:*

موقفك سليم وتصرفك لاغبار عليه وبالعكس حلو أنكم عطيتوا أهلها خبر حتى ماتروح
البنت عليكم والبنت صدقيني بيكون لها رأي وإذا ولدك بإذن الله كون مستقبله ماراح ترفضه
البنت وش تبغى أكثر من رجال محترم ومن عائلة محترمه وفاضلة وواحد تعرف أهله وتربيته
وأخلاقه من هي صغيرة والمهم أنه بعد مايكبرو يحدث القبول بينهم خاصة من جهة البنت

تعرفي يابنت الحكمي
خالي لما كان بعمر ابنك حب وحده من قرايبنا وهو طفل وكان يقول لجدتي
وخالاتي أخطبوها لي لاتروح علي وكانوا يقولون له توك صغير ولما البنت
دخلت الثانوي خطبها ولد عمه وتزوجها وكان خالي راح يفقد عقله وتأثرت نفسيته
خاصة إن إلي خطبها قريبه

فحلو أنك حققتي لابنك رغبته وريحتي باله لأنه بيظل مشغول وقلقان لاتروح من يده
والكرة بعدين بتكون في ملعب البنت ولها حق القرار ومافي ظلم عليها
وغالباً حب الطفولة يكون متبادل ويكون كل منهم يكن للآخر مشاعر بدون مايبوح
فيها لأي مخلوق حتى للطرف إلي يحبه فتطمني

وحبذا تتكتمون على الموضوع حالياً ويكون بينكم وبين أهل البنت بس

والله يبلغك فيه ويحفظه وتشوفيه عريس

:*