بسم الله الرحمن الرحيم
كيفكم يابنات وياحريم في البدايه أعذروني لو صار شوي خربطه بالموضوع
لأني داخله من جوالي ماعندي لأب توب
أنا كتبت موضوعي هذا بمنتدى آخر بس
مالقيت تفاعل من الاعضاء يبرد على قلبي
وحبيت أخذ آرائكم ونصائحكم وأيضا دعواتكم
وياليت جنس الرجال يتفاعلوا معي أكثر لأن
أبي أعرف نظرتهم لهالامور بحكم إن المشكله
مع زوجي ..
أنا كل شهر شهرين تحصل معي مشكله جديده مع زوجي ويوديني بيتنا ويتركني شهر أو أكثر ما يسأل ؤبعدين يتنازل ويجي يرجعني وعلى هالموال من تزوجته يعني ماعمري حسيت انه
كملنا 4 شهور بدون مشاكل
بس المره هذي والله مشكلتي مشكله أكتبها بصدمه وقهر وحزن ..
باختصار كانت لي تجربة زواج سابقة وانتهت بالخلع بسبب مشاكل
ولأني كنت صغيره وكانت مدة زواجي 3 شهور بس وعانيت مشاكل نفسيه
مايعلمها إلا ربي .. ودعيت ربي يعوضني وبعد 3 سنوات تقدم لي شخص
ارتحت له كثير وتم الزواج وكنت مبسوطه أن ربي عوضني واني راح أبدا
حياة جديده بس يأفرحه مأتمت بعد زواجي ب شهر صارت مشكله بسيطه
زوجي شاف رساله بجوالي ماادري كيف وصلت ولا أدري كيف جت وفهم
من الرساله اني على علاقه مع شاب وصارت مشكله كبيره وجلست أبكي
وافهمه أن مالي ذنب وانه ظلمني وعانتي كثير كثير والمشكله زوجي بعد
قبل لا يرتبط فيني كان توه مطلق زوجته وكان خلاص بيطلقني انا بعد
بس اللير رده كلام الناس ؤش بيقولون عنه وحبسني في البيت فتره
وصار يعاملني بقسوه ؤبعدين وداني لأهلي وبعد فتره أمي حاولت تصلح
الأمور ورجعت لزوجي بعدما تقفلت الدنيا فوجهي.. وقال انا سامحتك
وبحاول إنسئ والحمدلله استمرت حياتي رغم اني حسيته صار شكاك
ويراقبني بس كنت متوقعه يصير كذا وطنشت وعشت معاه خمس سنوات
فيها أيام حلووه وأيام مشاكل مثل أي زوجين وكنت اتحمل وأصبر
وخلال هالفتره يعلم الله ؤش كثر حبيته وتعلقت فيه وماكنت إشوف
إلا هو بحياتي لدرجة إذا زعل مني مااتحمل ولا أقوى زعله رغم تقصيره
معي وفي الفتره الاخيره لاحظت زوجي صار متغير علي خصوصا
انه صار يحط رمز قفل لجواله ويجلس كثير عَ الجوال المهم اكتشفت
انه يراسل بنات ويتواصل معاهم وإذا صارحته يقول عميلات في البنك
ؤمدري ؤش .. وكانت تصير بينا مشاكل لأني ماكنت مقصره معاه أبد
وكنت استغرب ليه يروح لغيري ؤش ناقصني وكتمت بقلبي عشان بنتي
المهم يوم كنت أتواصل مع وحده من صديقاتي وكنا نسولف ونضحك
ونفرفش وفجاه دخلنا بسالفه شباب ومراسلات ومع الكلام قلت لها
باستهبال ومزح انا لوما زوجي كان ضفت بالبلاك بيري نص شباب
الرياض وربي عالم اني قلتها يحسن نيه ولا قصدي فيها شيء
وكنت دائما أمسح المحادثات بحكم أن زوجي شكاك وكذا إلا هالمره
غفلت عن جوالي وماحذفت المحادثه وجاء زوجي وجلسنا مع بعض
نسولف ونضحك وأخذ جوالي وفتش ؤشاف المحادثه وبعده تغير وجهه
وصارت مشكله وحاولت افهمه أنها مجرد مزحه واني مااقصد فيها شيء
وجلست أبكي بحررقه وإحاول اقنعه بس للأسف مافاد معاه وسمعني
كلام وتجريح وقال أصلا أنتي من يوم يومك مالك أمان وأنا صبرت قبل
قلت أعطيك فرصه بس طلعتي وحده مالها أمان أنتي خلاص ماعاد
تلزميني والجنين اللي ف بطنك روحي الحين نزليه ماعاد أبي منك عيال
يشيلون اسمي يكفيني هالبنت انا وقتها انهارت أعصابي وقلت له حرام
عليك خاف ربك والله انك ظالمني انا أدري الكلام اللي قلته كبير بس
ربي عالم بنيتي ولو اني صدق حقت لعب ولف دوران مافكرت اجيب
منك عيال وأافتح بيت وأنت كل يوم تروح للدوام الصبح وماترجع
إلا عَ ألمغرب لو أبي اسوي شيء أقدر اسويه بس خلاص انا مقتنعه
فيك ومقتنغه بحياتي وقلت له كلاااام كثير بس ماسمع مني وقال
خلاص لا تكثري كلام هي وحده من الثنتين ياتنزلي اللي في بطنك
ؤبعدين نتفاهم يا تنقلعي عند أهلك وورقة طلاقك بتوصلك وأنا كنت
حامل بالشهر الرابع الهمه أسبوع أحاول معاه مافيه فأيده اخر يوم
قال أنتي ماعندك كرامه ؤانتي ؤانتي يلا الحين قرري تروحي معاي
تنزلي الجنين ولا يلا دقي على أحد من أهلك وورقتك بتوصلك
بعدها حسيت خلاص مافيه فأيده كلمت إخوي وجمعت كل ملابسي
واغراضي واغراض بنتي وقلبي محروق ودمموعي زي النار على خدي
وجاء أخوي وأتمشكل مع زوجي وصارت بينهم هوشه كبير وصلت لمد
اليد وطلعت من بيتي مكسوره مقهوره مظلومه والحين لي بكمل شهر عند أهلي حالتي مايعلم فيها إلا رب العباد .. وماني عارفه كيف اتصرف
انا اعترف اني غلطانه يوم قلت ذاك الكلام بس الله شاهد وعالم اني قلته
بحسن نيه مجرد مزح مااقصد فيه شيء أبد والله اني أحب زوجي
ومتعلقه فيه ومااتخيل حياتي بدونه والله اني من يوم تزوجته حاطته
بعيوني بس هو للأسف حسيته خلاص وقال انا سامحتك قبل بس
المره هذي غير مااقدر أعيش مع وحده مااثق فيها .. ماادري
أيش اسوي صعب اني أراسله أو اعتذر وأقول له رجعني لأنه صراحه حسيت كرامتي أنهانت ؤكمان هو قلبه جدا قاسي ومايسامح بسهوله ويكابر وكان يقول لي خلي عنك العواطف
وفكري بعقلك نزلي اللي ف بطنك حرام تظلمي عيالك معاك يكفي هالبنت
قلت له ياابن الناس حرام عليك والله ماسويت شيء وش تبي اسوي
عشان تصدقني بس للأسف سكر كل الأبواب بوجهي .. شورو
علي تكفون كيف اتصرف لدرجة أخذ أوراق بنتي شهادة ميلادها
ؤكرت التطعيم انا بوضع جدا مزري ؤحالتي النفسيه سيئه ؤكمان حامل
قلبي محروق ودموعي ماتوقف خايفه يطلقني
يعني حتى لو ألشك دخل قلبه على الأقل بيلاحظ تصرفاتي والعشره اللي كانت بينا هي اللي تحكم وتدل إذا كنت صح راعية لف ودوران ولا لا
مو على طول يحكم علي من خلال مزحه بالجوال انتم تشوفون إن هذا منطق؟
والله ياجماعة الخير ويشهد علي الله فوق
سابع سماء اني كنت محافظه على بيتي وعلى
زوجي وكنت مقتنعه بحياتي معاه رغم تقصيره
اللي ماتتحمله أي وحده في زمنا هذا ،،
أبي منكم دعوات بظهر
الغيب دعوات أن ربي يلين قلب زوجي ويرده لي ردا جميلا
سألتكم بالله لا تبخلو علي بدعواتكم لأني في حاله جدااا سيئه
... أختكم المكسوره ..

ملاحظه : بعد ثلاث أسابيع من وداني بيت أهلي
أرسل لي في الواتس اب يقول دائما
أنتي الخسرانه في الاخير وينقلب كل شيء على رأسك لكن نصيحه لا تأملي سوي الموضوع اللي قلت لك عليه،، {يقصد موضوع اني أنزل الجنين }

لا حول و لا قوة الا بالله

يا اختي هداك الله

للاسف انت فعلا كنت غلطانة و ليس لك الا انك تتحملي عواقب هذه الاخطاء

__________________
لاتضع كل أحلامك في شخص واحد ...ولاتجعل رحلة عمرك وجه شخص تحبه مهما كان صفاته ولاتعتقد ان نهاية الأشياء هي نهاية العالم
فليس الكون هو ماترى عيناك

[img]http://im33.***********/edShu.gif[/img]

اختي الكريمة ..

من سردك يبدو لي ان زوجك تنقصه الحكمة
في علاج مشاكل حياته معك .. والزوج بهذا
الشكل لا تستطيع اي امراة ان تعيش معه بسلام
فلم الندم ؟

تريدين العودة له لحبك له ..
لكن عودتك تعني ازهاق روح بريئة
والاستهتار بنعمة الخالق .. وتعني
ان تعيشي حياة تملئها الشك والريبة

فهل ترضي على نفسك ذلك ؟

بالمقابل .. طلاقك وان كان للمرة الثانية
لكنه يكفل لك حياة اكرم من تلك التي ستعيشينها
معه ..

حقيقة لا استطيع ان انصحك لانه من الواضح
انك تريدين العودة اليه .. اعطيتك صورة مصغرة
للحياة التي ستعيشينها في حال البقاء معه او الفراق
وانتي بالخيار ..

اسال الله ان يرحم ضعفك
ويجبر كسرك
وييسر لك امرك ..

__________________



احيانا يجب ان نفقد ذواتنا كاملة لكي نستعيدها كاملة ...

لا حول ولا قوة إلا بالله ..
ما أدري شو أقول لك إختي الجأي إلى الله وادعي

لكن زوجك ما ينلام بصراحه إنتي الغلطانه .. بالله هذه مزحة تمزحينها؟؟ وفي محادثة في التليفون بعد؟؟ ومع صديقة يعني مو أختك وإلا أمك .. مع إني ما أتصور كيف ممكن وحده تمزح بهالطريقة مع منو ما كان .. كيف رضيتيها على نفسك وعلى زوجك..؟

ما خفتي صديقتك هذه تصور لك المحادثه وتنشرها؟

ما خفتي زوجك من القهر يفضحك ويستخدم هالجمله كدليل؟

إنقهرت عليك وحزنت عليك لكني ما أقدر أجاملك.. سامحيني بس مو قادرة استوعب كيف وحده تكون بهذه السذاجة بحيث تتكلم بهذه الطريقة بعد ان صار زوجها يشك فيها بسبب مشكله من نفس النوع في الماضي ..؟!

لا تنزلين اللي في بطنك .. مهما كان .. الغلطة ما تتصلح بغلطه أخرى ..

الله يهديكم ويصلح حالكم ..

__________________

أختي داماس اعترف إن اللي سويته حماقه خصوصا أنها متعلقه ب مشكلة زمان اللي صارت
وأنا بعدها صرت اهتم كثير من هالناحيه انه إكيد صار يشك فيني
واي زله ممكن بعدها خلاص .. لدرجة كنت أي محادثة أمسحها
على طوووول حتى لو مافيها شيء لأنه دائما يفتش جوالي
وكان يسألني ليه تمسحين المحادثات أقول له كلام حريم ؤش لك
فيه ويسكت مايقول شيء وأحيانا يمزح معاي ويضحك ويقول
خليني إشوف ؤش تقولون .. بس ماادري ليه المحادثه هذي
بالذات غفلت عنها ونسيت أمسحها .. وكل مره أقول ف نفسي
والله لو اني حقت لف ودوران وقلة حياء استاهل اللي صار وربي
أراد يفضحني عند زوجي بس والله كل يوم أبكي لأن قلبي نظيف
وحياأتي نظيفه مع زوجي ليه ربي أراد اني إغفل عن هالمحادثه
وماأمسحها وهو عالم ؤشاهد بنيتي ،، أختي قالت لعلها خيره لك
ولعل ربي أراد لك كذا عشان شيء في علم إلغيب أنتي ماتعرفينه
مدام انك ماسويتي شيء .. بس مااقول غير حسبي الله ونعم الوكيل

لاحول ولاقوة ألا بالله
عزيزتي غلطتك كبيره وكلمتك أبداً مو هينه
مالك ألا الدعاء ان الله يلين قلبه مع ان الوضع لو رجعك راح يكون صعب جداً
لكن أنتي ادرى بحياتك وماهو أصلح لك
أدعي الله ان يكتب لك مافيه الخير لك ولابنائك
ونصيحه لكل الزوجات والأزواج
كم من كلمه تكتب بيننا وبين اصحابنا او اقاربنا
ممكن تكون من باب مزح لكن لو أطلع عليها الشريك
الآخر ممكن تكون سبب
في تدمير حياتك مع الطرف الآخر
لذلك أنتبهواااااااا
الله يفرج همك ويختار لك الصالح

__________________
أشتقت لكم جداً 💔

اول شي انسي انك تنزلين الجنين او حتى تفكرين لأنه حرام
واتوقع انه حاليا مماطل بطلاقك لأنه يستنى انك تنزلين الجنين ( واضحه حركته )


والله يهديك بصراحه كلمتك حتى ماتنقال بينك وبين نفسك فمابالك تكتبينها كتابه
الله ييسر امورك ويصلح جميع احوالك
مالك الا الصبر والدعاء وكثرة الاستغفار

__________________

أختي وابل الندى كيف يماطل وهو يدري اني الحين في شهري الخامس من الحمل
وصعب اني أنزله .. أنا قبل لا اطلع من بيتي وبعد ماصارت المشكله جلس إسبوع كامل
وهو يقول لي ترا أنا حجزت لك عند الدكتوره تروحي تنزليه أبي أصحى الصباح القاكي
جاهزه .. ويصحى الصباح وأنا أكون على أعصابي فجأه ألقاه لبس وطلع للداوم بدون
مايكلمني .. أسبوع كامل على هالموال بالليل يقول لي جهزي عمرك بأخذك للدكتوره
والصباح يقوم يلبس ويطلع .. وكنت أقول إذا هو صدق مصمم اني أنزل اللي ف بطني
ليه يسوي كذا .. كان يقدر يأخذني بالقوه أو يهددني وخلاص .. لدرجة آخر يوم طفشت
لقيته لابس وطلع على طول .. أرسلت له ليه طلعت أنا كنت جاهزه نروح للدكتوره.
{ طبعا أنا رافضه أروح أنزله بس إشوف ردة فعله } راح أرسل خلاص في الليل نروح
يوم جاء الليل قال هاه يلا أدق وأحجز لك قلت له لا قال خلاص يلا شيلي أغراضك
وخلي أحد من أهلك يجيك .. وورقتك بتوصلك يعني الحين ماله حق يطالبني أنزل الجنين وأنا عند أهلي
لأنه خيرني يا أنزله ي أروح لأهلي واخترت أروح لأهلي ..ليه للحين ماطلق ؟؟

الله يكون بعونك اختي وفرج همك
ادعي الله كثيرا يهدي زوجك ليرجعك للمنزل

لا تنزل الطفل الذي ببطنك مهما كان الحال لانه حرام قتل النفس
الله يفرج همك عزيزتي وربنا يجمعك مع زوجك ان شاء الله تعالى

__________________

اللهم فرج همنا ونفس كربتنا يا ذا الجلال والاكرام
اللهم اجعل القرآن العظيم ربيع قلوبنا وجلاء أحزاننا وذهاب همومنا وغمومنا

كلمتك قوية جدا.. ولا يلام زوجك على غضبه بغض النظر عن طريقة تعامله مع الموضوع

وكل الكلمات والتربيرات لا تنفع مع الرجل بل تزيده شكا بك

لأن عبارتك تفسر نفسها ولا تحتاج لأي تبرير !!



ليس لك حاليا إلا الصبر والدعاء علّ الله يجعل لك من أمرك فرجا

واتركيه هذه الفتره حتى يهدأ ويفكر بشكل منطقي