السلام عليكم ورحمة الله وبركاته

بصراحة دخلت المنتدى وشفت الردود للمشاكل وطريقة حلها

وتحمست وسجلت لن مشكلتي صعبه وما اقدر اقولها لحد

عمري 29 متزوج لي ثلاث سنوات وعندي ولد الله يخليه لي

مشكلتي مع خالتي وهي اكبر مني ومتزوجه قبلي وعندها بنتين

بحكم قرب السن بيننا تمون علي من قبل الزواج وهذا طبيعي لكن بعد زواجي تغييرت معاملتها معي

اول شي صارت تشكي لي من سوالف زوجها وانا انحرج واقولها يعني هذا زوجك شوفي الطريقة اللي تناسبك وحلي مشكلتك معه ( ماابي اتدخل بحياتها ) وهي مصره اني اتدخل لو اعطيها رأيي

وثاني شي تسألني عن أموري الخاصه في بيتي وانا اجاملها

معها جوال ايفون واذا حملت برنامج مرئي مثل تانقو وغيره تدق علي وتفتح الكام وتكلمني وتخفض صوتها وتسألني تقول زوجتك تدري انك تكلم بنات ؟ قلت لها انا مااكلم قالت انتبه تدري .؟

اهي ملتزمه وتخاف الله بس مدري وشفيها


اللي عنده حل يقولي وفي ذمتكم لا احد يتطنز


تكفون جاوبوني انا اللي جاء ببالي وتفكيري صح

او انا موسوسس

وعليكم السلام ورحمة الله وبركاته

جميل انك استشعرت المشكله


وخالتك الله يهديها بس ، شلون تقولك زوجتك تدري انك تكلم بنات ؟ وعلى اي اساس قالت كذا

الحل انك تطنشها وتخليك ثقيل معها كلمه ورد غطاها

الحل الثاني صارحها وقلها ترا انتي خالتي وانا اقدرك واحترمك وخلينا مثل الخاله وولد اختها وشوفي امور بيتك وزوجك

اعتقد كلمتها ( زوجتك تدري انك تكلم بنات) سامحني يا اخي انا لا اشكك فيها لكن صارحها إن كانت تكلم شباب او لا ، ربما انها تعتقد ان هالشي عادي بجهل منها ،

نصيحتي لك ان تراسلها في الواتس اب برسائل دينيه توعويه حاول تجيب رساله تعبر عن علاقة الشخص بخالته او عمته ، أو إن لم تجد مثل هذه الرسائل اكتبها انت وارسلها لها لكن لاتوجه الخطاب لها خاص خله يكون عام ، وكثر من الرسائل اللي تحذر من العلاقات المحرمه

سامحني

وعسى الله يحفظك ويوفقك

__________________
استغفر الله الذي لا إله إلا هو الحي القيوم وأتوب إليه

تقولك تكلم بنات..وانتبه زوجتك تدري!!!

انت قبل زواجك كنت تكلم؟

كونها تشتكي لك ، فهذا من محبتها لك
اما ان تتدخل هي في امورك الزوجية او تريدك تتدخل في امورها
فهذا من المفترض ان لايكون الا في الضرورة

وفقكم الله

اخوي مادام انها وصلت فيها تسالك عن امورك الخاصه وتفتح الكام وتقولك انتبه تدري زوجتك ؟
من الافضل انك ماتسولف معاها نهائي غير السلام عليكم وكيف الحال
لاتفتح لها المجال ابدا انها تسولف معاك عن حياتها والله الدنيا تخوف والشيطان مامات ولاتنسى ان الوقايه خير من العلاج

لو تصير معهآ رسمي ممكن تنحل المشكله
لأن أنت من البدايه خليتها تمون عليك لدرجة تسأل أسئلة مثل كذا !
هي حلوه الميآنه بس كل شيء بمقدار وإذا سألتك مرا ثانيه قل لهآ بأسلوب لطيف عشآن ماتزعل بعد
إنك ماتحب أحد يتدخل بحياتك ويسأل مثل هالأسئله

__________________
أستغفر الله وأتوب إليه

,,,
اتفق مجملا مع ما قاله الأعضاء قبلي
_أي حديث خاص تفتحه معك سواء كان يخص حياتها الزوجية أو حياتك الزوجية
قابله بالتجاهل و الصد ,حتى لو تطلب الأمر صراحة , قل خل نغير الموضوع
زوجك أدرى , أحب أن احتفظ بما يخص زوجتي بيننا ,

-تجنب من الآن محادثتها عبر الجوال بذاك البرنامج
بينما ظل مثل ما أنت في التواصل بالشؤون الأخرى (غير الخصوصية) حتى لا تظن أنك تغيرت
وتفهم أن الخط الأحمر هو الخصوصية بينما معزتها مثل ما هي,,,

,,,,,,,

__________________

غريب*

الله يجزاك خير

وشاكر لمرورك
@@

أمل

بنسبة لسؤالك اللي فات مات

شاكر لك مرورك
@@

عزوبي ناضج

الله يجزاك خير

شاكر لك
@@

ياسمينة
الله يجزاك خير على النصيحة*
شاكر لك
@@

فيونة

شاكر لك*
@@

مسز داني

الله يوفقك على النصيحة*
وكل الاعضاء

حلولكم المفروض تصير من اول لكن انا ماقدرت*

الله ييسر لك امرك اخوووي ..
وترا رأيي من رأي الاخوان .. اعتقد انه رأي حكيم ..
اجعل بينك وبينها حدود .. ولاكن بنفس الوقت لاتزعلها منك وتخليها تكرهك ..

موفق يارب

شكلها تغار من زوجتك وحابه انها تنغص عليكم شوي
او مومرتاحه مع زوجها فحابه انكم تعيشون نفس الوضع