السلام عليكم و رحمة الله وبركاته


اخواني اخواتي ...
عندي فضول للنصائح اللي ينصحون فيها البنات بعض عند الزواج .. ما هي عادة ؟؟؟
وللامانه :
1 - ابغي اعرف هل اغلب النصائح تقتنعين فيها ؟؟؟
2 - بصراحة هل تلاحظين ان بعض صديقاتك تنصحك بنصائح يتضح فيها الكره للخير لك و لزوجك ؟





نواف

عندي فضول للنصائح اللي ينصحون فيها البنات بعض عند الزواج .. ما هي عادة ؟؟؟
النصيحة المشهورة (أثقلي) .!
1 - ابغي اعرف هل اغلب النصائح تقتنعين فيها ؟؟؟
أي نصيحة لآزم اعمل لهـآ فلتر إذا تنـآسب خطيبي أو لأ
و أحيانا اجربها و تجيب نتايج عكسية ><
2 - بصراحة هل تلاحظين ان بعض صديقاتك تنصحك بنصائح يتضح فيها الكره للخير لك و لزوجك ؟
هي غالبا تكون من صديقة غيورة منها
أو صديقة كانت حاطه عينها عليه وتبي تنكد عيشتها معه
أو صديقة مقهورة من زوجهـآ وتبدأ تعمم على كل الرجـآل
من ناحيتي الانواع الثلاثة هاذي ما اطلب نصيحتهم وبالذات اللي اشوف ان علاقتها مع زوجها متوترة
أروح عند عمـآتي أو خالاتي الناجحات والحكيمات فقط وأحيانا صحيحة واحيانا ماتناسب

والبنات انواع فيه اللي تتاثر بصديقاتها كثير
وفي العكس وفي صديقات محبات للخير وهما الأغلب والحمدلله

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )

السلام عليكم ورحمة الله وبركاته ..

بصراحه نصيحتي للمتزوجه وغيرها وحده ..

انها ماتعود زوجها انها ماتطلب منه فلوس .. يعني ماتقتر على نفسها .. ابدا .. لانه بيفهم هالشي قلة اهتمام منها .. ماراح يدري انه حيا وعزة نفس ..

الثاني .. ماتطلع اسرار اهلها له لو وش مايصير .. ولا اسرار اهله لاهلها ..

الثالث .. ماتحمل على نفسها فوق طاقتها ..
فالرجل على ماعودته المراه من الاول ..
يعني مقاضي مصروف زيارات اهلها صاحباتها .. تقول له .. ماتحمل على نفسها وبعدين تنفجر بدون سبب .. ويمكن يكون هو مايممانع ..

ماتتصنع قدامه وتكون على طبيعتها ..

اممممم .. وش بقى .. تحاول تنضم وقتها بحيث انه لما يجي تكون فاضيه له ..
بس .. اتمنى افدتك ..

__________________

اختي سما ... مشكور علي مرورك ... كلام رائع ...

اختي توفي و فيصل ...
كلامك درر ... المرأة لازم تكون صريحة وتقول لزوجها اذا احتاجت فلوس .. وهو بعد لازم يلزم عليها ويعطيها اذا كانت محتاجة و بالذات في بداية الزواج و بسبب الخجل ...


بالنسبة للاسرار فاعتقد صعب علي المرأة تخبئ سر ,,,,


الثالثة ممتازة ... صح لازم المرأة تكون علي طبيعتها ... لكن لازم تشد حيلها شوي اذا كان البيت يحتاج مجهود اكبر ... خصوصا اذا كان الزوج عليه حمل كبيييير ... يعني ما يصير هو يتحمل زيادة عن اللزوم وهي لا ... ولكن ممكن يتفاهمون فيها ...

أنصحهم بملاحظة أمور أذكر منها :

الجانب الصحي ..

تركيز عينيه ..هل هي ثابتة أم لا ؟؟ حتى تتأكد أنهلا يعاني من هلاوس أو إدمان ..
لون شفتيه ,هل هي سوداء ام لا ؟؟؟ يتبين منها هل هو مدمن حشيش ..
لون أظافرة .. هل يعاني من أمراض في الدم ؟؟ لأنه يكون واضح من خلال الاظافر..

الجانب الإجتماعي..

انطوائي على نفسه ؟ام اجتماعي ؟؟
لغة الجسد . هل هو كاذب ؟ احمق؟ متذمر ؟عصبي؟>>>>

الجانب الروحي..

هل يظهر عليه التزام ؟؟
يغتاب الناس؟ شكاك؟ ...الخ ..

نصيحتي لها ...

اختبار ماذكرت اعلاه ...لأنها عشرة عمر ..لازم ندقق على كل شي ..

__________________
(دعواتكم لي)
أن أجد حب حياتي بين الأحياء..!!

عبيرها ... والله كلام كبير اللي تقولينه .... ماشاء الله عليك شغالة في الاستخبارات انتي ؟؟؟
لكن كلام واقعي في نفس الوقت

اخواني اخواتي ...
عندي فضول للنصائح اللي ينصحون فيها البنات بعض عند الزواج .. ما هي عادة ؟؟؟
1- لا تقارني بين خطيبك وأحد غيره أبداً
2- اثقلي عليه
3- كوني مرحة بحدود الحياء مو نكدية
وللامانه : ( للامانة / اول انا ما ملكت بس لمن كنت على وجه اني املك الحمد لله قدر الله وما شاء فعل يا رب املك كانوا يقولوا لي )
1 - ابغي اعرف هل اغلب النصائح تقتنعين فيها ؟؟؟
طبعا لا
لازم أشوف طريقة خطيبي و الاسلوب اللي يرضيه ويمشي معه
وقد تكون نصيحة تصلح لغيري بس تهدم بيتي
2 - بصراحة هل تلاحظين ان بعض صديقاتك تنصحك بنصائح يتضح فيها الكره للخير لك و لزوجك ؟
يوجد حتى اهلي انفجعوا قالوا ايش هذا اول مرة اسمع ناس تقول على طول الطلاق العادة الناس تصلح
بس يوجد ناس وهم كثر لا بالعكس بل يلومنك على الغلط ويوجهونك
طبعا أنا أكثر اسمع لأهلي عموما واخي واختي الكبار

اهلين اختي سماهر ...
فعلا اشاركك في نقطة عدم المقارنة بين الخطاب ... علي فكرة اكثر شئ يكرهه الزوج هو مقارنة زوجته له بغيره ... اعتقد هي بالنسبة للرجال مثل الرجل اللي يتحدث عن التعدد امام زوجته ...
بالنسبة للثقل اعتقد لازم يكون فيه ثقل شوي ... بس ماهو الثقل اللي مررررة الي بزيادة عن اللزوم ... اعتقد كل الزوجين لازم يكونون قريبين لبعض من هذي الناحية ..

فيه نصايح تودي لداهيه للطرفين

بما اني تزوجت قبل ما يقارب 11 سنة أتوقع
يعني من الدقة القديمة نوعا ما ..
الحمدلله كل النصايح اللي جتني تصب في صالح الزوج
اصبري عليه , الرجال زي الأطفال خذيه على قد عقله , تثقفي في كتب الحياة الزوجية ..
تحفة العروس وما شابه
تعلمي الطبخ من دحين , ساعدي مامتك خذي مسؤلية بيتكم عشان تدخلين بيتك وانتي متعودة ع الشغل
وفيه وحده ما انساها قالت لي عوديه ياكل من إيدك
هاذي النصيحة بالذات متعبة وما ينصحون فيها بنات الوقت هذا
بس الآن الوضع أختلف شوي أتوقع
لأن رجال هالوقت برضو تغيرو

__________________

‏
الوعي هو الملاذ ..

أستغفر الله العظيم ؛
( الفردوس غايتي )