السلام عليكم و رحمة الله و بركاته ..

انا متابعه للمنتدى من زمان .. وحبيت اطرح شكوكي و التساؤلات الي فراآسي ..
قريب لي يحبني و الكل يعلم بذلك .. ولكن ابوه عآرض فكرت زواجه بي .. و اعطاه خيارات قليله .
و خطب له دون علمه .. و يوم رفض امه و خواته اقنعوه بشكلهاإ .. هو يعرفني و مقتنع بي .. المهم سارو يمدحن له الجوانب الي مو متوفره عندي .. بدون شوفه ولا شيء و سار زواج على السريع بدون ما يتفقون ولا يتكلمون
مشافهاإ الا بليلة الزواج .. انصدم منهاإ و حس ان اهله غشوه .. و ما قرب منها 6 شهور
المهم طلقهاآ .. و علمت عن رغبته بالتقدم لي



** انأ خآيفه انه يكون عنده مشكله باتخآذ قراراته ..
مو دآرس جامعه .. هل يمكن اذا شجعته يكمل آو انه فاشل
هو متوظف حكومي لكن مرتبه قليل اتوقع ..
انأ ما تكلمت مع اهلي لين يتقدم رسمي و يكلمون ابوي بعدين اسآل عن الطلاق


.. و كمان انآ مهدت كل الطرق عشانه .. لان هو الي اتمنأه
بس اخاف آهتمامي فيه يآثر على قراري و صحته

سمعت اخوي يقول .. انه يقول احسني ظلمتهاإ .. مدري ندمان او شفقاإن عليهاإ ><

.. اخاف فيه شيء فشخصيته .. خصوصاإ مع ابوه المتسلط
الكل يذكره بالخير من يوم يومه .. لليوم ماسمعت عنه شيء سيء


مسآلم جدآ .. يساعد امه و خواته و ما يخذلهم ابد
بس سبحان الله زوجته كرهاآ .. و عشان ابوه اجبره يحس انهاإ مو حياته
ولا هي قراراته .. و احيان احس اني اعذره و مآ اشوف شيء منه

.. ليييييييييييش رضآ من البدايه .. دامه مقتنع في .. ليش طآع ابوه

اتمنى الي عنده تعليق ما يقصر .. و الله التفكير ذابحني و مو وقته اسال الاهل
عن الاساله الي فراسي

.. اي وجهة نظر مقبوله و اتمنى اعرف راي الرجال
هل ممكن يصبرون على وضع مثل كذا اذا اجبرواإ ..

السلام عليكم
اولا يا اختي خليه يتقدم رسميا لكم ثم اذا تقدم لا تنسي صلاة الاستخارة والسؤال عنه جيدا ثم الله يكتب اللي فيه الخير .
والسلام عليكم

مشكور/ه ..

أختي
هل انتي مضطرة لهذا الزواج؟
هل يرضيكي ان تكوني الخيار الثاني؟
هل يقنعك ان يكون تقدم لك لأن زوجته لم تعجبه بينما لو اعجبته لكان استمر معها ونسيك ونسي اللي جابوك؟
الموضوع بالنسبة لي بدا وكانه خذلك وتركك وقرر نسيانك ثم عندما لم تعجبه زوجته التفت اليك؟ هل يرضيك ذلك؟
لوكان لايعرفك من البداية وكان كأي رجل تزوج وطلق ثم تقدم اليك , لكان الامر اهون بالنسبة الي كثيرا
عن ان يتنكر اليك مع سابق معرفته برغبتك فيه وترحيبك بذلك ثم يعود بعد ان يعيش تجربته
اما حكاية امه اقنعته واخته ومدري ايش فهذا عذر يقلل من رجولته اولاً , ويدل على ضعف شخصيته ثانياً , وثالثاً يبرهن انه لم يكن راغب فيك بشدة من البداية
كل هذه دلالات شخصية غير مناسبة بالنسبة لي
والخيار لك
موفقة

و الله كلاإمك صحيح انخذلت .. لكن احسني للحين آهتم فيه و بخبآره

و اهله يحاولون يصلحون العلاقه معآنا .. مره زعلت فالبدايه خصوصآ خطبو ثم اعتذروآ .. بسبب آبوهم
عاإرفه انه ما كافح .. ولا سوآ الي عليه ..
اضغط على نفسي من ناحيتهم بهالوقت .. لان ما ابغاإ يوظح لهم اني مهتمه للموضوع

.. مآ ادري ويش بيسير الله يجيب الخيير

تسلمي و الله .. نبهتيني

معلييش مآ ادري وش جنسك

فكل الحلات مشكوور/ة

مني مجبوره بالعكس .. عندي خياآرات غيره .. لكن مدري ليش هوو نآشب فرآسي

حبك! وحده ثانيه! مدحوله شكلها! اقنع! تركك! تزوجها دون أن يراها! ما عجبه شكلها! طلقها! رجعلك!!!!!!!!!!

وين الحب اللي بينكم؟؟؟؟؟؟؟؟؟؟؟؟؟؟

__________________
حاسه حالي لحالي بالكون وكل الناس وأهلي حوالي .. بس لأنه غاب عن حياتي """ بس الأكيد انه راح ييجي يوم وأرجع فيه ... لناسي وأهلي اللي أخذني منهم وخلاني لحالي

وعليكم السلام

شوفي ياختي انا بقولك على موقف حصلي شخصيا نفس موقف خطيبك بس اللهم ماتم الزواج بفضل الله , وبعدها اعطيك وجهة نظري ولكي الحكم ,,,

احب انسانه ومابيننا صلة قرابه ولاتدري عن حبي لها ولا ادري عنها شي , جارتنا وحبيتها وبس
وكنت اتمناها زوجه لي وكلمت الاهل عنها بس اقنعوني بصرف النظر عنها لعدة اسباب ماديتي كانت ضعيفه جدا وكنت وقتها بمرحلة عنفونية الشباب وكل همي الزواج ويوم كلمتهم عنها عجزوني لعدم رغبتهم فيها بحجة انه نبي نخطبلك من القبيله وطلبو مني مبلغ المهر والقصر وا وا وا ويوم حسيت بعجز المبلغ استسلمت وقلت ماقدر عالتكاليف وساعدوني وقالو لقينالك فلانه نخطبها لك واحنا نساعدك ووافقت وخطبولي وتمت الشوفه الشرعيه وبس باقي نحدد الملكه وقبل مانحدد الملكه قالو البنت جاتها بعثه بالخارج ونبي الملكه وبعدها الزواج على طول عشان تطلع تدرس معها مبتعث ورفضت اترك وظيفتي وماتم الزواج وطلعت بعثه مع اخوها وانتهى الموضوع بخيره وشره,,, <<< رجعتي بذاكرتي لسنين مضت ^_^

الشاهد من الموقف الي حصل: الحب مو كل شي بالنسبه للرجل مهما كان العاطفه الي بالرجل مؤقته او خلنا نقول تجربه يجربها وسرعان ماتذبل , ويحكمه شخصيته شهامته ومستحيل تلقي رجل يحب مثل حب المرأه , ولو لقيتي يتزوجها وسنه من الزواج يرجع لطبيعته ,

وثاني حاجه هو صحيح حبك وابدا رغبته فيك بالبدايه لاكن انتي عارفه الي صار وزينو له الي خطبوها له وابوه رفضك

ومعليش اختي مهما كان حبه لك برضو حب الوالدين مافي شي يضاهيه , وقيسي هالكلام على اخوك يوم يختار وحده وابوك يرفض ويحارب ابوك من اجلها كيف بتشوفي موقف ابوك...؟
بس صدقيني رفض الاب ماجا من فراغ ودامكم قرايب مارفض الا فيه مشكله حاصله بين الرجال مثل ابو الولد واحد اعمامك مثلا ,,,, صح ولا غلطان

وخاض التجربه واتزوج ومارحتي عن باله وممكن صحيح فيها كل الصفات المناسبه بس انتي مارحتي عن باله ويقارنها فيكي ومن مقارنته كرهها لحد ماطلق وابدء رغبته للمره الثانيه فيكي , يعني زين ماشكو اهله فيكي وقالو ساحرته

ولاتسمعي للي يقولك خذلك وشخصيته ضعيفه ومن هالكلام ,,,

صحيح الرجل يحب بس مو بمقدار حب المرأه لان بالاول والاخير يحكم عقله مو قلبه وعاطفته
وماشوف الي سواه شي غلط , ممكن درس له جرب غيرك وماتهنى ورجعلك بشده , لاخانك ولاكذب عليك ولاشي, اهله وقفو قدامه امامك ,
ولو مانتي بباله ويحبك بكل بساطه دور على غيرك بس ماتدرين ايش الي صاير داخل بيتهم من ضغط ابوه وكذا

الله يكتبلك الي فيه الخير ,
اهم شي عشان لايتشت تفكيرك لاتقارني بالي سواه بحبكم , لان الرجل بطبيعته يدفن الحب او العقلانيه تطغى عالعاطفه

الله يوفقك ويرزقك زوج صالح وحياه رائعه ,,
انتي لم تكوني خيار ثاني باختيارك او حتى بااختيار الرجل , انما الموضوع يتمركز على سلطة العائله والتبعيه للعائله حتى في اتخاذ قرارات مصيريه في حياتنا , احيانا التمرد يكن الحل الانسب ولكن ..!!
اولا لابد ان يتقدم لكي بشكل رسمي , من بعدها صلي صلاة استخاره حتى تتخذي قرار النهائي حيال هذا الموضوع بعيدا جدا من تشويش كلام العائله من طرفك او طرفه , حاولي ان تطردي كل الاصوات وفكري بخلوه بينك وبين ذاتك واعرفي ماذا تريدين ..!
واتخذي قرارك بعزيمة وبلا تردد اما بالقبول او بالرفض ..!
بالنسبه لااكمال دراسته , ارى ان المرأة تلعب دور كبير في تأسيس حياة زوجتها بشكل سليم , كثيرون من معارفي خريجي ثانويه , وزوجاتهم اقنعوهم بااكمال دراستهم واغلبهم تخرج اما بكالوريوس علم نفس او لغة انجليزيه او اداره وهم بالاساس موظفين حكوميين , فلا يشتت تفكيرك هذا الموضوع .
الان فكري بروية وبعلاقنيه انتي ماذا تريدين , وماهي الايجيابيات والسلبيات الموجوده فيك وفي هذا الرجل , لاتفكري بالزوجه الاولى ابدا , لكل منا اخطأه ولكل منا اعذاره , هذا زواج حياة ومستقبل مو ليلة وصباحية مباركه , الموضوع اكبر بكثير من هكذا تفكير .
رائع الحب وكلنا نحتاجه , والجنون يكون له لوعه ولذه , ولكن العقلانية احيانا تكون مطلوبه في اتخاذ قرارات مصيريه .
اتمنى لكي التوفيق ,,,