيرة تقولها اولي لي بحببك "دا كلام" أنا لو منها حعمل زي

لكن زي ما أولت هي بتحبك اوي ودا واضح جدا من كلامك

ربنا يخليكم لبعض

شكرا لكم علي ردودكم متشكر اوي همسة فرح ومتشكر اوي رجل حليم بس احب ابين حاجة انا لاخت همسة فرح انا مش بجاملها والله انا بقولها احساس انا فعلا حاسه بس انا قصدي لو هي مش قادرة تقول كلام حلو عالاقل تقولي كلام مجاملة زي وحشتني مثلا زي انت منورنا خلي بالك من نفسك ................. الخ مش اكتر
وبخصوص الاخ( رجل حليم) متشكر طبعا عالاهتمام بس فيه نقط عاوز اوضحها انا بقولها بلاش تكلمي قرايبك غير المحارم ليه ؟؟ ده من باب الغيرة مش من باب عدم الثقة بيها والغيرة دليل الحب صح ولالا ؟؟ وكماان هي ملتزمة بالاداب الشرعية طبعا بس انا مش واثق فالطرف التاني لاني معرفوش وبعدين اصلا اي حد عموما لو بيحب واحدة هيغير عليها جدا
انا معاك ان الغيرة الذايدة مش كويسة برده بس انا من حقي اكون كل حياتها وده شئ ميزعلهاش انا الحمد لله واثق اني بحبها
بس ال مخليني محتار هل هي بتحبني اوي زي مبحبها ؟؟ و اسف ايه دليلك انها بتحبني موووووووووووووووووت ؟؟

يا أخي الله يصلح حااك
الشيطان سوا له كرسي في مخك ومتربع عليه وجالس يوسوس لك
إنت مستسلم لوساوسه.
خطيبتك مؤدبة وعاقلة وتراعي الله وتحبك وماتبغى تخسرك..
هي بين نارين ،، كيف تجاريك في كلام الحب وانتوا لسة ما ملكتوا،،،،، وبين أنه نفسها تعبر عن مشاعرها لكنها ممتنعة استحابة ﻷمر الله.... مع إنه الصحيح المفرةض مايكون بينكم كلام إلا في الضرورة هذا شرع ربنا ووتجب علينا الوقوف عند حدود الله،،،
لا تمكن ابليس أكثر مما تمكن منك ﻷن همه التفريق.

انها تنفذ كل طلباتك .. بتخاف علي زعلك .. بتحاول تتقرب منك و ترضيك .. بتتصل بيك كتيررررر
و كل هذا دلائل انها بتحبك ..

امين اخت مبتعثة سعودية شكرا لكي عالرد شكرا اخت مكلومة فعلا ممكن تكون وساوس شيطان & شكرا اخ رجل حليم
امين اخ متفائل احترم ارائكم جميعا شكرا لكم علي الردود ربنا يكرمكم