السلام عليكم
منتدى فعلا رائع استفدت منه كثيراا
مشكلتي كالتي
تقدم لي ولد اخت مرت ابوي
وقالو لي انه راعي صلاه وموظف وعمره 30
وانا عمري 25
وافقت بعد ماسالت واستخرت ربي عده مرات
وجات اخته وخطبوني رسمي وقلت لخالتي لازم قبل كل شي اشوفه عشان ارتاح قالت بناديه وانتي شوفيه من بعيد بدون مايدري قلت اوك
بعدين جاتني وقالت لا ناظريه وشوفيه وشفنا بعض طبعا انا وقتها مستحيه شي طبيعي ولا شفته بس لمحته وسيم ماعيه
وهو يقزز فيني
المهم شرطت المهر وبيت لحالي وشبكه
وسالت اخته وش يعني شبكه وفهمتها اختي
اقولك اهل مرت ابوي ماهم مطورين يعني بعدهم موب متفتحين اقصد بالمتفتح يعني الكشخه والبس والشوفه وانه يكلم خطيبته وهيك
المهم قبل الملكه باايام دقت خالتي وقالت انه يقول وش اجيب لها اخاف اجيب شي مايعجبها وتقول عني ماعرف قالت مرت ابوي لاختي قالت لها يجيب طقم يسال راعين الذهب يقول ابي شبكات وبس
المهم يوم الملكه ملك وجاب لي ابوي الشبكه
وهي عباره عن طقن خفيف رخيص
يعني راح وشاف الشبكات غاليه جاب لي الطقم الرخيص
تتوقعون بخيل .؟؟
وربي صرت مطنزه لاخواتي بس اسوي عادي عندي وراضيه
احس اني توهقت
اخاف بكره اتزوجه يصير مايعرف شي
اخاف حتى شهر عسل مايسفرني
كان نفسي اذا انخطبت اكلم خطيبي عشان افهمه
بس الشكوى لله
بسالكم ياشباب
تتوقعون في رجال بالزمن ذا يكون مايعرف يدلع البنت وكذا
اخاف بكره البس بنطلون يحسبني فاسده ولا قليله ادب
محتاره ومتخوفه
اخاف انه جاهل
والشي الثاني اكتشفت ان مرت ابوي قالت عمره ماهو صحيح هي ماتعرف كم عمره بالضبظ بس طلع عمره 35 يوم حسبت له
ضايقه مره
وغير عن ذا ملكه لي نص شهر ولا جاب المهر للحين بزواجي بيكون بشهر2 ان شاء الله
افيدوني وخاصه الشباب
تتوقعون في رجال من ناحيه دلع الحرمه وتفكير المتحجر ولا لا