السلام عليكم ورحمة الله تعالى وبركاته
احبتي في الله انا متابعة لمنتداكم الجميل من فترة واشوف النصايح الاخوية الصادقة بينكم اسال الله ان يجعل ما تقومو به في ميزان حسناتكم انا راح احكيلكم عن مشكلتي واتمنى تساعدوني بحلها واتمنى من الله ينتهي هذا الكابوس اول شي انا عمري 23 وزوجي 30 تزوجنا زواج تقليدي وكانت الملكة سنة و3 شهور من اجمل واحلى ايام العمر وصارلنا الان متزوجين 10 شهور بالرغم من الاختلاف الجذري بشخصياتنا الى اننا حبينا بعض جدا من هذي الاختلافات ان الوالد الله يعطيه العافية كنا وثقته الكبيرة وكان دائمن يترك لنا الاختيار فيما يتعلق بامور حياتنا هو كان مسيطر غيور يحب الامتلاك تعبت معاه بالبداية لكني تعودت عليه وتوصلنا لحلول ترضينا نحنا الاتنين ما تتخيلو كمية الصبر والمسايسة الي ابذلها عشان حياتي معاه تمشي تزوجنا وعشت معاه ببيت اهله وكنت انا طفلته المدلله وزوجته وحبيبته وكل شي بحياته بالرغم من عصبيته وغيرته احيانن لكن حتى كان لما يسوي شي يزعلني على طول يراضيني وانا من النوع البسيط الي ما احب اكبر الامور خلاص بكلمة بضحكة خلاص رضيت زوجي كان انسان كرررريم والكل يشهدله وحنون وطيب ومستقيم ويصلي ويخاف الله ومو راعي حريم وخرابيط وانا حتى لو اشوف بعيني ما اصدق فيه المهم تزوجنا واول فترة مرت حلوة وعسل وحملت على طول لكن الله ما اراد واجهضت البيبي والصراحة كان واقف جنبي وخايف عليا وما يبى مكروه يصير لي بعد فترة اخته تطلقت وجات عندنا وكانت تشوف تعاملنا لاي درجة كان راقي مع بعضنا الغيرة احرقت قلبها وصارت هيا وامها طول الوقت يملون في قلبه عليا انتا مو برجال انت خروف مثل اخوك انتا مرتك تمشيك بكيفها انتا تصرف عليها كانك مسحور انت تعبدها ومن ها الكلام واحيانن كان ينقال قدامي لكن انا كنت اطنش او اسحب نفسي بهدؤ والان انا حياتي صارت والله العظيم جحيم لايطاق يطلع ويتركني حابسني بالبيت بالشهور لو بكيت وانقهرت طلع ولا حتى قال كلمة طيبة ويرجع اخر الليل يبي حقه ويجيني كالبهائم اكرمكم الله بدون مداعبات بدون ملاطفات اعترضت وتكلمت معه مرة واتنين وعشرة كل مرة يقول يتغير ولا شي كان يحاول لكن مرة واتنين ويرجع لحاله احس احيانن يشعر بالذنب لانه كذا صار يعاملني بس يرجع وكم مرة قالي انا احس نفسي ضعيف قدامك واكره هذا الشي في نفسي متغير متغير ياناس مو هو الي انا احبه طول الوقت جالس بعيد عني مشغول في الواتس او النت ويخبي جواله عني ما يسولف ما يتكلم ما كاني موجودة ياما تكلمت معاه وحاولت اعرف سبب لهذا كله النتيجة الي توصلت لها انه يبي بس يثبت لاهله ولاخته انه يقدر يذلني فقط رافض اني ادرس رافض اني اشتغل رافض حتى يصرف علي الريال ما يعطيني اياه الا بمضاربة وزعيق وحرقة قلب انا بنت ناس وبنت عز ومو متعودة على تصرفات الناس الجيعانين بصراحة تغير تغير وانا محتارة وكنت قد اخذت في داخلي قرار الانفصال لكن الله كتبلي وحملت وكان سعيد جدااا بهذا الحمل وطاير وتغيرت معاملته شوي بس اخر شي صار بيني وبينه قلت له حبيبي تعال جنبي كنت مشتاقتله والله لاني كنت رايحة اجلس عند اهلي وهو بيسافر عنده عمل قالي انا مو فاضي وجلس يصرخ قلت له خلاص طيب لاتجي جنبي ما ابيك خلاص لاتجي وانا خلاص ما قدرت قلت له انتا مدمن نت واتس وحجات تافهة وماعندك اي اولوية بحياتك لاي شي قام قالي ايوة ابكي زي عادتك لكن يكون بعلمك انتي مو حقت حمل ولا ولادة ولو نزل هذا الطفل حطي ببالك انها اخر مرة وبعدها بننفصل طيب انا ويش ذنبي والطفل الاول نزل بسبب فايروس هو تسببلي فيه من الجماع انا قلت له لو خسرت هذا الطفل بخليك تعاني الين تموت لانك عديم احساس ومسؤولية روح كمل وطلعت وتركته كرهته كرهته وما ابى اكلمه ولا حتى طايقة ريحته ولا ريحة البيت بس كنت متحملة وجايا على نفسي ولا بينت له انه وحمي فيه

أختي سبب مشاكلك كلها هي السكن عند اهله الأفضل تنفصلي في السكن عنهم وإذا رفض تدخلي ابوك إنه سبب مشاكلك هي السكن عند اهله طالما كان كويس بشهادتك الله يكون بعونك ... وعلى فكرة الآن مع الوحم راح تزيد حساسيتك جدا وبالتالي تكبر المشاكل فانتبهي وحاولي تضبطي أعصابك .

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

هلا حبيبتي أنا الان جالسة ببيت اهلي ولازم ارتاح راحة تامة ونفسيت تعبانة بسبب كلامه وتصرفاته وهو موافق نسكن ببيت تاني مادياته ماتساعد حاليا

كل الازواج يتغيرون بعد اول شهور الزواج
يعني ثلاث اربع شهور ويتغيرون
لكن انتي شوفي وش الاسباب
مع اني ماابغاك تشغلين نفسك بهالامور حاليا لانك حامل
اهتمي بنفسك وبطفلك ( هذا واجبك حاليا)
واي شي ينقصه عليك وكان ضروري الله يعينك انتي حاولي توفرينه لنفسك بدون شوشره ومشاكل
سواءً ماديات او مشاوير
وبعد ماتولدين وتخلصين نفاس ابدي اهتمامك فيه وحلي كل مشاكلك

مشكلتكما في السكن مع أهله.. وهذا لا يجعله يتغير للأحسن
ولا يمكن الزوجة من تغيير بعض عادات زوجها للأفضل
فالزوج بهذا الشكل لم يتغير في حياته شئ فالمنزل نفس المنزل
والسكان هم نفسهم ولا جديد إلا الزوجة..
وإن حدث تغيير فلن يكون من صالح الزوجة على الإطلاق
فهو مراقب طوال الوقت .. ويومه مجدول كما تريد عائلته
متى يذهب ومتى يعود ومتى يجلس معهم حتى وإن لم يصرحوا بذلك
وهو ليس لديه استعداد في أن يشق عصا الطاعة لحاجته إليهم

وعليكم السلام ورحمة الله وبركاته

ماهوسبب سكنكم مع أهله هل ضعف أحواله الماديه فلا يستطيع استئجار منزل ؟
من البداية كان أفضل لو اشترطتي وجود سكن مستقل درءا للمشاكل لإنه أهل الزوج مهما كانوا كويسين
بلحظه وحده يقلبوا وتشوفي وجههم الثاني وتعامل زوجك لم يختلف إلا بعد مجيء أخته لإنه زوجك بالأصل طيب
وكريم الخلق معك
الغريب فعلا أن يلقب بمن يكون طيبا كريما حنونا على زوجته بالخروف
طبعا هاللقب منتشر بقوووة ويدل على ضيق فكرهم وثقافتهم
عالعموم حاليا إنتي حامل ومع الوحام تتغير نفسيتك وتفكيرك مارح يكون متوازن
هدي الأمور بينكم واهتمي بالجنين
اقترحي عليه فكرة الإستقرار حتى لو شقه صغيرة غرفه ومنافعها لو رفض
وان قدرتي تدخلي أحد عاقل يتوسط بينكم بهالشي يكون أحسنا

موفقه عزيزتي

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

يعني ايش اسوي اطنشه أنا اصلن مالي خلق اشوفه بس أنا اخاف بيتي يتخرب ولاعاد اقدر اصلحه لأنه هو عنده مبداء ان الرجل بدون حرمة مايعيش يعني ايش ممكن يملي ها الفراغ بايش

أختي زوجك يحاول يثبت رجولته أمام أخته و أمه بسبب إستفزازهم له و الحل الوحيد أنكم يكون لكم سكن مستقل حتى تتخلصوا من الضغوط للي عليكم و لو إضررتي تسكنين في غرفة و صالة المهم راحة البال و إن شاء تسترجعين حنية و إحترام زوجك ﻷنه أصله كذا، و لازم تحسسيه أنه كلما كان شهم و طيب معك يكبر بعينك و تقدريه و تحترميه و ليس العكس، لكن أولا إرتاحييييي و اهتمي بحملك ثم بعد ذلك فكري بموضوع السكن. و ربي يخفف عنك و يجبر بخاطرك و مبروك عليك الحمل و الله يتمم عليكي بالخير و يجعله ذرية صالحة.

بالضبط وهذا الي حاصل بحياتي ليش توديها وليش تجيبها ليش تعطيها يبونه يحرمني من كل شي والمشكلة انه امه من قدامي أنا حبيبتها وبنتها ومن وراي شغالة تسليط في ولدها والله اني انعدمت من شخصية زوجي وكارهته

اهلن بكي حبيبتي سبب سكنيا مع اهله انه شخص اتكالي وما يرفض انه المصاريف تقل عليه زائد ان والدته ماتفرط فيني تحبني زي بنتها كانت لكنه تغيرت والسبب غيرة بنتها الله لا يوقفها وين ماراحت هو ماعنده مانع لكن يقول قدام شوي مو الان ننقل من البيت