محتاجه احد يوقف معي حتى لو بكلمه
السلام عليكم ورحمة الله وبركاته\
مشكلتي بأختصار ابوي مايبي يزوجني , والحين متقدم لي رجل وكلمتنا امه يبون يجون بعد يومين وابوي حالف يطردهم ولا يقابل الرجال >>يقول يخسى ازوجه
ارجوكم ساعدوني بحلول انا في حيره في امري يعني اقعد عانس طول عمري عشان ابوي عاضلنا .. استغفرالله العمر يمشي وقربت لثلاثين,
انا حاليا افكر اترك وظيفتي وارتاح احسها هي بتقطع نصيبي , ابوي لما شافني موافقه ع العريس جاء واخذ صرافتي وراح يشيك على حسابي وشاف اني صرفت كثير بهالفتره وجلس يحاسبني ويهاوش
استغفرالله تعبي وشقاي انا حره اصرفه على كيفي ,,, كرهت الوظيفه وكرهت كل شي حولي تفكيري كله منصب اني ابي افتك من هالعيشه وهالبيت ابي زوج يعوضني عن سنين الحرمان ويهتم فيني
علموني بطريقه استميل فيها ابوي عشان يرضى يزوجني مع اني قلت له اذا تزوجت بترك الصرافه معك وراتبي كله لك اهم شي افتك من هالعيشه,
بس ابوي استغفرالله تفكيره مو زين يشوف ان الزواج قلة حيا وتفكيره كله ع العلاقه الخاصه , يقول لامي الرجال يبي يستمتع فيها وبعدين يطلقها ويرميها عندي,,,
حتى لما اقوله اني ابتزوج خلاص لين متى بظل عانس احسه يفكر اني ابي اتزوج عشان هالشي ويرمي كلام يقطع القلب يحسسني اني بنت شوارع او صايعه,
تكفون والله مانساكم من دعواتي واسوني ودلوني على الطريق,
والله افكر اطلع الحين وارمي نفسي بالشارع بين السيارات وارتاح من هالعيشه اللي تضيق ,, بكرا بكلم ابوي لآخر مره اذا ماوافق بنتحر وارتاااح من الدنيا كلها .
,,
,,
على فكره هالرجال شاريني ومستعد يضحي بكل شي عشان يتزوجني وبيننا اتفاق مسبق وانا واثقه بأخلاقه وانه يبيني بالحلال عشان كذا بتمسك فيه ,
اروح المحكمه اشكي ابوي ويزوجوني هم والا اش اسوي بعمري ؟؟؟؟؟؟؟؟
افكر ااخلي الرجال يجي ويجلس معه اخوي الكبير وخالي لانهم راضيين .
بي ابوي انسان عصبي جدا ومعقد اخاف يطرد الرجال .. عصبيته كرهتنا بالبيت والعيشه كلها طول يومه جالس بالصاله واذا تأخرت امي عنه بالاكل يجلس يلعن ويشتمها واحنا معها ويقول عنا عوانس انا واخواتي,
واخواني يحطم فيهم ويلعنهم ويعيرنا بكل شي كلامه يسم الله يهديه.
ولا يبي يزوجنا اصلا بس يبي يجرحنا ...
المشكله ابوي مع الجماعه والقرايب يطلع بشخصية الانسان الطيب اللي لسانه ينقط عسل ومتفهم ويضحك معهم والناس يحبونه , بس معنا باسم الله يقلب وحش ,
انتظر ردودكم ,:
والله يجزاكم خير جميعاً.
التعديل الأخير تم بواسطة ندى العمر7 ; 14-01-2013 الساعة 01:14 AM
14-01-2013, 01:11 AM
ضوابط المشاركة
العرض الشجري