انا كنت متزوجه سبع شهور وتطلقت وبعد خمس سنوات طلاق ربي عوضني وتزوجت من جديد بمطلق مو من قبيلتي وقلت اكيد انفتح لي ابواب كانت مقفوله سويت زواج كبير وحفل زي اي بنت ورحت مع هذا الزوج سافرنا ممكن اربع ايام وبعدها رجعني ببيت اهلي بحجه عندي دوام ولسى ماستأجرنا بيت وتركني اكثر من شهر وبعدين حاولت فيه ودزيته يمين وشمال لين ماستاجرنا شقه ولا تأثث فيها غير غرفتين ليومي هذا والمطبخ لدرجه ابوي دايم يهيني يقول شوفي قيمتك كيف حتى اثاث ماعندك ماعلينا ليت الامر واقف على الاثاث لكن من استأجرنا الشقه عشر شهور يوم يومين بالشقه وباقي الايام ببيت اهلي حتى مكالماتي مايرد عليها فاتحته ماتبيني علمني مو اضيع وقتي وعمري معك يقول والله ابيك وانتي وانتي الى اخره بعد العشر شهور رجع عندي وقال ماقدر اداوم لعملي شي يمنعني وخوف غير طبيعي ماقدر ادخل من باب الدوام واخذت اجازه استثنائيه لمدة شهرين طبعا ليش رجع لي هالمره لان ماعنده فلوس وبدون راتب وانا موظفه صبرت عليه ورحنا لراقي فاضل قرأ عليه وطلع مسحور ونطق الي فيه وماكمل العلاج لان ماحد وقف معه من اهله .. صبرت ادفع الاجار واغراض البيت واحتياجاتي واحتياجات ومتحمله فوق طاقتي عل وعسى تتحسن الامور .. مايقدر يخرج لسفر ولا لسوق ولا مستشفى اذا احتجت ابقى بالبيت وموقفه اموري معه يحس بخوف حتى من الشارع وبرضه جوات البيت وساوس وافكار مسيطره عليه الله يشفيه وخفقان بقلبه ليل نهار .. خوف وعقله شارد وافكار جايبه له هلع حتى وهو بوسط بيته .. من اسبوع سافر يقول بتعالج عند شيخ والله مايرد على علي لو اتصل الف مره ولو ارسل الف مره اعاتبه برسايل ولا كأني مسويه شي ماألاقي رد بموت بموت من القهر .. من يروح من عندي حتى اتصالتي مايرد عليها .. انا بدون اطفال وسويت تحليل انا وهو انا سليمه وماعندي مشاكل وطلعت عنده الحيوانات المنويه صفر بالسائل المنوي .. يعني محرومه من الاطفال وزوج مريض مايلبي احتياجاتي والله اني مهمومه ولا ادري وش اسوي مابي اتطلق للمره الثانيه وابي اطفال احبه احبه احبه بكل مافيني ولا ارتاح الا جنبه رغم ا لتقصير دعواتكم ربي يشفيه .. هل طلاقي ورؤية مستقبلي افضل من البقاء معه ..اموري محتاسه من شفته ومستقبلي ضايع .. مع العلم للان سنه جالس بالبيت وانا متحملته غير المشاكل الي مسببينها اهلي عشان اصرف عليه ابوي يبيني اتطلق منه .. لو تطلقت ماحد بيتزوجني واصير منبوذه كل ماتذكرت اتعب دعواتكم لي وله وابي رأيكم ومشورتكم

الله يفرج همك ويفتح لك ابواب الخير

حبيبتي الله كله خييير

ماسبب تطليقه لﻷولى؟

هو كان مريض من قبل الزواج ولا بعدما تزوجك؟ربما يكون هذا سبب انفصاله من زوجته السابقة.

ربما زوجك مريض نفسيا وهذا صعب تعيشين معه،،ورحمة من الله لم تنجبي.

أنصحك اثقلي عليه ولا تلاحقيه بالإتصالات والرسائل،،، وأعطيه فرصة محددة يتعالج،،،بعد انقضاء االمدة

إذا انصلح حاله فالحمد لله،، وإن لم ينصلح فاستخيري في الطلاق،،والطلاق ليس شر ولا سوء،،ولولا أن فيه

خير ومصلحة للناس لما شرعه الله تعالى...

الله يفرج همك ويصلح حالك.

لاحول ولاقوة الابالله
الله يفرج همج ياختي
بس هذا ثاني زواج لج والله مفهمت مشكلتج

__________________

الله يعينك
والله مدري وش اقولك اوقفي معه وتحملي لوجه الله
بس لا راح من عندك يطنشك
اخاف يكون قاعد يستغلك
اختي الاطفال ملح الحياة
انتي سددي وقاربي اذا استمر الوضع كذا لا تضيعي حياتك
واذا تطلقتي للمرة الثانية وش المشكلة ترى لا تقعدون تشيلون هم الناس وش بيقولون
اعرف وحدة من جماعتنا تزوجت 8 مرات
ورست على ورست على الثامن هو الي عدلها ولقت معه راحتها وسبحان الله ماخلقت الا من الاخير
وهي سليمة وهما كانوا سليمين
استخيري لا تقعدي شايلة هم الاجار والصرف كنك رجال
كان بتعالجينه لوجه الله وتشوفي حياتك بعدين فلك الخيار
بس شاوري رب العباد
الله يسهل امرك

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

اوقفي جنبه ولا تتخلين عنه وهو في امس حاجة لك انت قلتيها هو مسحور يعني اعذريه اذا مارد عليك يمكن بسبب السحر الله يشفيه ويشفي جميع مرضى المسلمين ويرزقك الذرية الصالحة الي تسعدك بالدارين وياجرك على صبرك

بفرض واقول بفرض ان مشكلتك فقط هي انه مسحور ولا يمثل عليك الخ. فمشكلتك مسالة وقت لا غير اذا اعانك اهل الصلاح فتكفل احد الخييرين بجلب معالج راقي له حتى يشفى باذن الله . وهذه الامور بالذات تحتاج الى اخلاص وتوكل على الله بالذات ثم دعاء والحاح . ينبغي عليك ان تطلعي على الرقية الشرعية مع ان عملية الشفاء ربما تاخذ وقتا وجهدا كبيرين.

أختي عليك بالصبر زوجك مسحور والسحر مو هين أصبري اعرف ناس كانو كذا ومن الله عليهم بالشفى زوجك محتاجك اللحين مو في عز أزمته تروحين وتخلينه لك اجر وأرجي ماعند الله من خير والمريض يبغاله صبر الله يعافيه تراها غصبا عليه اسأل مجرب

__________________
(اللهم يا سامع الصوت يا كاسي العظام لحما بعد الموت أسالك رضاك والجنه)