السلام عليكم ورحمة الله وبركآته
اسعد الله اوقآتكم ..

انا شآب هادئ ,, خلوق .. ماحب المشآكل
كل هذي انقلبت الى العكس بعد عدة احدآث شآهدتها بعيني
صرت شآب مزعج ,, غير خلوق .. عشقي المشآكل .. > طبعا كل هذي لها اسبآب

انا اداوم في المدرسه من شهرين تقريباً
كانت هذي المدرسه جديده علي
اول ترم لي فيهآ

سرت اروح من طريق فيه مدآرس بنات ثآنويه ومتوسطه جنب بعض
وانا اسكن في سكن فيه فرع هيئة + مخفر شرطه
والحيآة في هذا السكن من احلى ما يكون

عموما اول اسبوع لي في الدوام سحبت عليه لاني توني نآقل وكذآ بروح اتقروش وكل شوي ينقلوني فصل
قلت اريح بالبيت
الاسبوع الي بعده من اول يوم بالدوآم
طلعت الساعه 7 الا ربع
اشوف سيآرة جيب مرت من جنب الثآنوية وفيه بنات يمشون وفآتح الشبآك ويتكلم مادري وش يقول
مريت جنبه واحرقت البوري عليه
وانا مآشي
ورحت الدوام وانا والله كلي ضيقة بسبب هالموقف
انغبنت من اللي صآر
ما بطول عليكم سرت اروح وارجع من المدرسه وضروري كل يوم اشوف واحد عند هالمدرسه يتغزل في هالبنات
وانا في كل مره اشطفهم وادق بوري بشكل متوآصل
واهدي كذآ يعنني بخوفهم
لين مره وصلت معي رحت فرع الهيئة لقيتهم مسكرين
فيه رقم برآ دقيت عليه
محد يرد
انتظرت وانتظرت محد جا
اليوم الثاني رحت الصبح مفتوحين
دخلت سلمت وقلت فيه اكثر من سيآرة دايم يجون عند مدآرس البنات يتغزلون
قال وش نوع سياراتهم قلت سيآرآت كثير ونآس كثيرين كل يوم يجي واحد جديد
لازم تطلع دورية انت كل صبح وظهر لمدة نص سآعه لين تفضى المدرسه
قال ابشر احنا نطلع بس ضروري نكون جماعه النظام يمنع اني اطلع بلحالي
قلت طيب كلم اخويآك يجون قال ابنتظرهم الحين يجون ونطلع ان شآء الله
^ هذا الرجال الله واعلم كيف عقليته او تفكيره او هل هو مريض لانه كان يسلك لي يبيني اطلع من الفرع بس مادري وش عنده

بعد فترة مريت لقيت واحد عاد ذا زودها يوقف قدام البنت بسيآرته واذا هي حاولت تتفاداه تروح يمين ولا يسآر يحرك سيآرته زي يحجر لها
يبيها تأخذ رقمه غصب
يوم شفت هالمنظر لحمت صدامي بصدامه ودقيت بوري اقوى شي
ولا تحرك
قمت دفيته ودفيته ودفيته لين دخلته في الترآب
فتحت الشبآك سبيته وسبيته وسبيته لين قلت بس
يوم شفته فتح الشبآك مشيت مابي اسمع وش يقول
رجعت للهيئة دخلت لقيت نآس غير قلت يآخي انا جيتكم قبل فترة ابلغ عن سبع الاف واحد يتغزل في بنات خلق الله عند ثانوية البنات وانتم هنا رآقدين !!!
الي قبل فترة واحد استغفر الله تقول سكرآن فآهي ماله ومال الشغل صرفني وقال بيطلع دورية كل يوم والى اليوم ما شفت سيآرة لكم هناك

تحمس معي الله يوفقه طلع معي من وقتها حلف ان يطلع كل ما استلم يقول انصدمت من كلامك يقول احيانا امر ما اشوف شي واقول العالم طيبه ان شآء الله لكن بعد كلامك لا والله بطلع كل ما استلمت
قلت الله يوفقك

سرت اشوفهم كل يوم على مدآرس اسبوع

ارتحت نفسياً

كنت اذا شفت الشباب حول الثانويه يتغزلون اروح احارش الشباب وازيد الضيقة ضيقتين
وارجع البيت ادخن ابي انسى

على فكرة قبل انقل مدرستي الجديده من اول اسبوع تركت الدخان
والي رجعني فيه المنآظر المخزيه الي تصير عند الثانويه

المهم صآر الشيخ هذاك اذا ما استلم ما اشوف احد عند الثانويه ويجون شبآب

اول ما شفت هذاك وقفت قدامه لحمت الصدام بالصدام
وفتحت الباب ابي انزل اتوطأ ببطنه
نزلولي اثنين
اخذت مشعاب من السيارة جلدتهم وانجلدت
جاب واحد عفريته كسر ظهري فيهآ
والعالم حولنا يمرون ينآظرون محد فكر ينزل محد فكر يدافع
الواحد مآشي ماهمه غير نفسه

بعد هالجلد الي اكلته سرت افكر اشتري سلاح
ابي كل ما اشوف واحد انزل عليه اجلده وهو خآيف
ابي اشوف ذليل قدامي ادعس على وجه
والعالم يشوفون ويقولون هالمدرسه ما بنقربها يمكن يكون رآعي الربع هناك
ابي هالمدرسه يحطون عليها الشبآب اكس بسببي
ابيهم ينسونها
اغلب الجيرآن يدرسون فيهآ وانا غيرتي عالقريب اكثر من البعيد

في مثل هالمنآظر اقول وين النآس من بناتهم
و وين النآس من دينهم
وينهم من غيرتهم
هل انا الوحيد من الطيبين الي فيه خير وفيه نخوه وغيره على خوآته المسلمات ؟؟
هل العالم كلهم سيئين ؟؟

الله يربط على قلبي

دنيآ رديئه حسبي الله ونعم الوكيل

يا أخي الزم ماعليك مستقبلك

لاتجيب لك بكره مصيبه تدخل بسببها السجن وقتها مين بينفعك

__________________

ماشاأء الله تبارك الله ..الله يكثر من امثالك ويبعد اشباه الرجال عساهم ينقرضون ...

ان شاء الله بكل ضربه وبكل اذيه حصلت لك تكون في ميزان حسناتك .. انكار المنكر واجب على كل شخص
وللاسف الناس شايلين ايديهم وحاصرين انكار المنكر للهيئه وبس ..
اتوقع هالشباب مجرد مايشوفون جمس الهيئه يختفون علشان كذا مايشوفون حركات المضايقه ..

المشكله هنا انك شلت هم وتنكدت وخربت على نفسك برجوعك للدخان ... طيب انت تسوي عمل بطولي مشرف ...ليش النكد واالضيقه .؟؟؟!!
افتخر وارفع راسك فوووق...موب هالاشكال تدمرك وترجع نفسيتك لوراء

طيب الامر بالمعروف والنهي عن المنكر مراحل ..

اول انصحه بعدين انصحه واخر شي لو ماقل وقف له ..

اما سالفة السلاح انسىىىىى ..
وانا اختك انت صح بس الشكوى لله وش نسوي

انت ابدا بالنصيحه .. وخل معك منشورات سيديات .. اممممممممم اهم شي انك تكون نصيحتك عن طريق الموعظه والحسنى

الشر ابعد عن طريقه

__________________

الله يكثر من امثالك,,, ومجرب احساسك بس وانا اخوك هالمناظر بنشوفها بكل مكان كبر دماغك واترك منهم

وهم لهم يوم كما تدين تدان , الدنيا مو مثل ماتتصورها هذولا مبسوطين ويتغزلو وا وا وا والله ياخوك ربي مسلط عليهم بلاوي مترتله ^_^

اقلها الراحه النفسيه

والادهى والامر منظر قدام عيني , موقف سيارته لها يومين قدام باب ثانوية البنات كاتب بالقزاز الخلفي رقم البن والقزاز الامامي رقم الجوال ^_^

يارجال عالم منبوذه ضعيفة الشخصية يكملو نقصهم بها التفاهات ترقيم وغزل بطلوووووها

رجل من ظهر رجل .. ولو كل الذكور مثلك كان البلد نظيفة من أشباه الرجال والساقطات

اجل اعيش مغبون واذا مت اتعذب عشان مستقبل ؟
المستقبل مضمون لكن الغبنه ما نضمنها عذآب الله ما نضمنه

اي بطولي الله يهديك واي كلام والله يالرجال انهم على حافة الإنقرآض
الدخان ابشركم من اسبوعين اتوقع حطيت الموضوع اذا ماهو اكثر والحمدلله تركته ..
لي اسبوع الله يثبتني
بالنسبة للمنحطين ذولا ما راح اسكت كل يوم ابجي وان شفت فيه احد والله ثم والله لانزل وادمر مستقبله
اذا انه شآيف البنات لعبه انا اشوفه دجاجه مشويه

تبيني اوقفه وهو يغازل اقول الله يهديك ما ينفع كذآ
والله ما دور فيني
اقعد الاحقه بعد واعطيه سيديات ؟ من وين لي وغير كذآ محد يرقم الاا وهو مطموس على عقله
اعتبره غير وآعي ..

اخذلهم يالله
فئة منبوذه كريهه
كيف هذولي رآضين عن انفسهم كيف يآخي الواحد يرقد وهو مرتاح
والله حركاتهم سهرانه بطلوها من جد لكن ليش نشوفهم ونسكت يآخي والله فيني غبنه كاتمهآ بقلبي
اليوم كلمت امي اقول لهآ يآ يمه زوجيني قالت بعدك صغير
قلت بنفسي يمكن ذولا نفس النظام يبغون يتزوجون وما قدروا قاموا فرغوا الي فيهم بهالحركات بس يآخي ما نعذرهم .. من استطاع منكم البآئه فليتزوج ومن لم يستطع فعليه بالصوم والصلاه
مو عليهم بالحرآم والترقيم :@

ماعليك زود بيض الله وجهك ورفع قدرك ..

اخوي العزيز ترا بكره لاجاء مصيبه بلفقونها براسك
محد بهالزمن نيته صافيه انتبه نفسك ولدراستك
والبنات اهلهم مسولين عنهم وين الام ولا الاب ولا الاخ يوصلون بناتهم لباب المدرسه
دام اهلهم مااهتموا انت ماراح تحل هالمشكله
نصيحه اترك الخلق للخالق

ورد عن النبي صلى الله عليه وسلم "مثل القائم على حدود الله والواقع فيها كمثل قوم استهموا على سفينة بعضهم أعلاها وبعضهم أسفلها. وكان الذين في أسفلها اذا استقوا من الماء مروا على من فوقهم فقالوا: لو أنا خرقنا في نصيبنا خرقا ولم نؤذ من فوقنا! فان تركوهم وما أرادوا هلكوا، وهلكوا جميعا، وان أخذوا على أيديهم نجوا، ونجوا جميعا"


^^ وهذآ الحديث !
الي اسويه امر من الرسول صلى الله عليه وسلم
كيف تبيني اتركه ؟!
ماني رآعي مشآكل ولا احب اتلقف بكل شي بس الا هالشي
يمكن اسكت اذا شفت واحد مشغل اغاني بصوت عالي بآي مكان
اشوفه يقذف يسوي اي معصيه ما اسوي شي عادي كاني مو موجود
لكن هالشي والله لو ما امرنا عليه الصلاة والسلام اني لأتصدى له غصبن عني
يوقف تفكيري يصير جسمي يتحرك
هالشي بالفطرة عندي ولا استحي منها لكن الي انطمست عنده الفطرة مفروض يستحي من نفسه
انا مادري كيف عايش هذآآآآآآ !!
مفروض يكون فيه حكم اعدام لا بآرك الله فيهم




عموماً انا قررت اغير طريق المدرسه بروح من طريق طويل

ومن السنه الجايه بنقل

وبآرك الله في من علق وشآركنا

شكرآ لكم

لو كل شخص كان راعي عن رعيته لما شاهدت هذه المشاهد.

انت وحدك مثلما تصف ترفض ذلك وتضرب وقد تدمر مستقبلك بتشويه او اعاقه او جهل الجاهلين.


افترضنا هذا المدرسه كنت حارس عليها وباقي المدارس.


غيرتك هذه اذا بتسبب لك مشاكل ما الداعي لها. لن يتغيروا

لو كل شخص غير من نفسه قبل ستكون الدنيا بخير.


المهم ان الله يعلم ما بقلبك
لا تحرق قلبك كل يوم ونفسيتك تتعب على بنات الناس وذويهم متهنين ولا على بالهم.


ولنفسك حق.

اتمنئ فهمت قصدي.