سلام عليكم

انا اول مره اكتب قصتي واقولها لاحد ودورت في قوقل عن منتدى اسره وزي كذا وجيت عليكم وسجلت

ماكنت ابي اكتب في قسم المطلقات والعانسات لاني اخاف وماحب هالشي وقلت اكتب في هالقسم

انا بنت ع 24 مابعد تزوجت

أحب شخص من اقاربنا وجيرانا بنفس الوقت هو كبير شوي عمره 36 أحبه من فتره طويله وكل حبي له انه كان ملتزم من كان صغير وثابت على التزامه لين الحين والله يثبته دوم ويوفقه بس مشكلته انه عازف عن الزواج وماعرف السبب
انا من حبي الشديد له كنت احاول اراقبه من بعيد لبعيد اراقب وش يكتب في تويتر وفيس بوك وموقعه الخاص
هو امام مسجد قريب من عندنا اسمع صوته صوته يجنن يمكن لاني احبه ودايم في المواقع الاجتماعيه في حسابه ما يكتب الا عن الدين وعن الاسلام ونصرة الدين وهو مكانته بين اقاربنا كبيره جدا وهو طالب علم عند مشايخ كبار وماشاء الله معلم تربيه اسلاميه واخوي كان يدرس عنده في المرحله الابتدائيه وكنت دايم اتابع مع اخوي يكتب هو في سجل الواجبات ودايم اقرا كتابته وارد عليه على اني انا الام بس اخوي فضحني وعرف اني انا اللي كنت اكتب وقال لامي ومدحني عندها لانها هي تصير خالته يعني هو ولد خالتي انا لما عرفت انه مدحني انبسطت وقلت اكيد يحبني ويبي يتقدم لي بس هالكلام له سنه وماصار اي شي انا ما قدرت اصبر وتجرأت مدري كيف وقلت لماما لمحت لها اني اتمنى واحد مثله وقالت ماما لابوي وابوي مثل غيره يحب هالشخص لانه محبوب عند الكل وربي يحفظه
راح كلمه على حسب ما وصلني وعرضني عليه وانا لما عرفت كانت فرحه ما تمت لان الشخص هذا لما عرض بابا عليه الزواج مني قال لابوي انا مااتزوج مو عشان عيب فيني او مرض بس عندي اسباب وما افكر نهائي في الزواج وانتهى الموضوع ورجع بابا له بعد فتره وكلمه لازم تتزوج بدون ما يعرضني عليه والرجال رد عليه نفس الكلام وقاله انا مابي انشغل بالزواج عن اشياء اهم من الزواج والله اعلم اني ما راح اتزوج وابوي خبر ماما وماما قالت لي وكانت صدمه كبيره لي ودخلت في حاله نفسيه وصرت ما اتخيل اني اتزوج غيره

تكفون قولوا لي ليه ما يبي يتزوج تتوقعون ويمكن بالمستقبل يفكر يتزوج ويخطبني كيف اقدر انساه واتخلص من هالحلم اللي صار كابوس وهم

طيب علاقتك مع أهله كيف ؟
أخواته ، أمه ..

ماحاولتي تتقربي منهم .؟

مشكور انك رديت بسرعه ما كنت اتوقع احد يرد به السرعه علي

عاديه علاقتي معهم يجون عندنا احيانا

هو اكبر واحد اخواته اصغر منه ومتزوجين وعندهم عيال ربي يحفظهم

وعلاقتي مع اخواته عاديه اشوفهم بس مو كثير وبعد مو نادر

يعني علاقتي معهم علاقة بنات وعندهم وحده مثل عمري بس متزوجه وصارت علاقتي معها مو مثل اول لانها صارت مشغوله

وباقي البنات صغيرات بالمتوسط وابتدائي

يمكن متنطع مايبي يتزوج عشان الدين ؟!ومايبي ينشغل وكذا؟
خلاص انتي طلعية من راسك مايبي الزواج بالمرة وش تبين فية

حبيبتي طلعيه من راسك احسن لك انتي تعيشين احلام مراهقه

الله يوفقه ان كان نيّته اللي ببالي وييسر دربه
نصيحتي لاتتزوجينه هذا يمكن تتزوجينه ويقعد معك كم سنه وبعدين يختفي وشوي يقولون لك بأحد الدول واتمنى فهمتيني

وعسى أن تكرهوا شيئاً وهو خير لكم وعسى أن تحبوا شيئاً وهو شر لكم.

أختي الكريمة حاولي تنسينه، فلعل أرتباطكِ به ليسَ خيراً، ولعل من يستزوجكِ من الناس هو الخير لكِ، أؤمني بهذه النقطة تسعدين بحياتكِ، لا تعلقي عقلكِ وقلبكِ لشخص واحد كيلا تتعبي وتجني على نفسك وعلى من سيتزوجكِ مستقبلاً، وفقكِ الله وهداكِ إلى سواء السبيل.

__________________
ياصبحِ لاتِقبل !!
عط الليل من وقتك..

ماتدرين لو ان الله حافظلج اللي احسن منة !!

الخيرة فيما اختاره الله

رمضان ع الأبواب أدعي الله والحي علية إن يرزقج بالرجل الصالح اللي يخاف الله فيج

لاتضايقين ياوخيتي ، والله العظيم ماتدرين لو انه يطلع عكس ماتخيلتية.

الله يسعدج يارب.

__________________
استغفر الله واتوب إليه

عسى ان تكرهو شيئا وهو خير لكم وعسى أن تحب شيئا وهو شر لكم
والله يعلم وأنتم لا تعلمون
اختي الغالية انسيه عليك وانشغلي بقراءة القرأن والمطالعة
ربما ليس خير لك اللهم إن كان هذا الرجل خير لك الله يسخره لك
وإن كان شر لك فالله سيصرفه عنك الهم آمين
ربنا يرزقك بالزوج الصالح ربنا يوفقك ويطمنك
لا تقهري نفسك به وهو رافض للزواج