وعليكم السلام

شوفي بتكلم بكل صراحه وبدون مثاليه,,

الوظيفه تروح وتجي وماهي من اساسيات المرأه بشكل عام الحمدالله الاسلام عز المرأه بان لها ولي امر يصرف عليها

بس المشكله الي تعانيها المرأه لاطبت بزوج بخيل او يكون مدقق بمصروفها وين صرفته وكذا يعني هذي تختلف من شخص لشخص وماتدري الي خاطبها من اي عينه بس دامه يخاف ربه واخلاقه عاليه تطمن حتى لو تركت وظيفتها والماده صارت ضعيفه بحياتهم الزوجيه وكانو مرتاحين ومبسوطين بحياتهم والله انها عن الف وظيفه ووظيفه

اما الزوج مو كل مره بيدق بابها وهذي ارزاق والفرص تجي مره وحده ,,, وبيني وبينك نادرا الي يوافق على زوجه موظفه بمكان مختلط وطلبه عين الصواب مافيه شي جديد,, الواحد مايبغى يجيب لنفسه الشك والغيره بكل يوم رايحه فيه الوظيفه وغير عن الي يسمعه بالقصص ويشوفه بالاعلام

وخليها تقارن نفسها على وظيفه ومنصب وفلوس بدون زوج او اسوء الاحتمالات تعيش حياه زوجيه مرتاحه نفسيا وعاطفيا والماده ضعيفه ,,, وايت تفضل

والله يكتب لها الي فيه الخير

صعب نختار بينهم الا حسب الزوج
اذا فعلا يستاهل تترك الوظيفه عشانه ومستعد يعيشها بظروف كويسه ليش لا
بالعكس الحريم نفسهم بزوج يامن لهم حياه كويسه بدون تعب الشغل

__________________

نسيت اقول،.

وظيفته حكومية تقول، و هذه اخر سنة انتساب له بالجامعة و أظن عمره 29

و اجتماعي، و يشترك بأنشطة ..

هي خائفة انه ملتزم مررررررة تقول و انه ما عنده تلفزيون ..

هي الصراحة بحكم معرفتي بها، فيها خيييييييير كثير ماشا الله و دائماً تنصح نصايح دينية
و دائماً تستشهد بالقران و الأحاديث و أبيات شعرية

نسيت اقول انها شاعرة ماشا الله .. مع انه ماله علاقة بالموضوع هههه

بس هي تشوف نفسها وسط ..

عشان كذا قلت لها الالتزام يختلف مفهومه من شخص لآخر ..
يعني أنا مثلا أشوفها ملتزمة، بس هي تشوف نفسها وسط

و أنا أهلي يشوفوني ملتزمة مقارنة بهن، بس أنا أشوف حالي عادية و مليانة ذنوب و تقصير
و زي كذا

بس مين يقنعها ؟

بس برضو محتارة هي و مرررررررة مترددة ..
بارسل لها الردود دحين

يمكن ترد ..

و انا اقول ليش ما تزوجت للحين.. أتاري لأني اشتغل في مكان مختلط... امزح امزح... احنا عندنا كل الأماكن مختلطه في الإمارات.... ما عدا بعض البنوك الإسلاميه و عمل المدرسه طبعا..

موقف صديقتج شوي صعب... هل بتقدر تحصل وظيفه ثانيه او لا؟ هو يعتمد ليش طلب انها ما تعمل في مكان مختلط... هل بسبب الغيره فقط او شيء آخر؟

على فكرة

المواصفات هذه كلها، زميلتها هي اللي قالت لهم عليه
و اللي تصير أخت الشاب

هي تلبس عباية عالراس و قفازات
بس حبيت اضيف المعلومة هذه : )

أنا الصراحة قلت لها انه الشرط تبعه مو تقليل من قيمتها

حسيت انها ماتبغى تبان انها رامية حالها عليه
او تبان قدامه زي اللي ماصدقت انه تقدم لها

مع انه فيه خطاب قبل بس ربي ماكتب نصيب

.
.

راح اطلب منها تدخل ترد عليكم من يوزري ..
أنا ما راح اضيف شي .. عشان لا الخبطكم

مبدأيا ياروح
الشاب مافيه شي يتعيب .. بس هي واخذة معلوماتهامن اخته وهي اكيد بتشهد له
لو معها اخوان او اقارب شباب خليهم يسالو عنه كويس
و باقولك الصراحة عندي انا شخصيا الاخلااااق مهمة جدا جدا جدا
فا كم من ملتزمين مايتحلون باخلاق
وكم من ناس وسط بس اخلاقهم راائعة و هذه الاخلاق بالنهاية توصلهم للتدين الصحيح
فامهم تعرف الجانب الاخلاقي في التعامل
وهذا مابيجي الا من احتكاك اخوانها فيه
وبعد كم من موقف بيبن اذا عصبي او بخيل او متزمت زياادة
او ملتزم لكن من النوع الي يحببك في الدين باخلاقه و كلمته الطيبة

اذا من خلال السابق تبين انه شاب فعلا على خلق ودين ..
فا اشوف انها تقبل فيه و تشوف وظيفة ثانية و ان شاء الله ربي بيوفقها
لانه بصراحة فرصها بالزواج بتبدا تقل الحين .. واذا هي حاااابة تتزوج و تصير ام
قولي لها تتنازل شوية (والتنازل هنا بيكون الوظيفة فقط) لكن اياها تتنازل عن الخلق و الدين


اما لو الزواج كاكل مو فارق معاها و هي انسانة قوية
وعندها وظيفتها متمسكة فيها ... ومستحيل تتنازل عنها .. فا تبين له رأيها بصراحة
وانها متمسكة بالوظيفة الى ان تلاقي وظيفة ثانية او تتزوج و تستقر معه و تشوف رده
وتحط احتمالية رفضه و فركشة الموضوع ..

او تحاول توصل معاه لحل وسط (مثلا تطلب نقل لقسم يغلبه النساء)
ويكون الوضع موقت لغاية ماتلاقي حل .. او تتفق معاه انها تاخذ اجازة بدون راتب فترة
وبهذا الوقت تدور وظيفة ثانية و يساعدها هو كمان ..


الموضوع بالنهاية ياروح يعتمد عليها و على رغباتها
واولوياتها .. ايش اولوياتها في الحياة حاليا؟؟
الزواج .. الامومة .. المستقبل الوظيفي .. الشكل الاجتماعي ..
وتستخير و ان شاء الله ربي يوفقها للقرار الصح


و انتي يااارروح شغلك عندي خوفتييييني ببداية موضوعك قلت ايش فيها رووح
ومن هذه صديقتها الي ماتستحي الي خطبتها و هي تدري انها متزوجة خخخ و عيالها هه
شطححت بخيالي

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

هههههه نورة ، بعيد الشر ياااااارب
ربي يخلي لي زوجي ( توم ) .. لانه أنا ( جيري )
كذا مسميين نفسنا ^^

أنا في بريطانيا واحد جارنا جديد، كان بيخطبني اصله من قبرص هههه
شافني اكلم جارتي العجوزة الانجليزية و اللي تصير جارته، و دخل بالخط
و سألني .. انت مرتبطة ؟؟؟ تتزوجيني ؟؟؟

جارتي العجوزة، ضربته بالمكنسة اللي بيدها.. و قالت له متزوجة و عندها ولد،
روح دور لك على غيرها ..

قلت لزوجي، بس جلس يضحك ..
كنت أحسبه بيعصب، بس اكتشفت انه زوجي مايبين أبدا، بس بطريقة تانية يبان عليه

نرجع لموضوعنا

أرسلت لها الردود

الهدوء و مدن السلام

يعني ترفض و لا توافق ؟