عدت من فتره ملكتي 6 شهور وبقي 4 شهور على زواجي ,
وافكر بالانفصال لاني ما اشعر بالسعاده مع زوجي طول الفتره اللي فاتت ,
انا تعليمي جامعي ومتفوقه وعمري 24 وهو تعليمه جامعي (بالواسطه) وعمره 28
وانا افضل منه في الجمال والتعليم وهو معترف بهالشي واعترف لي قبل وقال انتي احسن مني بس لا تشوفين نفسك علي ( استغربت من كلامه واتوقعت انه سمع عني كثير لدرجه صار عنده رهبه مني )
اول شهر في الملكه كنت اتكلم معاه وقال لي انتي تبغيني اتعلق فيك ومو عارفه كيف صح! ويقولها بنبره مزح لاني سالته رايه فيني قهررررني ! من الصدمه ما عرفت ارد !
بدايه الملكه مندفع بعواطفه يرسل ويتصل وكان اسلوبه غريب يعني اول ما كلمني في الواتس يقول يللا استغلي استغلي هالوقت واساليني اي شي بسرعه < كنت استغرب ليش بسرعه على ايش مستعجل وراه مشوار ولا شي
يسوي نفسه كانه ما يبغى وانا اللي ابغى اكلمه وعايش جو لا واذا قال لي كلام حلو يقول هاه عجبك الكلام ؟ انتي الحين مبسوطه ؟ تبغين اقول زياده ؟ < يكرهني في كل شي قاله كانه هو ما يبغى وجالس يقول بس عشاني !!!!!
صرت اكرهه لما يقول كلام حلو وتلقائيا رده فعلي صارت بارده ومن بعدها ما صار يقول كثير
زوجي طيب لكن اسلوبه سيئ وينفرني منه , سطحي وفيه غرور وتعالي مو ناضج مع ان اللي يشوفه يتوقع انه طيب وحليله
اول شي لازم يمدح نفسه وانه ياكل من احسن مكان ويلبس احسن لبس واهله احسن اهل حتى الخبز اذا شراه يقول شريته من مكان معروووف هذا احسن مكان ما تعرفينه !
واذا انا سويت زيه ومدحت نفسي ع طول يمدح نفسه اكثر ( زي الاطفال ) جدا مرهق !
مره كان يتكلم عن الهدايا وقلت هالساعه هديه من امي واحبها كثير اشترتها لي من الحميضي قال الحميضي اشياءه مو قد كذا انا مره شريت ساعه من عندهم معفنه خربت علي , يعني وقح وقاحه يعيب على هديه اهدتني اياها امي !!!
الحين هو ياثث البيت وطلب مني صور ديكورات وكل ما جبت له شي يقول قديم محد يسويه او ما يعلق نهائيا
ولما سالته ليش ما تقول لي ايش تبغى عشان تحطني في الصوره قال انا اخذ افكار من الصور اللي تحطينها والصور اللي عندي واخترع شي جديد < نفس الصور الللي قال عنها قديمه ومحد يسويها !!
اول مره ارسل له رساله في الواتس كانت نكته رد علي قال قديمه < طيب ع الاقل جامل
مهملني ما يرسل لي رسايل الا اذا انا ارسلت له يعاتبني ويقول ليش ما تتصلين واذا اتصلت ما يرد
دايما يكلمني مسافه مشواره ويتكلم ويسولف ومايعطيني مجال اتكلم (ثرثار) واذا وصل يقول يللا وصلت مع السلامه حتى لو كنت اتكلم واسولف ممكن يقاطعني عشانه وصل الكوفي ولا المكان اللي بيروح له
اذا اتصل وكلمني ما يقدر الوقت اللي يكلمني فيه وممكن يقاطعني ويكلم العامل ولا يقول دقيقه اكلم السواق وارجع اتصل عليك !!
عمركم في حياتكم شفتوا احد يقول لخطيبته دقيقه عشان يكلم العامل ولا السواق !
واذا قلت ابغاك تكلمني اكثر لسه ما شبعت منك يقول لاحقه علي بتطفشين مني !
ي لهووووي ي ناس فتره الملكه هي اللي تحدد فيه زواج ولا لا وهذا يقول لي بعد الزواج
يقول لي احبك واعشقك ولو بيدي البسك الماس وكله كلااااااام افعاله ما تدل !!!!
كنت ارسل له كل يوم في الصباح وارسل له صور ومسجات في الواتس بس ابدا ما عمره ارسل لي الا اذا كان يبغى يجي ويشوفني قبلها بيوم يرسل رسايل كثيره وبعد مايزورني لا يتصل ولا يرسل ولا حتى ابسط شي يعلق على شكلي !! اسلوبه ذا خلاني احس اني رخيصه عنده ولا هميته اصلا !!
صرت يائسه منه وطاب خاطري من مكالمته ايش الفايده منها ! دامه ما يسمع لي ويقاطعني وكم مره نبهته لكن لا حياه لمن تناديواذا قلت له عن الاشياء اللي تضايقني يعتذر ويقول بس انتي حساسه الحساسيه الزايده ما تنفع !!
حساسه اذا ما رد على رسايلي حساسه اذا قال لي انتظري ورد على السواق حساسه اذا قال لي مع نفسك ولا لو تطيرين .. افففف انا مليت هذا الانسان جدا مرهق مررررهق التعامل معاه
واخر شي قبل اسبوع اتصل علي وقلت له دقيقه ( نفس اسلوبه كل ما كلمني يقول دقيقه ويكلم احد ثاني ) وكلمت اختي تطلع برا الغرفه وكانت نبرتي حاده معاها شوي وسمعني وقال ايش فيك معصبه قلت ماني معصبه قال الا فيك شي ليش معصبه قلت ماني معصبه قال الا معصبه قولي < نرفزني قلت ماني معصبه تبغاني اعصب عليك يعني قام ضحك قال شفتي انك معصبه قلت خلاص غير الموضوع ! جلس يقول انه رايح مشوار ومن هالكلام , قلت له ايوا صح متى بقيه المهر تجيبه قال بعد 16 يوم ! وهو له فتره يقول نهايه الشهر بجيبه انا عصبت خصوصا انه اشترى غرفه نوم بالشيء الفلاني وهو لسه ما شطب الشقه وكان الاولى يكمل مهري ! حسيته مستهين فيني ومو عامل لي حساب ! قلت اها يعطيك العافيه ما تقصر , طيب تبغى شي ؟! قال ايش فيك مستعجله قلت عندي كم شغله بسويها وانت اكيد عندك مشوار رايح له يللا مع السلامه قال مع السلامه وبعدها ارسل لي رساله يقول احترامي ضروري قلت له اسفه اذا حسيت بهالشي بس ايش الشي الغلط اللي قلته ؟ ومارد وراح اتصل على ابوي واليوم الثاني قابله واعطاه بقيه المهر
من بعدها جلس 3 ايام ما يتصل بعدين اتصلت امه ع امي تسلم عليها وتقول تراه تعبان وصوته رايح ومن هالكلام وطلبت تكلمني قلت لامي قولي لها اني في غرفتي اتجهز عشان بخرج , ارسلت له في نفس اليوم سلامات ماتشوف شر ارسل لي بعدها بساعه تسلم , حزنت عليه لانه تعبان وقلت اخسي الشيطان وارسلت له رساله هالرساله ( ليت الوجع بعروق قلبي ولا فيك لو الشفا بضلوع صدري لداويك واطحن جميع ضلوع صدري فداياك الله من شر المقادير يحميك والله يحفظك ي عيوني ويرعاك ) رد علي : امين الله يحفظني من كل شر
قهرني رده رجعت سكتت وماعاد اتصلت عليه ولا كلمته ولا ارسلت له وما بكلمه لين هو يتصل علي خلاص كرامتي فوق اي اعتبار انا زهققققت منه !!
وقلت بعطيه مهله اسبوع اذا ما اتصل بدق عليه واقول خلاص اللي بيننا انتهى الله ييسر لك !
ايش رايكم في الموضوع محتاجه مشورتكم لاني خلاص راسي بينفجر من التفكير !
18-11-2012, 01:01 AM
باقي 4 شهور على زواجي وافكر بالانفصال
ضوابط المشاركة
العرض العادي
