السلام عليكم ورحمه الله وبركاته
لا تنسون زكاة اموالكم وزكاة الفطر
طهروا قلوبكم قبل العيد
تصدقوا
دعواتكم لاخواننا بسوريا الحبيبه

سؤالي سؤال مصيري واتمنى يارب ما ياثر بشكل سلبي على الاخوات
طرى علي هالسؤال بعد قراءتي لموضوع احد الاخوات اسال الله ان يكتب لها الصالح في امرها


الزواج مش لعبه ميثاق غليظ
وفيه امور وتنازلات وتضحيات عشان المركب يمشي
لكن بالجهه الاخرى فيه امور لايمكن التغاضي عنها يعني

اقرى قصه وحده تطلقت بعد 20 سنه مثلا والقاها تقول ليتني تركته من اول شهر ضيعت عمري معاها

ماهو الوقت المناسب للهروب من الزواج قبل الندم

دعواتكم لي بزوج اربطه ومايهرب مني ههههههههه
و مسائكم فيمتو

الاستخارة بكل الامور


واحسن حل برأيي هو الدعاء

الدعاء والثقة بالله وحسن الظن به تغير خط حياة اللنسان باكمله

عن تجربة شخصية

زوجي كان وين وصار وين

كنت حتى الكلمة لما اقولها يفسرها غلط ويعصب علي

والحين حتى لو اسوي ما اسوي ياخذها من باب الدعابة او يحط لي الف عذر


يعني اذا الله كتبلك وتزوجتي خليك ملتزمة بالدعاء

واساسا ادعي من الحين وبكل وقت مو بس وقت استجابة الدعاء

متى ما حسيتي نفسج فاضية ادعي

وصدقيني ماراح تلقين الا اللي يسرج

__________________
لا اله الا انت سبحانك اني كنت من الظالمين

موهبه
كلامك جميل
يارب يكتب لنا الخيره بكل امورنا

الناس قدرات وطاقات
وكل وحده لها قدرة تحمل تختلف عن الاخرى
وقت ماتحسين انك كبرتي اكبر من عمرك عشرين سنه
وقت مايكون زوجك يفتنكي في دينك
ووقت مايكون الحزن والهم اكثر شي في حياتك
انا اشوف هذا وقت الهروب

ووقت ما قلبك وعقلك يتفقون مع بعض ويقولون لك خلاص ، لهنا وكفاية

بنهرب قبل ما نخلف منه ونجيب اولاد وبعدين نبتلش معاه واخلصي اذا بتقدري تخلصي

__________________
انا لله وانا اليه راجعون

تدرون ما حد يهرب من قدره

وقت الهروب لما تصير امور فعلاً تستحق الطلاق

وبنفس الوقت لما تكون الزوجه متقبله فكرة الانفصال
لان مرات قد تحدث امور تستحق طلب الطلاق ولكن الزوجه ما تبي تخسر بيتها او عيالها ويمكن ما تلقى من يتزوجها فتقول ظل راجل ولا ظل حيطه

بس مو تطلب الطلاق وتندم بعدين لازم درس الوضع من كل الجوانب

انا الان نفس الوضع ما أفهمها الا غلط وهي نفس الكلام واياي !!!
برايك مع الوقت يتغير حتى التفاهم .. لي سنة ما تغير وصار للاسوء بعد مع عدم تقبل الدعابات من الطرفين